Salmo 150
150
Dnayen i Amuito Dwata
1 Dnayenyu i Amuito Dwata!
Dnayenyu Dwata ditù di Bong Gumnean;
dnayenyu kenen di mgagid gumnean ditù di langit.
2 Dnayenyu kenen mdà di dad gamtikeng mgimoan;
dnayenyu i bong kdatahan landè gasngad dun.
3 Dnayenyu kenen fagu di kyufyu dad féwyu,
na fagu di kbityu dad fuglung na arfayu.
4 Dnayenyu kenen fagu di kbagulyu i dad kulintang
na fagu di ksayewyu,
na fagu di kbityu dee bung agaf nun tafas,
na fagu di kyufyu dad slali.
5 Dnayenyu kenen fagu di kbagulyu dad slagi;
dnayenyu kenen fagu di kbagulyu dad malbang falimak.
6 Kdee nun nawa, dnayenyu Amuito Dwata.
Dnayenyu Amuito Dwata!