Iyoni Yana Leta Anaveto Givetokiluma Kivemala Leta taidei afositolo Iyoni givetokilumina ke giimili ginau tovetumagana seyana wagaine anayegana Gaiyasi. Ada Iyoni gikaiyena yana gugai iwakadi faidiya, faina togugai-dina Iyoni giimiimilidi inau ke valeya iwakana ina vevewala ani Gaiyasi tova moyaina gilemelemedi. Aku Iyoni kaduwe Gaiyasi givonamatawena tonagona seyana faine, banae anayegana Dietolofisi. Faina badi togugai-dina Iyoni giimiimilidi ani tova ke tova Dietolofisi gidibudibusoyogedi, ada keke bana anakaibe gida dibudibusoyogedi aku kadu tauna yana tafalolo wagaine tovetumagana-dina nuwanuwadi togugaiyavo ina vetubuiyanedi ani giveiveimeyedi ada badi togugai-dina keke ina vagauledi o kai ina lemedi. Vona vesiule. (1:1-4) Iyoni Gaiyasi giawaveiwakanena. (1:5-8) Dietolofisi yana dewa koyona. (1:9-10) Dimeteliesi yana awaveiwakana. (1:11-12) Vona anaebalauyabu. (1:13-15)
1 Siule Gaiyasi,[a] oyeni ganuwakabubuyeni velemoena. Iya ivewagaku tovetumaganayavo yadi kaliva lakaina ani leta taidei gavetokilumi gielai wagainiya. 2 Tubuiya aseaseku, o fainiya gaveoveola ke asease gimiyamiya iwakana anafaiweya, kaduwe ya yavivila matatabuna gina yegeyegemona iwakana, kaduwe veoga keke gina vaivaini. 3 Tubuiyadeyavo tufodi ielai wagaikuya ani iawatalatalaina vaita umiyamiya nuwanuwa velemoena wagaine, ivonaga, “Velemoena ani, Gaiyasi tova moyaina Keliso yana nuwanuwa velemoena gimulimuliyena.” E ada yadi vona ananogala wagaine gavemwamwala lakaina. 4 Tova-nai valeya ganogalina vaita natukuweyavo[b] badi gavewaledi Yeisu ananuwanuwa ani tova moyaina nuwanuwa velemoena imulimuliyena, tainei yaku ebavemwamwala. Ada taide yaku vemwamwala-nai ani keke gavagaitoma gida kivemwamwaliku anafaiweya.
Iyoni Gaiyasi giawaveiwakanena. 5 Tubuiyaku, oyeni ani velemoena tova moyaina toidibumwaiga. Taidei tubuiyadeyavo inumiyamiyanau ke valeya iwakana ivevewalayena, ani badi wakawaka ada keke uda alamanedi nonogana tova moyaina uitaitaveyabidi velemoena.[c] 6 Badi kaliva-dina ielai idedeku ada tovetumagana matadiya iifufuyedi ya vetubuiyana ke ya nuwakabubu faidiya. Ada kai una lemelemedi ke yadina una kivemeyameyaganina, ina iwakana, ada kaduwe Yaubada yana togugai analauboda[d] anafaiweya. 7 Biyavo-dina ani Keliso anayegana faine yadi melala isegedi aku inumiyamiyanau. Ada Keliso anavaleya ilulumamalena badi kaliva-dina keke wa yadi alamana Keliso faine, aku keke ida veoveoledi vaita ina lemelemedi yadi miyami faine. 8 Taidei faina ide tovetumagana adalauboda ani taidei kaliva-dina kada lemelemedi, e ada badi nodi kana vetogugai ke Yaubada yana nuwanuwa velemoena kana kiveakwalelegina. Diyotelefisi yana dewa koyona. 9 Aku nagona leta seyana gavetokilumi gaimili gielai tovetumagana anayoo ineneku wagaimiya, aku Diyotelefisi nuwanuwana anakaibe gina vetonagona lakaina ke gina veiveimeya amimwatuguya ani yama vona keke gida venovenogale. 