31
Kí Lemuɛli yã́
1 Kí Lemuɛli da lɛdàwà à mɛ̀:
2 Kpelewaɛ, ma nɛ́? Bↄɛ́, ma nɛ'ia?
Àkɛaɛ, nɛ́ pↄ́ ma a lɛkɛ̀ Luawa?
3 Ńsu ǹ n wo dɛ nↄɛↄ kĩ́io,
ńsu zɛ́ pↄ́ ì kíaↄ ↄ̃̀ↄkpa sɛo.
4 Lemuɛli, vɛ̃ɛá kíaↄ pↄmia no,
í gbãaá kpalablenaↄ pↄmia no,
5 kɛ́ aasu mi ikoyãↄ sã́ńgu,
aai yã́gↄ̃gↄ̃ taasideↄnɛ faasaio yã́i.
6 À í gbãa kpa gbɛ̃́ pↄ́ lɛ́ mↄ́ gaiↄwa,
à vɛ̃ɛ kpa pↄsiadeↄwa
7 aa mi, an taasi i sã́ńgu,
an yã'ↄ̃ma aↄ dↄńgu lↄo.
8 Yã'o gbɛ̃́ pↄ́ a lɛ́ lɛ́ bebeka gɛ̃ɛ ũ,
yã́gↄ̃gↄ̃ gbɛ̃́ pↄ́ aalɛ sãalɛↄnɛ.
9 Ńsu ǹyↄ̃ nílɛo, yã́kpalɛkɛ a zɛ́wa,
taasideↄ ń wɛ̃nadeↄ yãnakpámá.
Nↄ ãiade
10 Démɛ a nↄ ãiade ei?
Aà bɛɛɛ dɛ òsoↄla zã̀.
11 Aà zã́ ìↄ aà náai vĩ ń nↄ̀sɛmɛndooɛ,
pↄmaae lí kɛ̃́sãwào.
12 Maa ìↄ kɛ a zã́ɛ, i kɛ vãi no
e a wɛ̃ni lɛ́u.
13 Ì sãkã ń buao wɛɛlɛ,
ì a ↄzĩ kɛ ń pↄnao.
14 Ì gɛ́ blɛ sɛ́i zã̀
lán gó'ilɛna laatanawa.
15 Ì fɛlɛ gufɛ̃nɛ à blɛkɛ a uadeↄnɛ,
ì zĩ kpaalɛ a wɛ̃́ndiaↄnɛ.
16 Ì tↄↄlɛ maa wɛɛlɛ lú,
ì vɛ̃ɛliↄ pɛ́pɛu ń azĩa bↄ̀ↄ ↄ̃ao.
17 Ì gbãa dↄ a pi asana ũ,
ì gã̀sĩwa bↄbↄ a zĩwa.
18 Ìↄ dↄ̃ kɛ́ á ɛlɛ e,
aà filia ìↄ dↄ gwã́.
19 Aà ↄ ìↄ pooa àↄ bunkapa kũa,
ìↄ kɛ̀ɛ ↄ̃wã ń a ↄnɛo.
20 Ì ↄ poo wɛ̃nadeↄnɛ,
ì ↄlia taasideↄzi.
21 Ìli ĩ́ampuu vĩakɛ a bɛdeↄ yã́ musuo,
asa aà uadeↄ ì ula didikↄ̃aɛ.
22 Ì zwã̀a wúlɛbↄↄ tã azĩa,
aà pↄkasaↄá bàabaa ń zwã̀a gàaluladeↄnɛ.
23 Aà zã́ ì tↄbↄ faaibokĩi,
ìↄ zↄ̃lɛ gudoũ ń bùsu gbɛ̃zↄ̃ↄↄ.
24 Nↄɛpi ì pↄlↄgãu kɛ àↄ yía,
ì pↄlↄna tã à kpa laatanaↄwa.
25 Ìↄ gbãa ń gawio daa a pↄkasa ũ,
aà kua zia yã́ lí iwãa ka aà pↄao.
26 Ɔ̃nↄyã ìↄ dↄ aà lɛ́u,
ì yãdanɛ́ ń nↄ̀sɛmaao.
27 Ì wɛ́tɛ a ua yãkɛai,
ìli zígbiakɛ à gbasa àↄ pↄbleo.
28 Aà nɛ́ↄ ì fɛlɛ aa samaa'oɛ̀,
aà zã́ ì aà sáaukpa ì mɛ:
29 Nↄɛ daside ãiavĩ fá,
ãma ḿmɛ ń dɛńla píi.
30 Kákaa maa líↄ náai vĩo,
kɛfɛnkɛ ì gɛ̃zɛaɛ,
nↄɛ pↄ́ Dii vĩa vĩ ↄ̃ wì aà sáaukpa.
31 À aà sáaukpa zĩ pↄ́ a kɛ̀ yã́ musu,