1 ཚིག་ལན་འཇམ་པོས་ཁོང་ཁྲོ༌ཞི། །རྩུབ་པོའི་གཏམ་གྱིས་ཞེ་སྡང༌སློང༌།། 2 ཤེས་ལྡན་ལྕེ་ཡིས་ཤེས་ཡོན༌བརྒྱན། །གླེན་པའི་ཁ་ནས་བླུན་རྨོངས༌ཐོན།། 3 ཡ་ཝཱེའི་སྤྱན་ནི་གང་སར༌བཞུགས། །ངན་པ་བཟང་པོ་ཐམས་ཅད༌གཟིགས།། 4 སེམས་གསོའི་ལྕེ་ནི་སྲོག་གི་ལྗོན་ཤིང༌ཡིན། །གཡོ་སྒྱུ་ཅན་གྱི་ལྕེ་ཡིས་མི་སེམས༌སྣད།། 5 བླུན་པོས་ཕ་ཡི་ཁ་ཏར་སྨད་པ༌དང༌། །བཀའ་བཀྱོན་གཙིགས་སུ་འཛིན་པ་སྤྱང་གྲུང་ལྡན།། 6 དྲང་པོའི་ཁྱིམ་དུ་ནོར་བུ་མང་པོ༌ཡོད། །ངན་པའི་ཡོང་འབབ་ཀྱིས་ནི་སྡུག་བསྔལ༌བཟོ།། 7 མཁས་པའི་ཞལ་ལས་ཤེས་ཡོན་སྤེལ་བ༌ཡིན། །གླེན་པའི་སེམས་ཀྱིས་དེ་བཞིན་བྱེད་པ༌མིན།། 8 ངན་པའི་མཆོད་པར་ཡ་ཝཱེ་ཞེན་པ༌ལོག །དྲང་པོའི་སྨོན་ལམ་དེ་ལ་ཁོང་ནི༌དགྱེས།། 9 ངན་པའི་ལམ་ལ་ཡ་ཝཱེ་ཞེན་ལོག༌ཀྱང༌། །དྲང་པོ་སྙེག་མཁན་ལ་ནི་ཁོང་གིས༌བྱམས།། 10 དྲང་ལམ་འདོར་བར་བསླབ་བྱ་ནན་མོ༌གཏོང༌། །བཀའ་བཀྱོན་ལ་ནི་སྡང་བ་འཆི་བར༌འགྱུར།། 11 གཤིན་ཡུལ་དམྱལ་ཁམས་ཡ་ཝཱེའི་དྲུང་དུ༌མངོན། །འཇིག་རྟེན་མི་ཡི་སེམས་ནི་ལྟ་ཅི༌སྨོས།། 12 འཕྱ་སྨོད་བྱེད་པ་འཇུན་མཁན་ལ་མི༌དགའ། །ཤེས་རབ་ཅན་གྱི་དྲུང་དུའང་འགྲོ་མི༌བྱ།། 13 ཡིད་སེམས་སྤྲོ་བས་མི་ལ་འཛུམ་མདངས༌རྒྱས། །སེམས་སྡུག་གིས་ནི་མི་སེམས་རྒུད་པར༌བྱེད།། 14 བློ་རིག་ཅན་གྱི་སེམས་ཀྱིས་ཤེས་ཡོན༌འཚོལ། །གླེན་པའི་ཁ་ཡིས་བླུན་རྨོངས་འབའ་ཞིག༌ཟ།། 15 མནར་གཅོད་མྱོང་བའི་ཉིན་ཀུན་དཀའ་ངལ༌ཡིན། །སེམས་པ་སྐྱིད་ན་ནམ་ཡང་གསོལ་སྟོན༌ཡིན།། 16 ནོར་གྱིས་ཕྱུག་ཀྱང་ཉོན་མོངས་ལྡན་པ༌ལས། །རྒྱུ་ནོར་ཉུང་ཡང་ཡ་ཝཱེར་འཇིགས་པ༌ལེགས།། 17 སྔོ་ཚལ་ཟ་ཞིང་ཕན་ཚུན་བྱམས་པ༌ནི། །བ་གླང་ཚོན་པོ་ཟ་ཞིང་ཕན་ཚུན༌ལ། །སྡང་སེམས་བསྐྱེད་པ་དེ་ལས་ལྷག་པ༌ཡིན།། 