1 kombo Yeecu dim tok ke ti towo kange ciyeri co ca yii bei tomangeceu, 2 kon nyomom kum kume yob na duklume yabkako na lami, laci an ne ken bibweni na ci kulken co 3 lanob wabeko durko kange, nubo dur nubero cin mwerkangi karak nii wabero durko coti kikayafa. 4 cin tokkangum nure ci tam Yeecu ti yurangum yurange na ci tallum co. 5 la ci ti tokiki kebo ki duklumeu kati kwalkanke kweni tiber niber, 6 kamob Yeecu ki no betanya lob caminu waleu 7 dong dong kambo co yim cunga kobiomero ci cam. cori tiyeri, co nawiye kange dou kiwer nuwanger wo kikiyemereu cor Yeecu nin ti dorcer 8 kambo bibei tomange cru to wo nyeri nercer. ron kaya, kim yebwi a yakcang wo ti nye? 9 woro tin miyem ki kiyemero ducce na neken nob bune bou 10 la Yeecu nyomom wuro lam yii ci, ye bwi ka ne nawiye wo dotange tinye? wo con mamen dikero yor yore 11 kom kir-kir kange nob bunebo, la maka fiya, yeti kir-kir. 12 na wo co corti nuwangko wo bwimi yeu, co mamna furka miko ce. 13 bi com ma yii komti na fe atok fulen ke do wo tiye fo dor bitinero wo dike nawiye wo mane an toki ken na kwa ki co. 14 la win mor kwob cilom bo yobenin coti Yuhuda kar yoti yeu yaken liya wabe nin. 15 con toki, yemo cuiti mwa neye tiye naneken niwo kangmuek di? cin cuwa cinen mwin do kwini ta'ar. 16 la nyeu con ta do ka nureko wo ca neken coti kang cikeu, 17 la kume kaba wo duklume yabkako neu bi bei tomange ceu bou cinen, la ci me co, fe mo cuiti nyo yulangum na mo camcari durlume yabkaro we? 18 co yii ci kom durlume cinan lor, kan fiya nii kange, ko yii co ni do mor ka toknyo kangkene takako dom, maca cari durlumer yabkaro lomo bibei tomangemiu. 19 bibei tomange ceu mani kanbo co yii ciyeu, ci yuelagum cari duklume yabkaro. 20 la ki mee con yii kange bibei tomange ceu kweb cilombo yobeu na ci can cari to. 21 kanbo ci ca cari to tiyeri, con yici, bicom ma yii komti win more kume an miyem ye 22 cin ma fir neorer, cinter meka ceko kiwinti min nyumom ke bomo na teluwe? 23 la co yii ci, wuro dor kangti kange mo mor kwele wineu co nii a miye yetiye 24 bibwe nifire an u kanbo mulangi dorcereu la kwanco nii kercer ci miye bibwe nii ye tin yor ni conin na cibou co bo di. 25 Yahuda wo a miye co tiyeu me co, ma nii merangka? la con yi co, mon tokum ki bwimi. 26 kanbo cica carito tiyeri, Yeecu tu carito yoten bibwiyer an kabkangum. con ne bibei tomange ceu, con tu cam wuro bwimi, 27 con tu kwelmwenge, con ma buka kangek co ca nee ciye, yii ci ko nom gwam kume 28 won bwiyalemi wo noro ceu wo corena tab ka bwiran kerer nubo kila-kila 29 la ma yii komti, mani ma no mwem inabim bo wo ti tak mano kange okm fuije mor liyare Teemi. 30 la ci okm nuweu, co ci cu bang jaitune 31 la Yeecu yii ci, gwam kume kan kottangi ker mir ki kume wo, wori mulangum mulange. man tumom nii to tiyeu, kwame ten do an yalam 32 la bwiko wo ma kwenunmeri, man yaken ten kumen Galili. 33 Bitru yii co bwentano tangnim bo anyarangum ker mwer di, mi mani ma yarti 34 Yeecu yii co bicom ma yinenti mor kume wo bicake na manb kiyangeri mon yi moki mo nyom yebo kirito ta'ar 35 Bitru yii co, bwentano ma bweya kange mori, mani ma yiti mi ma nyomnenbo la tangunim bi bei tomange cembo tokti nyo ken 36 co Yeecu yaken kange ci fiye wo co tike Getca maniyeu laco yii bi bei tomangeceu ka yim fo miki yankab ma koub dilo 37 con tu Bitru kange bibeyo lo Jabadi yobeu, kange co, con ter bulankako kange tutum nerem 38 la co yii ci, dumemi ki no mor bulanka wo a lamti ki mo bwareu ka yim for koma corka kange mo 39 con kutaken tenkab biduwar la con yarken ki tikob ceb. laco kob dilo con toki, mo Teemi na an mamdi, kweie wo a cum ye, kebo mi a bwang tentiye la an bwanten dike mo cuiyeu. 