Yohans Bek'ts Bek'o Kindo Yohans bek'ts bek'o b́guut'e krstiyaniwots Iyesus Krstosi bo doonzi b́wottsok'owo bo amantsatse tuutson gishewonat gond bek'on boats b́ bodo dúra b́tesh. Guut'tso b́t'iwintsir nababirwots bo jangirwo s'eeno b́ wotitwok'o kup'shr boats gishewonat gond bek'otse bo amantson bín bokashitwok'o bo ango kup'shosha. Mas'aafanitsi ay kaywots ay wotsnat shine shuuts waats bek'uwotsi detske, bek'manootswere man dúri teshts amantsuwots t'iwintso falitkno, k'oshwotsshmó ááshk wotar teshetk be'et arok'on t'intsek keewok'on t'intseknee. Duubi garo anaan b́ íwishefok'o mas'aafan tookwots k'osh k'osh naari bek'wots k'osh k'osh naari aron ananshdek't t'intsere. Mas'aafan b́ biitse biitsewonúwere k'osh k'osh naaron asaabiyo b́beetka wotiyaloŕ bítse een keewo daneeka, manwere Ik'o, doonzo Krstos weeron aani iwisherawok'o iknoto b́ jamon Shed'anono dabt b́balangar jamwotsi da'itwe, da'amanwere b́s'uwoor amanetswotsi wotts b́ jirwotssh handr daronat handr datsatsi deero boosh naatitwe. Jamon mas'aafan b́detstso Kindo 1:1-8 Bek'man tuwokonat Ik'i maa shawatwotssh wosheets wosho 1:9—3:22 Mas'aaf mannat shawat matebwotsn 4:1—8:1 Fugef shawat eezbedwotsi 8:2—11:19 Darwonat s'oots gitwotsn 12:1—13:18 K'osh k'osh bek'uwots 14:1—15:8 Shawat Ik'i fayi wanc'uwotsi 16:1-21 Babilon t'afo, Din s'ootso, kootets nebiyonat Diyablosn da'etsok'o 17:1—20:10 S'uwaatsi angsho 20:11-15 Dari handro, handr datsu, Iyerusalem handru 21:1—22:5 B́ gúúpo 22:6-21
1 Bek'an karn gizewotse wotit keewo Ik'o b́ guutswotssh kitsosh Iyesus Krstossh b́ imtsoniye, Iyesus Krstoswere melakiyo woshat b́ guutso Yohanissh bek'an b́ kitsi. 2 Yohaniswere Ik' aap'onat Iyesus Krstos bísh b́ danitso, mank'o b́ bek'ts keew jamo gawere. 3 Jaman b́s'eenet aawo karn b́ wottsotse bek'i aap'an nababirwo deereke! mank'o bek'i aap'man shishirwotsnat beek'anits guut'etso s'eentsitwots derekne.
Isiyotsi shawat Ik' mowotssh wosheets jamo 4-5 Isa. 55:4; Dub. 89:27; Kesh. 3:14; Bek'. 4:5 Yohanisoke Isiyotse fa'a shawat Ik' moowwotssh. Fa'oke, teshtsoknat weetu Ik'oke, b́ naashi jori shinatse fa'a shawat shayirwotsoke, mank'o k'irotse tuwon k'aab wottsoke datsatsi nugúswotsi keewirwo, amanets gawo wottsoke, noon shuntsonat b́ s'atson nomorotse noon nas' kishtso Iyesus Krstos s'aatoonat jeenon itsh wotowe. 6 Kesh. 19:6; Bek'. 5:10 Iyesus Krstos nihi Ik'osh kahniwotsi wotar no finish Mengst noon woshtsosh, Iyesus Krstossh mangonat angon dúre dúrosh b́ borfetso wotowe! amen.7 Dan. 7:13; Mat. 24:30; Mar. 13:26; Luk'. 21:27; 1 Tes. 4:17; Zek. 12:10; Yoh. 19:34, 37 Eshe daawnon weetwe, bín koshtswotsworu bo oreraniyere jametswots bín bek'etune, datsatsi ash naar jamo b́ jangosh eepetúne, keewanúwere aree, amen.
