1 Ki kwama curo Hiridus Liya nuwa fulen Yesu. 2 Yi canga ce kange Yuwana wo yu mwemti wusakeu kwenu tuwe, wori Bikwando wo ma nage tiki co. 3 Wori Hiridus tam Yuwana bwam co ta ke merken co furcuna, ki ker Hirodiya wi yi ce Filibus. 4 Yi co ki daba nyo tu co na wi mwe. 5 Hiridus kin twalum co di laki cwa tai nobe, wori cin tu co na nii tmange to dukum tire. 6 Di kakuk boka Hiridus kentanguu bi bwe Hirodiya yel yila kwo yoryore kabum Hiridus. 7 Co ma cinen mor kange weri ki ca ken dike co cwitiye can ne co. 8 Bwiko co nuwa ker necerori con ya coki aneco dor Yowana wo yu mwemtiye mor fantilaner. 9 Liya mam funer ki keni cero kweri wori weri co mane, nobo wari kange co fiye cika nin co bwi co yi ki a ma nye. 10 Con twom mwati ka dor Yuwana ro furcina. 11 To mi a mwatu doro co ya ci boki dor cere mor fantilane ci ne bubya co ya na neken nece. 12 Bibei tomange ce to ci tu bilendo ya cin fwerum. Kambo naceu Cin ya la cin yi Yesu. 13 Yesu nuwa nyori cerum tkum mwengem bo nin ya yiken ki kwace fiye kange. mwe kankanko nuwa nyori cin bwang cinen ten ki na mor cinan lor. 14 Yesu bo kabum cem to tenanka mwerka nobe ko, cii cimen, co twam nubo nuwabo luma mo re ciye. 15 Ki Yo me bi bei tomange ce bo ci yi co, fiye wuro kiye kume no kweri fim, yo mwerka ko wo na ci ya cunnukur na ci tik dur ciyero nen cari. 16 Di la Yesu yici ki wifini yame ciye man kom necci dige ciya ca tiye. 17 Cin yi ki nyori carito cwendo nung kange jinge yob koni. 18 Yesu yi ci ki kom bu men ciko. 19 Yesu yi mwerka nobe ciya yiken dor yeret co tu carito nunge kange jinge yobe, con kunge dii kwama yoti bibwiro wi, con ne bi bei tomange ce. 20 Gwam ciye cin ca cin bwam, ci to fiti cari kange jinge bulendo kwob cilombo yob. 21 Nubo ca, nabarubbo bikate nung, kiyebo kange natubo. kange bibeiyo 22 Can nawo con yi bibei tomange ce ciya doken mor tokum mwengem bo, na ci yabken dinge wineu. nimde co beri na co yo mwerkako. 23 Bwiko co yo mwerkako cuwe, co ci kwiken dor bange kwobka dilo kume fim co firen ki kwace. 24 Can nawe tokom mwemero ki no tiber wimar, bwayum kaka koti ki mwelanka mwengero kange Yuako ne ci dotangeti. 25 Ki kume (kene tar na kume ce) Yesu meru dor cinen yauti dor mwenger. 26 Bibei tomange ceu to co yakenti dor mwenger cin cwa ciko ciye ke keno kelkeli, ci kwa kiyange mor tai ye. 27 Di la Yesu yi ci ker can nawo co ki kom ma bi kwan neret, mo kom nuware tai. 28 Bitrus kari ki teluwe tano mo ri dok ye bo fiye muneneu dor mwenger. 29 Yesu yi co bo, Bitrus ceru mor nabire mwenge yauti dor mwemer Yesu nen. 30 Bitrus to Yuwa ko taito tam co fiya co ter dikako co teluwe fulo ye. 31 Can nawo Yesu tarkanko tau Bitrus, yico ki mo nii bilenke bi dob, ye bwi ner mwero oktiye? 32 Bwiko Yesu kange Bitrus donken nabire mwenge co yuko yiloten makake. 33 La bibei tomange ce mor nabire mwenge ci wab Yesu ci yiti ki bi cum mo bi bwe Kwama. 34 Ci yabum cin lau biten Janisata. 35 Nubo wiye nyomom Yesu, co ci tom tomange mor cinanlor, take ci bo cinen ki nubo ki buwarakeu. 36 Cin ken co, ca ciya cimen na cin tai bwi belle ceu, gwam wo tai ceri fiyam luma.

<- Matta 13Matta 15 ->