2 Ma suaba Dii!

Asa gbɛ̃maa ku lↄo,

náaide làa gbɛ̃nazĩnaↄ guu.

3 Baade ì ɛɛto a gbɛ̃́deeɛɛ,

ì lɛna kɛɛ̀ ń nↄ̀sɛmɛmplao.

4 Dii, lɛnade gyawi

ń gbɛ̃́ pↄ́ ì azĩa sɛ lɛsĩo.

5 Aaì mɛ ń lɛ́ mɛ́ a tidↄ gbɛ̃́a,

wa mɛ́ wa ń lɛ́ vĩ,

démɛ a kiblemái?

6 Gbɛ̃́ busɛↄ wɛtãa

ń wɛ̃nadeↄ aaukɛao yã́i,

Dii mɛ̀ á fɛlɛ sa,

á ń gba bↄkĩi pↄ́ aalɛ a nidɛ.

7 Dii yã́ sãa vĩo,

a dɛ lán ã́nusu pↄ́ wa yↄ̀ mua tɛ́u

wa bàasa gɛ̃n soplawa.

8 Mpi Dii, ńyↄ̃ↄ wá dↄ̃́a gↄↄpii,

ńyↄ̃ wá sí gbɛ̃́ bee taaↄwa.

9 Tó gbɛ̃́ↄ yãbɛ̃ɛ kũ̀ ↄplapla,

gbɛ̃vãiↄ ìↄ bɛ ń yↄ̃̀ↄo gupiiuɛ.

<- Soũↄ 11Soũↄ 13 ->