1 ཡེས་ར་ཨེལ་ནི་ཨེ་ཅིབ་ནས་ཐོན༌ཞིང༌། །ཡ་ཀོབ་ཁྱིམ་རྒྱུད་སྐད་གཞན་སྨྲ་བ༌ཡི། །མི་སྡེ་དང་ནི་བྲལ་ནས་ཐོན་དུས༌སུ།། 2 ཡ་ཧུ་དཱ་ནི་གཙོ་བོའི་གནས༌མཆོག་དང༌། །ཡེས་ར་ཨེལ་ནི་ཁོང་གི་རྒྱལ་སྲིད༌གྱུར།། 3 རྒྱ་མཚོ་ཆེན་པོས་མཐོང་ནས་བྲོས་པ༌དང༌། །ཡོར་དན་གཙང་པོ་ཡང་ནི་ལྡོག་ནས༌བཞུར།། 4 རི་བོ་ཆེན་པོ་ལུག་ཐུག་བཞིན་དུ༌མཆོངས། །རི་སྒང་རྣམས་ཀྱང་ལུ་གུ་བཞིན་དུ༌ལྡིང༌།། 5 ཀྱེ་མ་རྒྱ་མཚོ་ཁྱོད་ནི་བྲོས་པ་དང༌། །ཡོར་དན་གཙང་པོ་ལྡོག་ཏུ་བཞུར་བ༌ཅི།། 6 ཀྱེ་ཀྱེ་རི་རྣམས་ལུག་ཐུག་ཇི་བཞིན༌དང༌། །སྒང་རྣམས་ལུ་གུ་ཇི་བཞིན་མཆོང་བ༌ཅི།། 7 ས་གཞི་ཆེན་པོ་གཙོ་བོའི་ཞལ་དྲུང༌སྟེ། །ཡ་ཀོབ་དཀོན་མཆོག་དྲུང་དུ་འདར་བར༌གྱིས།། 8 ཁོང་གིས་བྲག་རྡོ་ཆུ་ཡི་རྫིང་བུ༌དང༌། །ལྕགས་རྡོ་ཆུ་མིག་ལ་ནི་མཛད་པ༌འོ།།

<- གསུང༌མགུར། 113གསུང༌མགུར། 115 ->