18 ཁྲོ་གཏུམ་ཅན་གྱིས་ནམ་རྒྱུན་འཁྲུག་པ༌སློང༌། །ངང་རྒྱུད་རིང་མོས་རྩོད་གཞི་འཇགས་པར༌བྱེད།། 19 ལེ་ལོ་ཅན་གྱི་ལམ་ནི་ཚེར་མའི་ར་སྐོར༌འདྲ། །གཞུང་རྒྱུད་དྲང་བའི་ལམ་བུ་བདེ་སྙོམས་གཞུང་ལམ༌ཡིན།། 20 ཤེས་རབ་ཅན་གྱིས་ཕ་ནི་མགུ་བྱེད༌ཀྱང༌། །གླེན་པས་རང་གི་མ་ལ་བརྙས་པར༌བྱེད།། 21 ཤེས་རྨོངས་ཀྱིས་ནི་བླུན་རྨོངས་དགའ་སྤྲོར༌རྩི། །བློ་རིག་ལྡན་པ་དྲང་པོར་འགྲོ་བ༌ཡིན།། 22 གྲོས་མོལ་མེད་ན་འཆར་བཀོད་འཆོལ་བ༌དང༌། །གྲོས་མི་མང་སར་གྲོས་གཞི་འགྲུབ་པ༌ཡིན།། 23 ངག་ལན་འཚམ་པོས་རང་ཉིད་དགའ་བྱེད༌ཅིང༌། །དུས་དང་མཐུན་པའི་གཏམ་ནི་བཟང་བ༌ལ།། 24 སྲོག་གི་ལམ་གྱིས་མཁས་པ་ཡར་འདྲེན༌པས། །ཁོ་རང་ཐུར་གྱི་གཤིན་ཡུལ་དང་འབྲལ༌ལོ།། 25 ཡ་ཝཱེས་ང་རྒྱལ་ཅན་གྱི་ཁང་པ༌བཤིག །ཡུགས་མོའི་མཐའ་མཚམས་བརྟན་པོར་མཛད་པ༌འོ།། 26 ངན་པའི་བསམ་བློར་ཡ་ཝཱེ་ཞེན་ལོག༌ཀྱང༌། །སྙིང་རྗེའི་གཏམ་ནི་དྭངས་ཤིང་གཙང་བ༌འོ།། 27 མི་གཙང་ནོར་ལ་ཧམ་པས་རང་ཁྱིམ༌འཚེ། །ལྐོག་རྔན་ལ་ནི་སྡང་བ་འཚོ་བར༌འགྱུར།། 28 དྲང་པོའི་སེམས་ཀྱིས་ལན་ལ་གཟབ་པ༌དང༌། །ངན་པའི་ཁ་ནས་གཏམ་ངན་བརྡོལ་བ༌ཡིན།། 29 ཡ་ཝཱེ་ངན་པར་རིང་དུ་གྱེས་པ༌དང༌། །དྲང་པོའི་གསོལ་འདེབས་ལ་ནི་གསན་པ༌འོ།། 30 མིག་གི་འོད་མདངས་ཀྱིས་ནི་སེམས་མགུ༌ཞིང༌། །འཕྲིན་བཟང་གིས་ནི་རུས་ཟུངས་གསོ་བ༌འོ།། 31 སྲོག་དང་འབྲེལ་བའི་འཇུན་ཚིག་ལ་ཉན༌པ། །ཤེས་རབ་ལྡན་པ་དག་གི་ཁྲོད་དུ༌གནས།། 32 ཁ་ཏ་སྣང་མེད་བསྐྱུར་བས་རང་ཉིད༌སྨད། །ཁ་ཏར་ཉན་པས་གོ་རྟོགས་རྙེད་པ༌ཡིན།། 33 ཡ་ཝཱེར་གུས་ཤིང་འཇིགས་པས་ཤེས་རབ༌བསླབ། །བཀུར་སྟི་མ་འཐོབ་གོང་ལ་ཁེངས་སྐྱུང༌དགོས།།

<- ལེགས་བཤད། 14ལེགས་བཤད། 16 ->