1 Nyo ki kaba, mi kenti a maken ka kange dilo, kange maka kini dor nober gwam kange neka buka kange dor nobo gwam. 2 Dor liyabe kange nobo tam ki nobe, dor yim lumam kange kwarce mor Kwama kange yorka. 3 Wuro yori kabo kange yoka kabum Kwama nii fuloka be. 4 Ci cwi ti na nobo gwam fiya fuloka naci nyimom bilenke. 5 Wori Kwama wiin kange wo tiber nii kange Kwama, nii wo Almaciya Yecu. 6 Cin neken dorcer fanka ki nobo gwam, dor warke ki dong donge kene. 7 Ki kero wo, cin dok ye moki bwimi, ma yilam nii tokka fulen kere kange nii tomange. Bilenke ma tok tiye. kebo cwerke ma tok tiye. Ma nii merangka ki nobo kumtacile mor bilenker kange ciyaka. 8 Nyo ma cwitiye, nabarubo fiye gwam ciya kwob dilo take ciya kung kang ceko wucake kebo ki funer kange kwobkanka. 9 Nyo tak ma cwiti natubo ciya du kwilendow datenne, kange bwayilendo datenne, kange taka duwe, ciya yilare nobo ma dorti ki mwine, kange kwilendo ki kyemere. 10 Ma cwiti ciya du kwilendo da natubo ya yamti mor Kwama be fiye nangendo ken. 11 Nawiye a merangi mor taka duwe kange yiber duwer mor diker gwam. 12 Ma ciyabo nawiye a merangi kaka ca nung bi kwan dor bwayile, di ca yii mor taka duwek. 13 Adamu cii ter fwelkake nyimde Hawwa'u. 14 Kebo Adamu cii bole dila nawiye cii bole, wo yarken bwirangke. 15 Nyo duwal ca tin fiya fuloka fiye boka bi beiyek, tano cii tam nur bilenke kange cwika, kange wucakke, kange nero yor yore ri.