1 Zĩtɛ kũ pↄ́ kũ ò kúnnↄ bi Dikiri pↄ́mɛ,

andunia kũ gbɛ̃ kũ ò kúnↄ ń pínki.

2 À zĩtɛ zĩni pɛ̀tɛ ísiran,

à andunia kàtɛ kũ swanↄ.

3 Dí mɛ́ à zɛ́ vĩ à didi Dikiri kpiaa?

Dí mɛ́ ani fↄ̃ à gɛ̃ a ↄnnn?

4 Gbɛ̃ kũ à taari vĩro akũsↄ̃ a nɛ̀sɛ mana,

gbɛ̃ kũ a laakari dì tá tãnanↄ kparo

akũsↄ̃ àdi sí kũ tãna tↄ́oro.

5 Dikiri ni arubarika da adegu,

Luda a surabari ni tó yã bo kãao nna.

6 Lɛn à de lɛ kũ a ki wɛtɛrinↄ,

Yakubu burinↄ Luda arɛ wɛtɛrinↄ.

7 À bĩnilɛnↄ wɛ̃wɛ̃,

à gbà zĩnↄ wɛ̃wɛ̃,

à tó Kína gakuride gɛ̃.

8 Dímɛ Kína gakuride pì ũu?

Dikiri gbãnazↄ̃kↄ̃demɛ,

àkũmɛ Dikiri zĩ̀kari gbãnade pì ũ.

9 À bĩnilɛnↄ wɛ̃wɛ̃,

à gbà zĩnↄ wɛ̃wɛ̃,

à tó Kína gakuride gɛ̃.

10 Dín Kína gakuride pì ũu?

Dikiri Zĩ̀karidemɛ Kína gakuride pì ũ.

<- ZABURA 23ZABURA 25 ->