2 N báaadà n bùsuu, Dii,

n su ń Yakↄbu buiↄ ń pá ziu.

3 N n gbɛ̃́ↄ tàaeↄ wòlomá,

n ń duuna kɛ̃̀má píi.

4 N pↄ wèemá,

n n pↄkũma pãsĩ kpà kpɛ.

5 Suwanↄ wá pá ziu,

Lua wá Suabana,

kpɛ̃nɛ pↄ́ ń kɛ̀wanↄ suumpa.

6 N pↄ aↄ paawázi gↄↄpii yã̀?

Ńyↄ̃ↄ n pↄfɛ̃gↄↄ gága wɛ̃ ń wɛ̃o yã̀?

7 Ńyↄ̃ ɛa ǹ n gbɛ̃́ↄ lɛ́ ń láo

kɛ́ an pↄ e kɛma nao lé?

8 Dii, ǹ n gbɛ̃kɛ ↄlↄwɛ̃ɛ,

wá suaba ń n gbãao.

9 Ma swã́ dↄ Dii Lua yã'oai,

asa ì aafia lɛgbɛ̃ a yãmanaↄnɛɛ,

tó aai ɛa sù ń mìsaiyãↄwao.

10 Aà vĩakɛnaↄ suabaa zã̀o,

kɛ́ aà gawi e àↄ kú wá bùsuu yã́i.*Zãa 1.14

11 Gbɛ̃kɛ ń náaio kpàaũ,

yã́zɛde ń aafiao dàkↄ̃lɛ.

12 Náai ì ↄ poo musu,

yã́zɛde ì ↄnↄnↄ zĩ́lɛi.

13 Dii a maakɛwɛ̃ɛ,

wá tↄↄlɛ i blɛkɛ.

14 Yã́zɛde ìↄ bɛ aà aɛ,

ì zɛkɛkɛɛ̀.

<- Soũↄ 84Soũↄ 86 ->