1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་སྒྲ་སྙན་སྤེལ༌མ།༽ ང་རང་རྣམ་དག་མཛད་པའི་དཀོན་མཆོག༌ལགས། །ང་ཡིས་འབོད་དུས་བཀའ་ལན་གནང་བར༌མཛོད། །དཀའ་སྡུག་དུས་སུ་ང་རང་སྐྱོབ་མཁན༌ཁྱེད། །ཐུགས་རྗེས་གཟིགས་ཤིང་སྨོན་ལམ་གསན་རོགས༌གནོངས།། 2 ཀྱེ་ཀྱེ་ཁྱོད་ཚོས་ང་ཡི་བརྗིད་ཉམས༌ནི། །ངོ་ཚར་བསྒྱུར་ནས་ནམ་དུས་བར་དུ༌ལུས། །ཁྱོད་ཚོ་འཁྲུལ་སྣང་ཙམ་ལ་ཆགས་པ༌དང༌། །རྫུན་གཏམ་བཙལ་ནས་ནམ་དུས་བར་དུ༌ལུས།། ༼ སེ༌ལཱ། ༽ 3 ཡ་ཝཱེས་དད་གུས་ཅན་ནི་ཁོང་ཉིད༌ཕྱིར། །ལོགས་སུ་བཀར་བ་ཁྱོད་ཚོས་རྟོགས་པར༌གྱིས། །བདག་གིས་འབོད་དུས་ཡ་ཝཱེས་གསན་པར༌འགྱུར།། 4 ཁོང་ཁྲོ་འབར་ཡང་སྡིག་པ་མ་བྱེད༌ཅིག ། མལ་ཁྲིར་མནོ་བསམ་བཏང་སྟེ་ཁ་རོག༌སྡོད།། ༼ སེ༌ལཱ། ༽ 5 དྲང་བདེན་མཆོད་པ་འབུལ་བར་རིགས་པ༌དང༌། །ཡ་ཝཱེ་ལ་ནི་ཁྱོད་ཀྱིས་བློ་གཏོད༌དགོས།། 6 བདག་ཅག་ལ་ནི་ཕན་པ་འཐོབ་པའི༌ཕྱིར། །སུ་ཡིས་བཀའ་སློབ་མཛད་འོང་མང་པོས༌འདྲི། །ཡ་ཝཱེ་ཁྱེད་ཀྱི་ཞལ་རས་ཡར་བཏེགས༌ནས། །ངེད་ཅག་སྟེང་དུ་འོད་ཟེར་སྤྲོ་བར༌མཛོད།། 7 འབྲུ་དང་རྒུན་ཆང་མོད་པའི་མི་ལས༌ཀྱང༌། །ལྷག་པའི་དགའ་སྤྲོ་ཁྱེད་ཀྱིས་ང་ལ༌བསྩལ།། 8 ང་ནི་ཡ་ཝཱེ་ཁྱེད་ཉིད་འབའ་ཞིག༌གིས། །བདེ་བར་བཀོད་པས་ཉལ་ཞིང་གཉིད་སྐྱིད༌ཁུག།

<- གསུང༌མགུར། 3གསུང༌མགུར། 5 ->