6 ཡང་བདག་གིས་ཡ་ཧུ་དཱའི་ཁྱིམ་རྒྱུད་ནི་སྟོབས་དང་ལྡན་པར་བྱས་ནས་ཡོ་སེབ་ཀྱི་ཁྱིམ་རྒྱུད་སྐྱོབ་པར་བྱ། ངས་དེ་རྣམས་ལ་སྙིང་རྗེ་བས་ཁོ་རྣམས་ཕྱིར་ལོག་ཏུ་འཇུག་དགོས། དེ་དག་ནི་ངས་ནམ་ཡང་དོར་མ་མྱོང་བར་འདྲ་ཞིང་། བདག་ནི་དེ་དག་གི་དཀོན་མཆོག་ཡ་ཝཱེ་ཡིན་པས་ངས་དེ་རྣམས་ལ་ལན་གནང་བར་བྱའོ། ། 7 ཨེ་ཕཱར་ཡིམ་པ་རྣམས་ནི་དཔའ་བོ་དང་འདྲ་སྟེ། ཁོ་ཚོའི་སེམས་ནི་རྒུན་ཆང་འཐུང་བ་བཞིན་དགའ་ཞིང་། ཁོ་ཚོའི་བུ་རྒྱུད་རྣམས་ཀྱང་དེ་མཐོང་ནས་དགའ་བར་འགྱུར་ལ། ཁོ་ཚོའི་སེམས་ནི་དཀོན་མཆོག་ཡ་ཝཱེའི་རྐྱེན་གྱིས་དགའ་ཞིང་མགུ་བར་འགྱུར། 8 བདག་གིས་དེ་དག་བོས་ནས་ཁོ་རྣམས་བསྡུ་བར་བྱ་སྟེ། གང་ལ་ཞེ་ན། བདག་གིས་དེ་དག་བསྐྱབས་པས་སོ། །ཁོ་ཚོའི་མི་གྲངས་ནི་སྔར་བཞིན་འཕེལ་བར་འགྱུར། 9 བདག་གིས་དེ་དག་ནི་མི་སྡེ་རྣམས་ཀྱི་ཁྲོད་དུ་གཏོར་ན་ཡང་། དེ་དག་གིས་རྒྱང་རིང་ནས་ང་རང་དྲན་པར་འགྱུར་ལ། དེ་དག་དང་ཁོ་ཚོའི་བུ་རྒྱུད་རྣམས་ནི་གསོན་པོར་ལུས་ཤིང་ཕྱིར་ལོག་པར་འགྱུར་རོ། ། 10 ངས་དེ་དག་ནི་ཨེ་ཅིབ་ཡུལ་ནས་ཕྱིར་འཁྲིད་ཡོང་དགོས་ཤིང་། ཨ་སུར་ཡུལ་ནས་ཁོ་རྣམས་བསྡུས་ཏེ་གིལ་ཨད་ཀྱི་ཡུལ་དང་ལེ་པཱ་ནོན་དུ་འཁྲིད་པར་བྱ་སྟེ། དེར་ཁོ་རྣམས་མི་ཤོང་བ་ཡིན། 11 དཀོན་མཆོག་ཡ་ཝཱེ་ནི་སྡུག་བསྔལ་གྱི་རྒྱ་མཚོ་རྒྱུ་ཞིང་རྒྱ་མཚོའི་རྦ་རླབས་རྣམས་ལ་བརྡེག་པ་དང་། ནཱ་ཡོལ་གཙང་པོའི་ཆུ་གཏིང་བསྐམ་པར་མཛད་ཅིང་། ཨ་སུར་གྱི་ང་རྒྱལ་ནི་དམའ་སར་འབེབ་པ་དང་། ཨེ་ཅིབ་ཀྱི་སྲིད་འཁར་ [a]ཡང་ཉམས་པར་འགྱུར། 12 བདག་གིས་རང་གི་མི་རྣམས་ནི་བདག་ལ་བརྟེན་ནས་སྟོབས་འབྱོར་ལྡན་པར་བྱེད་ཅིང་། དེ་དག་གིས་ངའི་མིང་གི་སྒོ་ནས་སྤྱད་པ་སྤྱོད་དོ་ཞེས་དཀོན་མཆོག་ཡ་ཝཱེས་གསུངས་སོ། །
<- ཟཱ་ཀར་ཡ། 9ཟཱ་ཀར་ཡ། 11 ->-
འདིར་ཨེ་ཅིབ་ཀྱི་སྲིད་འཁར་ཞེས་པ་ནི་ཨེ་ཅིབ་རྒྱལ་པོའི་དབང་ལ་གོ་དགོས།