10 E ada tova-nai ganaela gana madubodami, aga taide yana dewa-dina gana awamogataledi. Banae keke wa yana alamana aku giawavekoyoyema ke giveveloima. Ada keke taidei dewa-nai gagana aku kaduwe tubuiyadeyavo inumiyamiyanau, ani banae keke gida sivaivaidi ke gina lemedi. Ada badi tovetumagana-dina nuwanuwadi tubuiyadeyavo ina sivaivaidi, ani Diyotelefisi giawaawatadi ada giveveyegemonidi ekalesiya wagaine e ada keke ina lukuluku oduodu anavagauta wagaidiya. Dimeteliesi yana awaveiwakana. 11 Aku tubuiyaku, dewa koyona taine anafaiweya ani keke una gaveuveula, e aku dewa iwakana una gaveuveulena.[e] Kaliva-nai tova moyaina gidewadewa iwakana ani banae Yaubada yana kaliva.[f] Aku kaliva-nai bana gidewadewa koyona ani keke Yaubada gida alamane.[g] 12 Aku bana Dimeteliesi ani moyaidi iawaveiwakanena.[h] Banae Keliso yana nuwanuwa velemoena gimulimuliyena e ada yana dewa moyaina iseyegemonena vaita banae kaliva iwakana. Ada ime taumeyavo kaduwe aawaveiwakanena, ada ualamanena yama awatalatalaina ani velemoena.[i] Vona anaebalauyabu. 13 Nuwanuwa moyai-moedi ganuwanuwayedi gada ifufuyedi wagainiya, aku keke nuwanuwaku gana vetokilumidi feni ada iniki wagaidiya. 14 Aku ganuwavetumagana vaita ganaelai ke kana vemagigiitaita e ada nodi kana ifufu.15 Yaubada yana nuwaniwalova wagainiya. Tubuiyadeyavo idedeku yadi nuwakabubu wagainiya, e anafaiweya kaduwe tubuiyadeyavo seyana seyana ineneku ani uda vonedi yama nuwakabubu.
Iyayeku Iyoni
- a Gug 19:29, Lom 16:23, 1Kol 1:14
- b Iyoni yana ifufu wagaine badi givevewaledi Yeisu faine ani givewagadi ‘natukuweyavo’. (1Kol 4:14,15, Gal 4:19, 1Tim 1:2, 2Tim 1:2, Tai 1:4, Fim 10)
- c Lom 12:13, Gal 6:10, Ibel 13:1-2, Mad 25:35
- d 1Tes 2:12, Kol 1:10
- e Sam 34:14, 37:27, Ais 1:16-17
- f 1Iyo 2:29
- g 1Iyo 3:6,9-10
- h 1Tim 3:7
- i Iyo 21:24
1 Siule Gaiyasi,[a] oyeni ganuwakabubuyeni velemoena. Iya ivewagaku tovetumaganayavo yadi kaliva lakaina ani leta taidei gavetokilumi gielai wagainiya. 2 Tubuiya aseaseku, o fainiya gaveoveola ke asease gimiyamiya iwakana anafaiweya, kaduwe ya yavivila matatabuna gina yegeyegemona iwakana, kaduwe veoga keke gina vaivaini. 3 Tubuiyadeyavo tufodi ielai wagaikuya ani iawatalatalaina vaita umiyamiya nuwanuwa velemoena wagaine, ivonaga, “Velemoena ani, Gaiyasi tova moyaina Keliso yana nuwanuwa velemoena gimulimuliyena.” E ada yadi vona ananogala wagaine gavemwamwala lakaina. 4 Tova-nai valeya ganogalina vaita natukuweyavo[b] badi gavewaledi Yeisu ananuwanuwa ani tova moyaina nuwanuwa velemoena imulimuliyena, tainei yaku ebavemwamwala. Ada taide yaku vemwamwala-nai ani keke gavagaitoma gida kivemwamwaliku anafaiweya.
15 Yaubada yana nuwaniwalova wagainiya. Tubuiyadeyavo idedeku yadi nuwakabubu wagainiya, e anafaiweya kaduwe tubuiyadeyavo seyana seyana ineneku ani uda vonedi yama nuwakabubu.
- a Gug 19:29, Lom 16:23, 1Kol 1:14
- b Iyoni yana ifufu wagaine badi givevewaledi Yeisu faine ani givewagadi ‘natukuweyavo’. (1Kol 4:14,15, Gal 4:19, 1Tim 1:2, 2Tim 1:2, Tai 1:4, Fim 10)
- c Lom 12:13, Gal 6:10, Ibel 13:1-2, Mad 25:35
- d 1Tes 2:12, Kol 1:10
- e Sam 34:14, 37:27, Ais 1:16-17
- f 1Iyo 2:29
- g 1Iyo 3:6,9-10
- h 1Tim 3:7
- i Iyo 21:24