6 Ada imula anaebavevuvu wagaine itauya, ada inau imula anamelala lakaidi moyaidi wagaidiya ke iyegemona melala lakaina Pafosi wagaine. Wadedeku-deya tokwelikweli seyana gimiyamiya ani inuwagana, banae anayegana Ba-Yeisu,[d] kwana Isileli. Ani givona vaita banae Yaubada yana falofita aku givefwayafwaya. 7 Ada banae ani imula-nai anatoveimeya tubuiyana seyana, bana anayegana Sediyasi Paulosi, banae alaalamanina. Ani toveimeya-nai Banabasi ke Saulo gidouwedi, faina nuwanuwana Yaubada yana vona gina nogalina. 8 Aku Ba-Yeisu, anayegana anavelu Elimasi, anakivila vona Giliki wagaine ‘tokwelikweli’, ani banae Banabasi ke Saulo givenibainedi, faina keke nuwanuwana toveimeya-nai Yeisu gina vetumagane. 9 Taidei anafaiweya gidewa e ada Saulo, kaduwe anayegana anavelu Paulo,[e] banae Aluwaluwa Tabuna wagaine gimaga[f] ayo tokwelikweli-nai giitaitadonena 10 ada givona, “Oye Seitani natuna. Dewa moyaina yegayegadi Yaubada matane ani o uvenibainedi! Oyeni ani tovefwayafwaya kaduwe kaliva koyo. Tova moyaina Kauveya yana wai tunutunugina ani ukikivebalana. 11 E ada una nogalina. Kauveya bademowa nimana gisena wagainiya, ada o una vematakoyo ke kauwana yana malina keke unaita. Tova maufona wagaine taidei anafaiweya una miyamiya.”
16 Ada Paulo gimididi nimane giluawatadi ada givona, “Tubuiyakuweyavo imi meIsileli kaduwe imi keke meIsileli aku wa yami matauta Yaubada wavemoimoinena, ani yaku ifufu wana nogalina. 17 Ide meIsileli yada Yaubada ani tamadeyavo nagona givenuwadadanedi ada adiyoo gikiveinalina tova-nai iveawawala Itipita wagaine. Muliya Yaubada yana toyogina lakaina wagaine givagauledi ada fafali-nai wagaine giyegemonedi.[g] 18 Ada fafali kavovona wagaine giwaliwaliyedi ada yadi vologilogi malamala foti (40) wagaidiya giatuvefailedi.[h] 19 Muliya ielai Kenani wagaine ada Yaubada fafali lakaidi adiyoo seveni giluveyawaliyedi[i] aku babi-dina giveledi yana kalivayavo yadi babi. 20 Ada taidei gaitoma-dina matatabuna iyegemona malamala fowa analedi fifiti (450) wagaidiya. Muliya Yaubada aditoveimeya gisedi analaba Samuwela falofita yana toveya.
21 “Tayuwe tova-nai wagaine iveola kini faine,[j] e ada Yaubada Saulo giveledi yadi kini.[k] Banae Kisa natuna, Beniyamina unumina anakaliva. Ada malamala foti wagaine giveimeyedi. 22 Aku muliya Yaubada Saulo yana ebaveimeya givaiyavulena[l] aku Deivida gisena yadi kini. Ada taidei anafaiweya Yaubada givona banae faine, givona, ‘Gaitanuwagana Deivida Iyese natuna ani banae yana dewa yaku nuwanuwa anafaiweya, e ada nuwaku giabina. Gavana Iya nuwanuwaku gina gugai ani mamauwe gina gugaiyena.’[m] Taidei anafaiweya Yaubada givona.
