1 Na wo nyori, duklume ma ci ca cari to yoten diker kunkar wiyeu, ci cuwoti yabkau dadom. 2 Liyab wabebo kange nob mulangkabo, cin mwerkan dor, na ci fiya ci twalum Yeecu, La ci nuwa tai nibeti. 3 La bwekelkele dokenmor Yahuda Iccariyati, wo wiin mor kwob culombo yobeu. 4 Yahuda ya Liyab wabebo kange nabarub kwenebo nin, cin tokkangi kambo ca miyam Yeecu ti cineneu. 5 Cin bilangi, takeu cin ciya ciyan ne co kyemer. 6 Con ciya, La co do nurewo ca nekeng co ti cinen neu wo kebo tiber nubereu. 7 8 Nyori Yecu twom Bituru kange yuwana, yici ti, “kom ya ko ka bati cari yabka ko, wo ba catiye. 9 Cin yii co, “Fee mu cwiti nyo ka bati cuwe?” 10 Con ciya ci, “to no kom doken cinar lor di, kange wabkan nii kangetum ki tabwir mwenger, ko bwanten co luwe ca domtiye. 11 “Ko yii nii luwe kom ki, “nii meranka yinen “fe ku fabubeu, fiye ma cam cari ti kange bi bei tomange me?” 12 Can nung kimen kuwe dur ywelum ywela dii. Kom ka batiyo wi. 13 La cin ya, cin fiya dong-dong na wo co yii ciye, cin kam bati cari yabkako. 14 Fiya ca ka cariko lam, con yiken kange bi bei tomange ceu. 15 Con yii ci, “mi dilanti ducce nan ca corito wo kange kom, nyim re nan nuwa, dotange. 16 min yi kom, “ma ma cati tak yaken ciko bi diye Liyar kwama a dim tiye. 17 Yeecu tu kweleu, bwikoko ca ne buka kange ri, cin tiki, “tu wo na kom tikangum bwiti kime. 18 Min yi kom man ma no mwem bi tutti ti tak yaken ciko bi diye Liyar kwamaro a boutiye, 19 Yeecu tu carito bwiko ca bu kange ri con wulangum cin neci, yi ci ti, “wo bwimi ci ne komme, ko ma wo na bulanka mi ko ce. 20 Cin tu kweleu bwiko cariko, con toki, “kwele wo na norro fwir ceu, bwiyale mi wo ci a corti ker kimereu. 21 Dii ko ti yora, kang niwo ko a miye, ye tiye wii kange mo fiye caka cari. 22 Bi bwe nifire an cu na wo ci yowe. La kwannen mo nii wo ma miye tiyeu. 23 La cin yoten ci ti tokkangi bwitici we nii curo a miye co tiye. 24 Kwalkange kwenu more ciye dor, we nii na dure. 25 Con yi ci, Liyab nubo nyombo kwama, teluwe dor cir kange buro ki bi kwang kere dor cireu, ciki cuwo ci ki nubo ma dikero keng tiye. 26 Mani a yilati nyo kange kom, nyori nii wo na dur more kime ri a yilam bwe biduware, kange nii wo yori La gwammeu, a yilam canga. 27 Nyori wo na dur gwammeu, co ci yime kaka na wo canga makimen nangen tiye? 28 Kimeu kom kange mo, cuwa mik. 29 Min yoti kom dor liyarek na wo temi yoti ye dor Liyareu, 30 na ko ca, nako no kange mo, mor Liyare mi, kom yi kutile dumbo kwob culombo yob wo Iciraila ceu. 31 Siman, siman, bulangi, Bwekelkele do a neco mo, na co kwom nen na bi kate. 32 Min kwob mwen dilo bilenkere mwe a yarde, no mo yilau tak ri, ne keb mwebo be kwamer. 33 Bituru yi co, “teluwe min kam bati man ya kange mo Fucina kange bwar. 34 Yeecu yi co, “min yii neng Bituru, fiya na bicake mob kiyange ri, mwan ko nyomka mik kiriti taar. 35 La Yeecu yi ci, “Fiyo cuwo ma twom kom, man ki Liinge, cwaye kime kange tau, ye ka fiya be? Cin ciya co, “Mani” 36 La con yi ci, “caneko, wo ki cwaye kimere ca tu, kange cwaye kulene. Wo man ki yari ca miyem belle ce ca tiyenu. 