40 con yila bibei tomang ce nin co fiya ci dam dum lacon yii Bitru mo maka cor ti kange mo bwen na nang kenoko wina? 41 kom cori kom kwob dilo kati ko yarken cuwaka, yuwa tangbe kwama kom ciya, la bwiyo kwambo 42 coca yila yobece co kob dilo, con tok mo Teemi nona kwele wo cunin man nocori, be dike mo cuiti ye a mani 43 con yilau ten co fiya ci da dumti wori nuwe ciyeu tu'u kabo 44 con dubangum ci tak nako ta'areu, co kob dilo ti co tok tika dike kitanca tokeu 45 Yeecu yila bi bei tomangkace nin, la con yii ci, ko damdum duwal komti fuobi? koto kwama con dadom, la cin neken bi bwe nifire kange nob bwiran ker. 46 ko kwen bi ya to niwo a miye yetiyeu won lambi dom 47 kambo co tok keretiyeu, yafuda win mor kwob cilom bo yobeu kange nubo dur nubero. cin bou ki kulenti kange kulki 48 na weu, nii wo amiye Yeecu tiyeu tiibum ci yii ci nii wo ma teiceri co, ko tam co 49 na con bou Yeecu nin con toki, yarume nii merangka laco tei bwiciu 50 Yeecu yii co, farmi, ma dike mo bo makau, co ci bouwe ciyoti kanko dor Yeecu de laci tamco. 51 la kange, kange Yeecu ter kan ceko coku kulendo cuwalum tu'u canga nii wabe durko, 52 co Yeecu yii ce dokken kulen mwero fiye ce [loco] nubo wo tu kulene di a dwiya kin kulen 53 mo kwatiri mani maco tee mi ti ya, la can tommer dike cum wenange kwob cilombo yobeu wo nob tomangeb cebo wucakkeu? 54 la a ma nyi na bifumero na dim na wo tam nar ma nyeu? 55 la Yeecu yii nubo dim wiyeu, ka bou kin kulen kange kulki bou ko ta ye na nii kwiye? mati yii ma meranti kir-kir kur waber la ka ta yebo. 56 wo gwam ma nyo na dike nob dukumero na dimla bi bei tomange ceu gwam dubom co cuakkanyi cu. 57 nubo buro ta co Yeecu yaken ki co kayafa nin nii wabe durko, fiye nob muiangkabo kange nubo durko mwerkangum wari yeu 58 la Bitru bwang cinen tenti ku tan kange karak nii wabere durko con do ken mor co yii na co to dike a matiye 59 na weu laya wabeu kange nob tikali cebo ki to warke cuerker dor Yeecu na ci tualum co. 60 la fiya bo win wo. na duwaleu nob warker cwerkero kila bou kab. 61 la ciki nii wo ki canwerum kur wabe kwamaro na co muti mor kume ta'ar. 62 nii wabe kwen titiye lanme, co, mo man ki diker kar kaka? warke wini ci war ti dor mwere 63 la Yeecu kumom. nii wabe durko yii co mo yii nen ti ki nyal kange kwama wo ki dumeu, yii kenon mo kritti bi bwe kwama 64 Yeecu karcenen, mon to kum ki ko kab mon to bi bwenii yim kang ko catiyer bikwanrd, la yiranti dor bi loro dii kwama. 65 la nii wabe durko worbangum belleceu, ki tok kero bwir, ye bwi bou do nob warker ti dualla? koto na wo kom nuwam kero bwirko. 66 ye ko kwatiye? cin ciya ciki con daten buar 67 ci tuom cinen ti bi tom bo tikob, yila cibukten co. ci kwabanco ki kani ceyeu. 68 la ciki, yii bo ker dukumer mo kiritti. we wo kwa nene? 69 la Bitru yim kale mor karake, la bubya kange canga bou cinen yii mo ki no kange Yeecu wo Galiliu” 70 la Bitru kanangum kabum ciyem gwam tokti ki, ma nyombo dike motokker ti dorce reu. 71 kanbo co cerken nyi lo ko kaleri, kange bubya toco la yii nubo wiyeu, nii wo ken kino kange Yeecu bunajare. 72 yila con kanangum ten kange weri, ma nyom bo nii co 73 kakten nyo bi budar di nubo wo tirangum wiyeu bou yii Bitru, bicom mon wi more ciye ken wori kero mo tok tiyeu nugum nen. 74 la con yoten kan cilka kange weri manyombo nii co, ladanjang bi cukeu mob kiya ngeu, 75 Bitru kwabi ki kero Yeecu tokeu. bicake na mob kiyangeu mwan kanang ye kiro ta'ar. la con cerken kale cociwiye kefir neerer.

<- Matta 25Matta 27 ->