8 Bek'. 22:13; Kesh. 3:14 Fa'o, teshtso, weetwonwere, jam falts Ik'o doonzo «Alfonat Omegon,*Alfonat Omoegona: Eto shintsonat s'uwaatsi Grik fideliwotsiye, taane!» etfe.
Krstos bek'on b́ be'etsok'o 9 Iyesus Krstosn wotat gond bek'onat b́ menegsto, mank'o b́ k'amo itnton kaytso taa it eshú Yohanis Ik' aap'onat Iyesus gawi jangosh tipeyat Fet'moyi eteyiru aatso bin guurdek'ts datswatse tteshi, 10 Doonzo aawots Shayirotse t befere gaati k'aarok'o een k'ááro t shuuts weeron hank'o bí eree t shishi, 11 «N bek'irwo mas'aafats guud'de'er shawat Ik' moowwots maants etonwere Efeson maants, Semrnes maants, T'ergamon maants, Tyat'ros maants, Serdes maants, Filadelfiyo maants, Lodok'iyo maantswere woshowe.»12 Kon taash keewtsok'o danosh t shuutso maants wongr tieti, wongr tiettsok'onowere shawat c'eesho kuriru awntson doozetswotsi t bek'i, 13 Dan. 7:13; 10:5 C'eeshi bewoki talotsnowere ash na'a artso tbek'i, bíwere b́ tufok b́ borfetso geenz taho tahdek't, b́ gerats awntsi edo eddek'ke b́ teshi. 14 Dan. 7:9; 10:6 B́ tookonat b́ took s'iron shetsonat sufiyok'o nas'a b́ teshi, bí ááwwotswere taw at'ok'one bo teshi, 15 Hzk'. 1:24; 43:2 b́ tufuwotswere taw k'ak'otse wos'wutsts k'aazok'o arkno bo teshi, b́ k'aaronúwere een aats fuundi k'aarok'owiye b́ teshi, 16 B́ k'ani kishon shawat k'eenwotsi detsdek'tni b́ teshi, git weeron shash wotts shiki gorado b́ nonotse b́ keshfere b́ teshi, b́ shiits jami sháánonwere aaw taali aaw sháánok'oyiye b́ teshi. 17 Isa. 44:6; 48:12; Bek'. 2:8; 22:13 Bín t bek'tsok'on k'irts ashok'o wotat b́ tufi shirots dih tuutsi, bímó b́ k'ani kisho tiyats gedt hank'o b́'eti, «Shatk'aye, shintsonat s'uwaatstson taane, 18 Taa beyar beetk taane, k'iratniye tteshi, ernmó hambe dúre dúrosh beyar beetk taane, k'ironat Si'oli k'eshit k'ulfiwotsi detsfe. 19 Eshe nbek'tso and fa'onat shuutsomaand wetwon guud'e. 20 T k'ani kishatse nbek'iru shawat k'enwotsnat shawat awntson dozets c'eesho biyats gedetwots ááshts keewo haniye, shawat k'eenwots shawat Ik' moowwots atsi, Ik'i melakiwotsiye, shawat c'eesh boats gedetswotsu shawat Ik' moowwtsiye.»
Yohans Bek'o 2 ->
1:4-5
Isa. 55:4; Dub. 89:27; Kesh. 3:14; Bek'. 4:5
1:6
Kesh. 19:6; Bek'. 5:10
1:7
Dan. 7:13; Mat. 24:30; Mar. 13:26; Luk'. 21:27; 1 Tes. 4:17; Zek. 12:10; Yoh. 19:34, 37
1:8
Bek'. 22:13; Kesh. 3:14
- ~5~ Alfonat Omoegona: Eto shintsonat s'uwaatsi Grik fideliwotsiye,
1:13
Dan. 7:13; 10:5
1:14
Dan. 7:9; 10:6
1:15
Hzk'. 1:24; 43:2
1:17
Isa. 44:6; 48:12; Bek'. 2:8; 22:13
1 Bek'an karn gizewotse wotit keewo Ik'o b́ guutswotssh kitsosh Iyesus Krstossh b́ imtsoniye, Iyesus Krstoswere melakiyo woshat b́ guutso Yohanissh bek'an b́ kitsi. 2 Yohaniswere Ik' aap'onat Iyesus Krstos bísh b́ danitso, mank'o b́ bek'ts keew jamo gawere. 3 Jaman b́s'eenet aawo karn b́ wottsotse bek'i aap'an nababirwo deereke! mank'o bek'i aap'man shishirwotsnat beek'anits guut'etso s'eentsitwots derekne.
