1 Àɛ sↄ̃ Dii gĩakɛ à bè Musanɛ: Mɛ́ ĩa da Fili'aunaa kↄ̃n Igipiti bùsuo gɛ̃̀n do dↄ, eé gbasa à a gbarɛ. Tó èe a gbarɛɛ, eé pɛ́awamɛ! 2 Ǹ o gbɛ̃nↄnɛ aↄ̃ baade gↄ̃gbɛ̃ kↄ̃n nↄgbɛ̃o kondogi pↄ́nↄ kↄ̃n vura pↄ́nↄ gbeka a Igipiti gbɛ̃daaaa. 3 Mɛ́ tó Isarailinↄ kɛ Igipitinↄo nna. Musa sↄ̃ ègↄ̃ bɛ̀ɛ vĩ Igipiti guu Fili'auna ìbanↄnɛ kↄ̃n a gbɛ̃nↄ.

4 Ben Musa bè Fili'aunanɛ: Dii bè gwãavĩ lezãndo é ba Igipiti bùsula, 5 Igipiti daudunↄ é gaga ń píngi sɛna zaa Fili'auna kɛ̀ vɛ̃ɛna kpatan nɛ́a ai à gàa pɛ́ nↄgbɛ̃ zĩkɛri kɛ̀ aↄ̃è wísi lↄ́nↄ nɛ́a kↄ̃n pↄ́kãde nɛ́kya káakunↄ ń píngi. 6 Weé sósobi ↄ́ gbãaa dↄ Igipiti gu píngia, à taka e kɛ yãro, eé kɛ ziki dↄro. 7 Mↄde Isarailinↄ tɛ́ baa gbɛ̃ é gbon kɛ gbɛ̃ntee ke pↄ́kãdeearo, lɛ ǹgↄ̃ dↄ̃ kɛ̀ Dii Igipitinↄ dↄ̃kↄ̃zi kↄ̃n Isarailinↄ. 8 N ìba kɛ̀kiinↄ é mↄ́ ma kiia ń píngi aↄ̃é kúɛmɛ, aↄ̃é be mà gá kↄ̃n ma gbɛ̃nↄo ń píngi. Beee gbɛra sa mɛ́ gá. Ben Musa bↄ̀ Fili'auna kiia kↄ̃n pↄfɛ̃ bítao.

9 Dii bè Musanɛ yã: Fili'auna é n yã maro, lɛ ma dabuyãkɛnanↄ e à pari kũ Igipiti. 10 Musa kↄ̃n Arunao dabuyã pìnↄ kɛ̀ Fili'auna aɛ píngi, ben Dii à kùgbãa kũ̀. À gì Isarailinↄ gbarɛzi aↄ̃ bↄ a bùsun.

<- BƆNA 10BƆNA 12 ->