36
Gbɛ̃nazĩna vãi, Lua maa
1 Dii zↄ̀blena Davidi lɛ.
2 Gbɛ̃vãi duuna yã́ dↄ ma sↄ̃wa,
aà wɛ́ líↄ Lua wí vĩo,*Lom 3.18
3 asa ìↄ e gbɛ̃maan a ũ,
ìli a duuna dↄ̃ à gbasa zauo.
4 Ɛɛ ń mↄafilio ku aà lɛ́u,
à ↄ̃nↄ ń maakɛao tò.
5 Ì yãvãi wàaipa a wúlɛkĩi,
ìli gí yãpãsĩio,
ì azĩa pɛ́lɛ zɛ́ faasai guu.
6 Dii, n gbɛ̃kɛ zↄ̃ↄ kà saanaↄwa,
ń náai vĩ maamaa à zↄ̃̀ Luawa.
7 N maakɛa zↄ̃ↄ lán gbɛ̀sĩsĩↄwa,
n yã́gↄ̃gↄ̃a lɛ́ vĩo lán ísia ɛwa.
Dii, ni gbɛ̃nazĩnaↄ ń nↄ̀bↄↄ bↄ píi.
8 Lua, n gbɛ̃kɛ bɛɛɛ vĩ fá,
gbɛ̃nazĩnaↄ ì sↄlↄ ń kúlukulunau.
9 Aaì n ua blɛ níside ble aa kã́,
ni n swa'i pↄnade kpámá aa mi.
10 Asa ḿmɛ ń wɛ̃ni mi ũ,
kua ń gupuau mɛ́ wá wɛ́ kɛ̃̀.
11 Ǹyↄ̃ gbɛ̃kɛkɛ gbɛ̃́ pↄ́ aa n dↄ̃ↄnɛ ǹyↄ̃ gɛ́,
gi ǹyↄ̃ nↄ̀sɛpuadeↄ suaba.
12 Ńsu to zĩakãfĩnaↄ ↄ̃zↄ̃ao,
ńsu to vãikɛnaↄ ↄkɛmɛɛ yàayaao.
13 Gwa, mↄafilidepiↄ lɛ̀lɛ,