23 “Ada tuwai-moena Yaubada givonadabadaba[n] vaita Deivida yana tubudelideli wagaine-deya aimo Tokibababala gina aliyena Isileli wagaine. E ada giyegemona anafaiweya, Banae Yeisu. 24 Ada Yeisu aimo yana gugai keke gida vevuvu wagaine, Iyoni meIsileli moyaidi wagaidiya gimadu lumamala vaita yadi gugai koyodi wagaidiya ina nuwavilana ke ina babitaiso.[o] 25 Ada Iyoni yana gugai gida luyabuna ani kaliva givonedi, givona, ‘Imi wanuwanuwa Iya vaita gaito? Iya keke kaliva-nai wabodabodana, keke.[p] Aku kaliva seyana mulikuya gielaelai ani Banae lakai-moena aku Iyayeku kwamana kabisoku. E ada keke akulauboda Bana wagaine gana vetogugai ke anaageyafayafa anabulava gana kiyavu.’ [q]
26 “Tubuiyakuweyavo, imi Ebelaamo yana tubudelideli, kaduwe imi keke meIsileli aku wa yami matauta Yaubada wavemoimoinena, ani wana nogalina. Ide wagaideya valeya taidei Yaubada yana kibababala faina bademowa giimilina. 27 Aku meYelusalema aditoveimeyayavo nodi Yeisu ibavuyena.[r] Keke ida alamane vaita Banae adiTokibababala, kaduwe falofita yadi vona ani keke ananuwanuwa ida alamane, vona-nai Sabate seyana seyana iveyaveyawana kaliva wagaidiya. Taidei faina Yeisu iawavekoyoyena. E ada falofita-dina yadi vona badi ibavuyena ani velemoena badi yadi dewa faina iluveyegemonina. 28 Ada keke tamo yana koyona ida nuwaga ke ida luvealika faina,[s] aku Pailato iveolena ke banae gina veimeye ina luvealikana.[t] 29 Ada Yaubada yana vona tuwaina-moena Yeisu faine Buki Tabu wagaine ivetokilumina anafaiweya, badi meIsileli bademowa igugaiye-yabuna, ada muliya anatomuliya vovona kelose wagaine ikakilina ada didikula wagaine isena.[u] 30 Aku Yaubada alikeya gisiveyawana,[v] 31 ada yadayada moyaina wagaidiya giyegeyegemona badi gavega ikwayabuna Galili wagaine inaunau Yelusalema.[w] Badiyavo tova taidei yana toawatalatalaina meIsileli wagaimeya.[x]
32 “Aku ime idedeku aelai ke imi wagaimiya valeya iwakana ana awatalatalainena. Tainei valeya-nai ani tuwaina Yaubada gavaiyamu tamadeyavo nagona wagaidiya givonadabadaba anafaiweya, 33 malinai giyegemona velemoena ide meIsileli tubudelideli faideya. Faina Yaubada Yeisu alikeya gisiveyawana, ada taidei anafaiweya yana vonadabadaba giyegemona velemoena. Anafaiweya Same daba tu wagaine ivetokilumina, givona,
38 “E ada tubuiyakuweyavo, nuwanuwaku wana alamane-dewedewena vaita Banae Yeisu wagaine yami koyona adivenuwaega wana vaina.[cc] Taidei aawatalatalainena wagaimiya. 39 Bana Yeisu wagaine, badi gavega ina vetumaganena ani yadi koyona matatabuna Yaubada gina venuwaegena ke ginasedi yegayegadi Banae matane.[dd] Aku Mosese yana veimeya wagaine, keke amifaiweya yami yegayegana Yaubada matane wana nuwaga.[ee] 40 Taidei faina wana itaveyabimi aenanai gavana falofita tuwaina ivonayena ani imi wagaimiya gina yegemona. 41 Vona-nai givona,
44 Ada Sabate anavelu wagaine melala-nai anatomiya moyai-moedi ivagauta ke Kauveya yana vona ina nogala. 45 Aku meIsileli kaliva lakaidiyavo iitadi yoo lakaina ani keke badi wagaidiya ida nauna aku aiyada inaunau Paulo ke Banabasi ivanevanenegedi, e ada iveumagigi lakai-moena.[gg] Ada Paulo yana vona iawavefwayafwayayena ada ivona awadamanena.
