1 ༼དཀོན་མཆོག་ཡ་ཝཱེའི་ཞབས་ཕྱི་དཱ་བིད་ཀྱི་མགུར༌མ། དབུ་མཛད་ལ་སྤྲད༌པ།༽ སྡིག་ཅན་མི་ཡི་ཉེས་སྐྱོན༌གྱིས། །དེ་ཡི་སེམས་གཏིང་གཏམ་སྨྲ༌ཞིང༌། །མིག་མདུན་དཀོན་མཆོག་འཇིགས་པ༌མེད།། 2 རང་གི་སྡིག་ཉེས་མི་མངོན༌ཞིང༌། །གཞན་རྣམས་སྡང་བར་མི་འགྱུར༌ཞེས། །མཐོང་སྣང་དེ་བཞིན་ཡིན་པས༌ན། །རང་གིས་རང་ལ་བསྟོད་ར༌བྱེད།། 3 དེ་ཡི་ངག་གི་ཚིག་ཐམས༌ཅད། །ངན་པ་དང་ནི་གཡོ་སྒྱུ༌ཡིན། །ཤེས་རབ་སྤྱོད་བཟང་གཞི་ནས༌སྤངས།། 4 མལ་ཁྲིའི་སྟེང་དུ་གྲོས་ངན༌འདེབས། །བཟང་པོ་མིན་པའི་ལམ་དུ༌འཇུག །ངན་པར་ཞེན་པ་ཁོ་མི༌ལོག། 5 ཡ་ཝཱེའི་བྱམས་བརྩེ་ནམ་མཁར༌ཟུག །ཐུགས་རྒྱུད་དྲང་པོ་སྤྲིན་པར༌ཐུག། 6 ཁྱེད་ཀྱི་དྲང་བདེན་རི་རབ༌བཞིན། །དྲང་གཞག་གཏིང་ཟབ་རྒྱ་མཚོ༌ཡིན། །ཀྱེ་ཀྱེ་ཡ་ཝཱེ་ཁྱེད་ཉིད༌ཀྱིས། །མི་ཕྱུགས་གཉིས་ཀ་སྲུང་བ༌ཡིན།། 7 དཀོན་མཆོག་ཁྱེད་ཀྱི་བྱམས་བརྩེ༌ནི། །ཇི་འདྲའི་རིན་ཐང་བྲལ་བ༌ཡིན། །ཁྱེད་ཀྱི་འདབ་གཤོག་བསིལ་གྲིབ༌འོག །མི་རྣམས་སྐྱབས་སུ་འགྲོ་བ༌ལགས།། 8 ཁྱེད་ཀྱི་བཞུགས་གནས་སྣུམ་རྩི༌ཡིས། །དེ་རྣམས་ཤིན་ཏུ་འགྲང་བར༌འགྱུར། །ཁྱེད་ཀྱིས་དགའ་སྤྲོའི་གཙང་པོ༌ལས། །ཁོ་ཚོར་བཏུང་བ་གནང་ངེས༌ཡིན།། 9 ཁྱེད་དྲུང་སྲོག་གི་འབྱུང་གནས༌ཡོད། །ཁྱེད་ཀྱི་འོད་ནང་ངེད་འོད༌མཐོང༌།། 10 ཁྱེད་ཉིད་ཤེས་པར་དུས་རྟག༌ཏུ། །བྱམས་བརྩེ་མཛོད་ཅིག་གཞུང་དྲང༌ལ། །རྒྱུན་དུ་དྲང་བདེན་གནང་བར༌མཛོད།། 11 ང་རྒྱལ་ཅན་གྱི་རྐང་པ༌ལ། །རྡོག་བརྫིས་རྒྱག་ཏུ་མི་འཇུག༌མཁྱེན། །སྡིག་ཅན་མི་ཡི་ལག་པར༌ཡང༌། །ང་རང་ཕྱི་རུ་འདོན་མ༌འཇུག། 12 སྡིག་སྤྱོད་ཅན་རྣམས་དེར་འགྱེལ༌ཞིང༌། །ས་རུ་བསྒྱེལ་ནས་ལང་མི༌ཐུབ།།

<- གསུང༌མགུར། 35གསུང༌མགུར། 37 ->