1 Aku imi toveimeyayavo yami togugai yogoyogodiyavo ifaifaisewa faimiya ani gilubodami dewa iwakanaga wagaidiya wana dewayena, keke wana ikoyokoyoyedi. Faina waalamanena imi kadu amiToveimeya wadedeku gabama wagaine gimiyamiya.[a]
5 Kaliva-dina keke Keliso wagaine yadi vetumagana idasei ani wana venuwadadana iwakana yami dewa wagaidiya, e ada gavatoveya tova iwakana ina yegemona aga Keliso yana dewa wagaimiya ina itanuwagana.[c] 6 Tova moyaina yami ifufu ananogala ani yami nuwadoga gida seyegemonena,[d] ada yami vona ebanuwayaudi wagaidiya wana ifufu. E ada kai kaliva ina tolidadanemi Keliso faine, aga wana alamanena gavaiyamu seyana seyana wana lufata.[e]
10 Alisitako[h] banae Iya nodi yogoyogoma ada Malika[i] bana Banabasi tubuiyana, badi adiselu yadi vona vesiule wagaimiya. Banae faine bademowa anamatawa wanuwagana, kai banae ginaelai wagaimiya aga mwaleya wana vagaulena. 11 Ada Ieisu,[j] banae kaduwe anayegana anavelu Yusita, yana vona vesiule. MeIsileli tovetumagana wagaidiya-deya badi aditoto gaga Iya nodi afaifaisewa Yaubada yana ebaveimeya faina, ada tova tova nuwaku ikiveiwakanena. 12 Efafilasi banae taumiyavo yami kaliva ada Yeisu Keliso yana togugai ani yana vona vesiule wagaimiya. Banae tova moyaina faimiya givedivediwe yana veoveola wagaidiya e ada wa yami asekumaga wana mididi toyogina yami vetumagana wagaine, ada Yaubada yana nuwanuwa matatabuna nuwami gina vaina velemoena ke wana alamanena gavana Banae nuwanuwana wanagai. 13 Iya tauku gaitana ke gamatawemi vaita bana gifaifaisewa toyogina faimiya, ada kaduwe badi tovetumagana Leodisiya ke Ilafoli melalidi wagaidiya. 14 Tubuiya aseasema Luke banae doketa ada Dimasi[k] yadi vona vesiule wagaimiya. 15 Yaku vonanuwakabubu una vonedi badi tubuiyadeyavo Leodisiya wagaine, ada kaduwe novuda Nimipasi ada ekalesiya nodi imiyamiyavagauta yadi manuweya.
16 Leta taidei seyana gaito gina veyawana wagaimiya muline, wana imilina Leodisiya ekalesiya wagaine ke badi kaduwe ina veyawana. Ada taidei anafaiweya leta-nai gavetokilumi ginau meLeodisiya wagaidiya ani ina imili ginaelai wagaimiya, ada imiyavo kaduwe wana veyawana.
17 Kaduwe banae Akipasi wana vonena wana vonaga, “Una idibumwaiga ada faisewa-nai Kauveya giveleni ani wa ya atuvefaila unawai una gugaiyena, ada una luyabuna.”
18 Taidei yaku vona vetalakafoi ani Iya Paulo tauku nimakuya gavetokilumina.[l] Iya deliya gamiyamiya ani wana nuwaududuna ke wana veoveola faikuya. Yaubada yana nuwadogeya gina lemelememi.
- a Efes 6:9
- b Efes 6:20
- c Efes 5:16, 1Tes 4:11-12
- d Efes 4:29
- e 1Pi 3:15-16
- f Gug 20:4, Efes 6:21-22, 2Tim 4:12
- g Fim 1:10-20
- h Gug 19:29, 27:2
- i Gug 12:12, Fim 24
- j Bana Ieisu ani keke Yeisu adaTokibababala, aku adiyegana anainana ani seyana.
- k 2Tim 4:10, Fim 24
- l Paulo tubuiyana taidei leta-nai givetokilumina bana faine, aku anaebalauyabu wagaine Paulo feni givaina ada yana vetalakafoi givetokilumina e ada toveyawa ina alamanena banae tauna giimilina.