46 Aku Paulo ke Banabasi wa yadi asevatu ivonedi, “Gilubodana Yaubada yana vona anamadu awatalatalainena imi meIsileli wagaimiya. Aku vona-nai ani wadibusoyogena, ada taidei wagaine taumiyavo waseyegemonemi vaita keke amilauboda ke yawai-vagata wana nuwaga.[hh] Taidei faina ani au imiyavo wana miyamiya aku ime ananau badi keke meIsileli wagaidiya ana lumamala. 47 Ananau wagaidiya faina Kauveya veimeya givelema, givona,
48 Aku badi keke meIsileli yadi vona inogalina ada ivemwamwala-mowa, ivonavona, “Kauveya yana vona iwaka-vagaina.” Ada badi gavega Yaubada givenuwadadanedi ke yawai-vagata ina nuwagana ani ivetumaganena.
49 Ada tayuwe fafali-nai matatabuna wagaine Kauveya yana vona iifufuyedadanena ada kaliva moyaidi inogalina. 50 Aku meIsileli imididi ke badi melala-nai anatonagonayavo kadu vevine adiyegana lakaidi badi Yaubada anatooduoduyavo, ani isibaledi ke iivenuwanuwadi toyogina. E ada Paulo ke Banabasi ivenibainedi ada yadi fafali wagaine ivenegadi. 51 Aku Paulo ke Banabasi melala-nai anasivu agediya ivatuegegena, wada iyaiyaya seyana aimo Yaubada yana matavuloga wagaidiya faina. E au inau Ikoniyamu wagaine.[jj] 52 Aku tonogalayavo Anitiyoki wagaine Aluwaluwa Tabuna wagaine imaga ada ivemwamwala lakaina.
<- Gugai 12Gugai 14 ->- a Gug 9:15
- b Gug 6:6
- c Gug 12:12
- d Ba-Yeisu anakivila ani ‘Yeisu Natuna’. Ba-Yeisu-nai tamana anayegana Yeisu, aku banae keke yada Kauveya Yeisu Keliso aku kadu kaliva seyana. Tayuwe tova-nai wagaine tamo ina ke tama ani natudi kaliva ina vewagana Yeisu.
- e Yegana-nai Saulo ani vona Ibeliu ada Paulo ani vona Giliki, aku adikivila seyana. Tova-nai Paulo ginau Giliki anafafali wagaidiya, anayegana vona Giliki wagaine giinanana. Aku Isileli anafafali wagaidiya, anayegana vona Ibeliu wagaine giinanana.
- f Gug 4:8
- g Iyeg 6:6, 12:51
- h Iyeg 16:35
- i 2Vei 7:1-6
- j 1Sam 8:5,19
- k 1Sam 9:14-27, 10:1
- l 1Sam 13:14, 15:23-28
- m 1Sam 13:14, 16:1
- n Ais 11:1
- o Mad 3:1-2, Mak 1:4, Luk 3:3
- p Iyo 1:20
- q Mad 3:11, Mak 1:7, Luk 3:16, Iyo 1:27
- r 2Kol 3:14-15
- s Mad 27:22-23, Luk 23:13-15
- t Mak 14:55, 15:13-14, Luk 23:16-23, Iyo 19:6-16
- u Mad 27:59-60, Mak 15:42-46, Luk 23:50-53, Iyo 19:38-42
- v Gug 2:24
- w Gug 1:3
- x Gug 1:8
- y Sam 2:7, Ibel 1:5, 5:5
- z Sam 55:3
- aa Sam 16:10
- bb 1Kin 2:10, Gug 2:29
- cc Gug 10:43
- dd Lom 10:4
- ee Lom 2:13, 3:20, 8:3, Gal 2:16, 3:11, Efes 2:9, 2Tim 1:9, Tai 3:5
- ff Ais 29:14, Abak 1:5
- gg Gug 17:5
- hh Mad 21:43, Gug 18:6
- ii Ais 42:6, 49:6, Luk 2:32
- jj Mad 10:14-15, Mak 6:11, Luk 9:5, 10:8-12