7 Dan. 7:13; Mat. 24:30; Mar. 13:26; Luk'. 21:27; 1 Tes. 4:17; Zek. 12:10; Yoh. 19:34, 37 Eshe daawnon weetwe, bín koshtswotsworu bo oreraniyere jametswots bín bek'etune, datsatsi ash naar jamo b́ jangosh eepetúne, keewanúwere aree, amen.
8 Bek'. 22:13; Kesh. 3:14 Fa'o, teshtso, weetwonwere, jam falts Ik'o doonzo «Alfonat Omegon,*Alfonat Omoegona: Eto shintsonat s'uwaatsi Grik fideliwotsiye, taane!» etfe.
12 Kon taash keewtsok'o danosh t shuutso maants wongr tieti, wongr tiettsok'onowere shawat c'eesho kuriru awntson doozetswotsi t bek'i, 13 Dan. 7:13; 10:5 C'eeshi bewoki talotsnowere ash na'a artso tbek'i, bíwere b́ tufok b́ borfetso geenz taho tahdek't, b́ gerats awntsi edo eddek'ke b́ teshi. 14 Dan. 7:9; 10:6 B́ tookonat b́ took s'iron shetsonat sufiyok'o nas'a b́ teshi, bí ááwwotswere taw at'ok'one bo teshi, 15 Hzk'. 1:24; 43:2 b́ tufuwotswere taw k'ak'otse wos'wutsts k'aazok'o arkno bo teshi, b́ k'aaronúwere een aats fuundi k'aarok'owiye b́ teshi, 16 B́ k'ani kishon shawat k'eenwotsi detsdek'tni b́ teshi, git weeron shash wotts shiki gorado b́ nonotse b́ keshfere b́ teshi, b́ shiits jami sháánonwere aaw taali aaw sháánok'oyiye b́ teshi. 17 Isa. 44:6; 48:12; Bek'. 2:8; 22:13 Bín t bek'tsok'on k'irts ashok'o wotat b́ tufi shirots dih tuutsi, bímó b́ k'ani kisho tiyats gedt hank'o b́'eti, «Shatk'aye, shintsonat s'uwaatstson taane, 18 Taa beyar beetk taane, k'iratniye tteshi, ernmó hambe dúre dúrosh beyar beetk taane, k'ironat Si'oli k'eshit k'ulfiwotsi detsfe. 19 Eshe nbek'tso and fa'onat shuutsomaand wetwon guud'e. 20 T k'ani kishatse nbek'iru shawat k'enwotsnat shawat awntson dozets c'eesho biyats gedetwots ááshts keewo haniye, shawat k'eenwots shawat Ik' moowwots atsi, Ik'i melakiwotsiye, shawat c'eesh boats gedetswotsu shawat Ik' moowwtsiye.»
Yohans Bek'o 2 ->- ~5~ Alfonat Omoegona: Eto shintsonat s'uwaatsi Grik fideliwotsiye,
1:13 Dan. 7:13; 10:5
1:14 Dan. 7:9; 10:6
1:15 Hzk'. 1:24; 43:2
1:17 Isa. 44:6; 48:12; Bek'. 2:8; 22:13
1:4-5 Isa. 55:4; Dub. 89:27; Kesh. 3:14; Bek'. 4:5
1:6 Kesh. 19:6; Bek'. 5:10
1:7 Dan. 7:13; Mat. 24:30; Mar. 13:26; Luk'. 21:27; 1 Tes. 4:17; Zek. 12:10; Yoh. 19:34, 37
1:8 Bek'. 22:13; Kesh. 3:14