37 Mi yii komti, “dike mulangum dor mire an dim. 38 La cin yi co ki, “teluwe, to kero kange wo yob”. Con yi ci, “La dim”. 39 Yecu cu bang zaitun na wo ciki mare, bi bei tomange ce bwanten co. 40 La ci Lamri, Yecu yi ci, “kom kwob dilo kati kom doken mor cuwaka. 41 Con dubam ci kutanbo yora, con cunken bitine, kwob dilo, 42 ki. “Te no mun ciya ri, tum kwele wo minen, kebo cwika mik, womweu a mani. 43 La bi bwe tomange kwama wusake cerkangu dii cinen, neco bikwanti. 44 La co mor dotange dur, con yokten kwobka diloko, La mukti cero yilam na bwiyale yaru ti bitine. 45 La con kwenu fiye kwobka diloko nin, con yilaken fiye bi bei tomange ce nin. Co fiya ci da dumti wori ciki fir neret. 46 Con me ci, “Ye bwi ki da dumtiye? Ko kwen ko kwob dilo kati kom doken mor cuwala. 47 Co tok kero ti wiri, nubo ducce cerkangu kange Yahuda, wiin mor kwob culombo yobe ti cinen kaba. Con bou bidom kange Yecu con korkan co. 48 La Yecu yi co “Yahuda, muki miye bi bwe nifire ki kor kanka ka?” 49 La nubo woro wari kange Yecu to dike wo bwitiye ri, cii ki, “teluwe nyo to ci ki kuleng ka?” 50 La wiin more ciye to canga liya wabe, to cewo caktiyereu mwatam. 51 Yecu ki, “Cuwati nyo”, con ke tu ceu, nyori twam”. 52 Yecu yi liya nob wabe kange nubo durko bi kur kwamareu kange nubo durko ci ciya co beu, 'ki, ka ceru ki kulenti kange danti ka ta nii kuye ka? 53 Fiya cuwa mika kom kang-kang mor bi kur kwama reu ka yo bo kang minen. Wo kakuk kimek, kange bikwan kumtacile. 54 Cin tam co, cin yaken ki co Lo nii wabe durko. Bituru bwen cinen ti kutang. 55 Biko ci kwerum kira tiber lor bolange reu, cin cin yironken yiye, Bituru yiken tiber ciyer. 56 Kange nawiye canga to co, wori ci yim cunga kirak, con to co ti con toki, “Nii wuro wii kange co”. 57 La Bituru webkangum, ki nawiye ma nyom cobo. 58 Bi cor di, kange to co, yi ki. “Mo wiin more ciye” Bituru ki “bwayile, ma kebo” 59 Bwiko kene wiineu, kange ywim metenco, “Bilenke, nii wo wii kange co. 60 Bituru ki, nii man nyom bo dike mo tok tiye”, dancan ca dibo tokka kereko bar bi cake mob kiyange. 61 Teluwe, yila to Bituru, La Bituru kwa ki kero Yecu yi ceu, fiya cuwo ci wariyeu, “Fiya na bi cake mob kiyange duwen ri, mwan wengkan ye kiriti taar. 62 Bituru yaken kale cii wiye kambo ken. 63 La nubo ci yo to Yecu tiye buwo malli co. 64 Kambo fini celtiye ri, nubo dur nibero mwerkangi fiye wiin, Liya nob wabe bo kange nob mulangkab, cin doken kico fiye nyime ciye, ciki, “no mo kiritti di yi nyo” 65 La con yi ci, “no nyikom di mani ka ciyati”, 66 Kakaa me kom di kan kar men ti. 67 Min yi ki no mwo Krisiti ri yi nyo, La con yi ci ki “No yi komri mani ka yonmti. 68 Tano mwe kom kerdi mani ka yiye ti 69 Fo ya ciko kab, mi bwe nifire an yiken kanko caktiyer kwama. 70 La gwam ciye cin yi co ki, mo bi bwe kwama ka? Yecu kar cinen “Kom ka tiki nye”. 71 La cin toki, “ye bwi ba do kange warke tiye? Bo ki bwibi ban nuwa nyi co”

<- Luka 21Luka 23 ->