9
Luda sáabukpana kɛ̀ è yã kɛkɛ gbɛ̃nↄnɛ yãnzi
Dauda lɛ̀.
1 Dii, mɛ́ n sáabu kpá kↄ̃n nↄ̀sɛo do,
mɛ́ n yãbↄnsaɛkɛnanↄ kpàakpa kɛńnɛ.
2 Mɛ́ pↄnnaa kɛ mà ĩa dã n yã musu,
Luda Musude, mɛ́ n tↄ́ kpá kↄ̃n lɛ̀sinao.
3 Ma ibɛɛnↄ è kpɛɛ li,
aↄ̃è lɛɛ wà gaga n aɛ.
4 Zaakɛ n zɛmao n yã nnaa kpàma,
vɛ̃ɛna n tintia n yã gↄ̃̀gↄ̃ a zɛ́a.
5 N kpãkɛ̃ boriinↄzi,
n gbɛ̃ zaaanↄ kàatɛ n ń tↄ́ dɛ̀dɛ míↄmiↄ.
6 N mↄ́nzi kɛ̀ è yãaroo kpà ma zangurinↄzi,
n ń wɛ́tɛnↄ gbòro, aↄ̃ yã dↄ gbɛ̃ken dↄro.
7 Dii è kí ble gurↄ píngi,
à a kpata dìɛ yãkpaɛkɛna yãnzi.
8 Eé yãkpaɛ kɛ kↄ̃n anduna gbɛ̃nↄ súusu,
eé kí ble boriinↄa a zɛ́a.
9 Diin utɛkii ũ gbɛ̃ kɛ̀ wèe gbãaa mↄↄńnɛnↄnɛ,
à dɛńnɛ aafia'ekii ũ nawɛ̃akɛgurↄ.
10 Dii, gbɛ̃ kɛ̀ aↄ̃ↄ n tↄ́ dↄ̃ↄnↄↄ n náanɛ vĩ,
nɛɛ̀ n kii wɛ̀tɛrinↄ zĩnnaro.
11 À lɛ̀ sí Diinɛ, èe kí blee zaa Zayↄn,
à à yãkɛnanↄ kpàakpa kɛ bori pínginɛ.
12 Zaakɛ è gɛ̃ɛ bo gbɛ̃dɛria, yã è sãnlo,
è takaasideenↄ wiilɛna yã da.
13 Dii, ǹ gwa lán ma ibɛɛnↄↄ e ĩa daama nà,
ǹ ma wɛ̃nda gwa ǹ ma bↄ gaa lɛ́zĩ,
14 lɛ mà n tↄ́ kpá Zayↄn bĩilɛa,
mà pↄnnaa kɛ kɛ̀ n ma mì sì yãnzi.
15 Boriinↄ sì wɛ̀ɛ kɛ̀ aↄ̃ↄ yↄ̃̀n,
aↄ̃ gbá zù bà kɛ̀ aↄ̃ↄ kpàkpa guu.
16 Wà Dii dↄ̃ kↄ̃n yãkpaɛkɛna a zɛ́ao,
è tó gbɛ̃ zaaa yãkɛna wí à musu.
17 Gbɛ̃ zaaanↄ è tá gɛ̀wãan,
borii kɛ̀ aↄ̃è Luda yã daroo pìnↄ.
18 Wɛ̃ndadeenↄ yã é sãn zikiro,
takaasidee sↄ̃ wɛ́ɛdↄzina yãana vĩro.
19 Ǹ fɛɛ Dii, ǹton tó gbɛ̃ntee n gã̀ fĩro,
ǹ bori píngi kakↄ̃a ǹ yãkpaɛ kɛńyo.
20 Dii, ǹ tó vĩa boriinↄ kũ,