Filimon

1 Bulu fucuna ker yeecu kriti kange yiice Timoti a ne Filimon ma cuiti cuiye farnge kange far nangene nye kange. 2 Afiya nin korya nye kange Akifuc far nangene tarkwene, yaciko nubo bwantan kwama ti mwer kanti lo mwe. 3 Luma kange fwor nered fiye kwama tebe, kange teluwe yeecu kriti luma kange for nered ayi kange mo wuro fiye kwama tebe kange teluwe kriti 4 Kir kir mi bũ kwama nin kanti. mi yo komti mor dilo mi kwobtiye. 5 Min nuwa fulen cwikanka mweko kange bileng ke mwe mo ciko mor teluwe yeecu kange gwam yitobbo wo bwan cinen tiye. 6 Mi kwob dilo tibilen ker mwero ayilam dike abou ti ki mũka nymka dikero gwam yoryore more bemor kriti. 7 Min nuwa fornered ducce, take min fiya birum nere morcuika mweko, nyori ner nubo bwam kwama nin tiye dãken fiye mu wiye yice. 8 Na wo nyeu nomin wi ki bi kwan nered mor kriti na yi nen ki nyial na ma diko wo mwa. matiye, 9 La ker cuikar makeng nen tiye mo bulu cẽle kange nii fucuna ker kriti yeecu. 10 Mi ken nen ti dor bi bwemi onicimu wo ma yilam tẽ kange nii bwaka, 11 Fiye cuwo ci kebo ni ken munen, caneu conken munen kange mo. 12 Min twom co munen nii nyimom ner mire. 13 Nomi cuiti na yoken co na tikanye nanger mwero ki kwama wo mi fucuna ker fulen kered kwama. 14 La macuibo ma dike kange kebo ki cuika mwek ma cuibo dikemu mati yoryore ayilam na mui ci ki ciyaka mwek. 15 Nyeu co ma tikagum co kange mwe buri, no mo fiye coyilauri ayi kange mo diki. 16 Maca yila caga ti tak, con la canga yii mwe ken mo cuitiyẽ, la nyo ma fiye mo wiyeu. mor bwiye kanye mor teluwe be. 17 No mon tũye min far nangene mweri, yuwo co na mwi muki yuwo mo. 18 No ma mwen dike yorberi kaka no mu bwan cinen ten diker tiri, tuken na mwi co ma fiye mi wiye. 19 Mo bulu ma mulang wo ki kang mike man biya nen. ma yibo miki man yinen mi ma bwan mwen cend doremwe ti. 20 Min ciya yice cii ye mor teluwebe yob men nermor kriti, 21 Mi ki bi kwang mor neremi, ki neka dore mweko mi mulang mwenti min nyimom mwan ma dike wo lawo mi kennenti na mane. 22 Fiye cuwo win, ywl men luwe. mi yo ner ti mor dilo mwe man bou fiye mu wiye. 23 Ebabara far nangene yeecu kubwaka yarmum nen ti. 24 Nyo Marku kange Aritaku kange Dima, kange luka farb nangene mi 25 Luka teluwe be yeecu a kange yuwa tangbe ce ayi bi nen a titinyo