17 Doga Natuna! Fuyana Isalaela dodogadi ma gogodi, mate heyaya yai edi nuꞌu ni sa miya fabida. Edi laulau E ita, ya heyaya wananaha doha waihin ena nawalahi asiyebona*Waihin ena nawalahi asiyebona mate ginauli bidabidana wananahana Isalaela edi laugagayo yai. (Lewitikusi 15:19) 18 be egu nuwa halahala E fatalu hewadi yai, paꞌana nuꞌuna sa fafabida, sa aiyunu, yo oitau sa taba ohuꞌidi. 19 Edi laulau yai E fakasadi be E anfadabalalaidi sa lau taꞌowawa nuꞌudi yai. 20 In moho, edi aba lau somo yai, hesagu fafatabuna sa kai wegowegogoꞌen paꞌana nuꞌu hahaisa dodogadi sa libaedi tiyen,

21 Isalaela dodogadi edi aba lau somo yai hesagu fafatabuna sa kai wegowegogoꞌen mate E modeꞌen paꞌana hige ti faꞌatitiyen. 22 Be Isalaela dodogadi u falibadi uwe,

Guyau Yaubada ya liba doha ite, Somo bena E ginauli te, hige umi debamiu yai, hesagu fafatabuna debana yai, fuyanna hige au faꞌatitiyen nuꞌu ouꞌouli yai. 23 Fuyanna hesagu laꞌilaꞌi ena fafatabu E famahata nuꞌu ouꞌouli yai, hesaguna ami kai wegowegogoꞌen lisidi yai, haba sa sibai mate Yau, Guyau. Haba E fapaisowamiu be haba sa sibai mate Yau tabuna. Yau, Guyau Yaubada, egu liba,

24 Nuꞌu hahaisa yai haba E abi fafuyomiu emi ai tanohi. 25 Hoꞌowa aꞌawana haba E lau sibuwen ai hewamiu be somo nuwamiu sa fabidadi yo emi tabataba ohu oitau lebedi yai haba E kaisu afuledi. 26 Haba nuwamiu yo emi nuwanuwatuhu E fafwaufwau fuyoꞌidi. Nuwamiu poꞌipoꞌidi doha umeꞌehu haba E buidi, be ami tauꞌulu. 27 Yaluwagu haba E felemiu, be egu laugagayo mahudoꞌidi ami lau watanidi yo ami awaꞌabiyedi. 28 Tanohina beyabeyana ami ulutubu E feledi ainiya haba ami miya. Umi haba egu dodoga, na Yau haba emi Yaubada.

<- Isikiyeli 35Isikiyeli 37 ->