1 Natukuweyavo, taidei gavetokiluma wagaimiya e ada keke wanadewa koyona. Aku kai tamo gaito gina koyona, aga adaTolubadigolagola gimiyamiya, Yeisu Keliso. Banae Toyegayegana, ada Tamada wagaine giveoveola faideya.[a] 2 Banae Tauna bolavoi-menai, ada yada koyona faina gifatana e ada Yaubada yana nuwakoyo yada koyona faine ani nuwana gibubuna.[b] Ada keke ide yada koyona gaga faine gida alika, aku kaduwe babi matatabuna anakalivayavo yadi koyona faidiya gialika.[c]
3 Kai Yaubada yana veimeya kamatawalewaleyena, aga kana alamanena velemoena ani ide Banae kaalamanena. 4 Gavakaliva gina vonavona, “Iya Yaubada gaalamanena” aku yana veimeya keke gida itaveyabi, kaliva tainei ani tovefwayafwaya, ada vona anavelemoena keke tauna wagaine gida miyami.[d] 5 Aku kai gaito Yaubada yana vona gimatawalewaleyena, vona velemoena banae ani Yaubada yana nuwakabubu givekaliva yawaina wagaine.[e] Taidei wagaine kaalamanena ani kamiyamiya Yaubada wagaine. 6 Kai gaito ginavona, “Iya Yaubada wagaine gamiyamiya,”[f] gilubodana banae ginadewa anafaiweya Yeisu gidewa.[g]
12 Natukuweyavo, gavetokiluma wagaimiya faina Yaubada yami koyona givenuwaegena Keliso wagaine.
13 Imi kamakuweyavo, gavetokiluma wagaimiya faina bademowa waalamanena Yeisu, Banae tova nagona ebavevuvu velemoena wagaine gimiyamiya.
14 Imi kamakuweyavo, gavetokiluma wagaimiya faina bademowa waalamanena Keliso, Banae ebavevuvu velemoena wagaine-deya gimiyamiya-vagata.
20 Aku imiyavo ani Yaubada Tabutabuna Aluwaluwana gibiwana wagaimiya, e ada moyaimi vona velemoena waalamanena. 21 Taidei faina Iya gavetokiluma wagaimiya, keke vaita vona velemoena keke wada alamane faine, aku velemoena ani waalamanena. Ada kaduwe faina waalamanena ani Yaubada yana vona velemoena wagaine keke tamo fwaya gida elaela. 22 Aku gaito tovefwayafwaya? Tainei gaito banae gina veweyena Yeisu evona keke Keliso.[r] Kaliva-nai ani Keliso nibaina, banae giveweyena Tamada ke Natuna. 23 Badi gavega iveveweyena Yeisu aga ina Tamada keke gida miyami badi wagaidiya.[s] Aku gavega ivonavonamogatala Yeisu Banae Yaubada Natuna, ina badi wagaidiya kaduwe Tamada gimiyamiya.
24 Aku imiyavo ani wana itaveyabimi ada gavana nagona wanogalina ani wana duveyalaina aseasemiya. Kai gavana nagona wanogalina ani gina miyamiya aseasemiya, aga imiyavo tova moyaina wana luveyabina Tamada ke Natuna wagaidiya. 25 Ada taidei luveyabina-nai wagaine yawai-vagata kanuwanuwagana,[t] anafaiweya givonadabadabayena.
26 Gaitoma-dina taidei gavetokiluma wagaimiya, faina biyavo-dina ibalabalalava ina fwayanegenegemi yadi vewala balana wagaine. 27 Aku Keliso Aluwaluwa Tabuna gibiwana wagaimiya e ada tova moyaina Banae gimiyamiya wagaimiya. Taidei faina keke wana nuwanuwa vaita seyana gaito gida vevewalemi, faina Banae Aluwaluwa-nai gaitoma matatabuna givevewalemi.[u] Ada yana vewala ani vona velemoena, keke tamo fwaya wagaine. Ada anafaiweya givewalemi, wana miyaveyalata Banae Keliso wagaine.
28 Ada natukuweyavo, tova moyaina wana miyaveyalata Banae wagaine e ada tova-nai gina yegemona, ide wa yada asevatu keke kana vovomumu Banae matane yana ela-nai wagaine.[v] 29 Imi waalamanena ani Keliso Banae yegayega-moena, e ada anafaiweya kaduwe wana alamanena gavega idewadewa yegayegana, badi Yaubada wagaine itubuga.[w]
<- 1 Iyoni 11 Iyoni 3 ->- a Lom 8:34, 1Tim 2:5, Ibel 7:25, 9:24
- b Lom 3:25, 1Iyo 4:10
- c Iyo 1:29, 11:52
- d 1Iyo 1:6,8
- e Iyo 14:21,23, 1Iyo 4:12, 5:3
- f Iyo 15:4-5,7-8
- g Iyo 13:15
- h Iyo 13:34, 2Iyo 1:5-6
- i Iyo 1:9, 8:12
- j 1Iyo 3:10,15, 4:20
- k Lom 14:13
- l Maita 12-14 ani ‘natukuweyavo’ ananuwanuwa anavelu anafaiweya ‘tovetumagana evagudiyavo’, ‘tama’ anafaiweya ‘tovetumagana toyogina,’ ada ‘kaikuweyavo’ anafaiweya ‘tovetumagana galuvaluva’.
- m Lom 8:7, 12:2, 2Tim 4:10, Iyem 4:4
- n Lom 13:14, Efes 2:3, 2Pi 2:18
- o Tol 4:8, 5:11
- p 1Iyo 4:3, 2Iyo 7
- q Gug 20:30
- r 1Iyo 4:3, 2Iyo 7
- s Mad 10:32-33, Iyo 5:23, 2Iyo 9
- t Iyo 3:14-15, 6:40, 17:1-2
- u Iyo 14:26
- v 1Iyo 4:17
- w 1Iyo 3:10