1 དེ་ནས་མཁར་གྱང་བརྩིགས་ཚར་བ་དང་། སྒོ་རྣམས་བསླངས་ཏེ། སྒོ་སྲུང་དང་མགུར་ལེན་མཁན། ལེ་ཝི་པ་རྣམས་བསྐོས་སོ། ། 2 ངས་རང་གི་སྤུན་ཧ་ནཱ་ནེ་དང་མཁར་རྫོང་གི་འགོ་དཔོན་ཧ་ནན་ཡཱ་གཉིས་ལ་ཡེ་རུ་སཱ་ལེམ་དུ་བདག་འཛིན་གྱི་འགན་བཀལ་ཏོ། །རྒྱུ་མཚན་ཧ་ནན་ཡཱ་ནི་མི་མང་པོ་ལས་གཞུང་རྒྱུད་དྲང་ཞིང་དཀོན་མཆོག་ལ་གུས་ཤིང་འཇིགས་པ་ཞིག་ཡིན་ནོ། ། 3 ཡང་ངས་དེ་དག་ལ། ཉི་མ་དྲོ་བའི་དུས་སུ་ད་གཟོད་ཡེ་རུ་སཱ་ལེམ་གྱི་མཁར་སྒོ་ཕྱེས་ཤིག ཡེ་རུ་སཱ་ལེམ་གྱི་འབངས་མི་མངགས་ནས་སོ་སོའི་ལས་རེས་བཞིན་རང་རང་གི་ཁང་པའི་མདུན་དུ་ས་བསྲུང་དགོས། དེ་དག་གིས་ད་དུང་སྲུང་བཞིན་པའི་སྐབས་སུ་སྒོ་རྣམས་བརྒྱབ་སྟེ་སྒོ་གཏན་ཡང་གནོན་དགོས་ཞེས་སྨྲས་སོ། ། 4 དེ་ཡང་གྲོང་ཁྱེར་དེ་ནི་རྒྱ་ཆེ་ནའང་། དེའི་ནང་རོལ་དུ་མི་ཉུང་ཞིང་ཁང་པའང་ད་དུང་བརྩིགས་མེད་པ་ཡིན་ནོ། །

5 དེ་ནས་ངའི་དཀོན་མཆོག་གིས་ང་ཡི་སེམས་བསྐུལ་ཏེ། ངས་ཁྱིམ་རབས་ཐོ་རུ་འགོད་པའི་ཕྱིར་སྐུ་དྲག་དང་འགོ་དཔོན་དང་འབངས་མི་བཅས་བསྡུས་པ་དང་། ཐོག་མར་འོང་མཁན་གྱི་ཁྱིམ་ཐོ་རྙེད་པ་དང་དེའི་སྟེང་དུ་འདི་ལྟར་བྲིས་ཡོད་དེ། 6 ཡ་ཧུ་དཱ་ཡུལ་གྱི་མི་འདི་རྣམས་ནི་སྔར་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱིས་པཱ་པེལ་ལོན་ལ་བཙོན་དུ་ཁྲིད་པ་དང་། ད་ལྟ་ཁོ་རྣམས་བཙན་ཁྲིད་བྱས་པའི་ཡུལ་ནས་ཡར་ཐོན་ཏེ་ཡེ་རུ་སཱ་ལེམ་དང་ཡ་ཧུ་དཱའི་ཡུལ་དུ་སོ་སོའི་གནས་སུ་ཕྱིར་ལོག་པ་ནི་འདི་ལྟ་སྟེ། 7 དེ་དག་ནི་ཟེ་རུ་པཱ་པེལ་དང་། ཡེ་ཤུ་ཨ་དང་། ནེ་ཧེམ་ཡཱ་དང་། ཨ་ཟར་ཡཱ་དང་། ར་ཨས་ཡཱ་དང་། ན་ཧ་མ་ནི་དང་། མོར་དོ་ཀཱ་ཡི་དང་། པིལ་ཤན་དང་། མིས་ཕེ་རེད་དང་། པིག་ཝ་ཨི་དང་། ནེ་ཧུམ་དང་། པ་ཨ་ནཱ་དང་ལྷན་ཅིག་ཏུ་ཕྱིར་འོངས་སོ། །ཡེས་ར་ཨེལ་གྱི་སྐྱེས་པ་རྣམས་ཀྱི་བསྡོམས་གྲངས་ནི་འདི་ལྟ་སྟེ། 8 ཕཱར་ཨོ་སིའི་བུ་རྒྱུད་ཉིས་སྟོང་བརྒྱ་དང་བདུན་ཅུ་དོན་གཉིས་དང་། 9 ཤེ་ཕད་ཡཱའི་བུ་རྒྱུད་སུམ་བརྒྱ་བདུན་ཅུ་དོན་གཉིས། 10 ཨ་རཱའི་བུ་རྒྱུད་དྲུག་བརྒྱ་ལྔ་བཅུ་ང་གཉིས། 11 ཕཱ་ཧད་མོ་ཨབ་ཀྱི་བུ་རབས་ཚ་རྒྱུད་དེ་ཡེ་ཤུ་ཨ་དང་ཡོ་ཨབ་ཀྱི་བུ་རྒྱུད་ཉིས་སྟོང་བརྒྱད་བརྒྱ་བཅོ་བརྒྱད། 12 ཨེ་ལཱམ་གྱི་བུ་རྒྱུད་ཆིག་སྟོང་ཉིས་བརྒྱ་ལྔ་བཅུ་ང་བཞི། 13 ཟད་ཐུའི་བུ་རྒྱུད་ནི་བརྒྱད་བརྒྱ་བཞི་བཅུ་ཞེ་ལྔ། 14 ཟག་ཀ་ཨིའི་བུ་རྒྱུད་བདུན་བརྒྱ་དྲུག་ཅུ། 15 པིན་ནུ་ཨིའི་བུ་རྒྱུད་དྲུག་བརྒྱ་བཞི་བཅུ་ཞེ་བརྒྱད། 16 པེ་བཱ་ཨིའི་བུ་རྒྱུད་དྲུག་བརྒྱ་དང་ཉེར་བརྒྱད། 17 ཨས་གད་ཀྱི་བུ་རྒྱུད་ཉིས་སྟོང་སུམ་བརྒྱ་དང་ཉེར་གཉིས། 18 ཨ་དོ་ནི་ཀམ་གྱི་བུ་རྒྱུད་དྲུག་བརྒྱ་དྲུག་ཅུ་རེ་བདུན། 19 པིག་ཝ་ཨིའི་བུ་རྒྱུད་ཉིས་སྟོང་དྲུག་ཅུ་རེ་བདུན། 20 ཨ་དིན་གྱི་བུ་རྒྱུད་དྲུག་བརྒྱ་ལྔ་བཅུ་ང་ལྔ། 21 ཧི་ཟི་ཀི་ཡཱའི་བུ་རབས་ཚ་རྒྱུད་དེ་ཨ་ཏེར་གྱི་བུ་རྒྱུད་དགུ་བཅུ་གོ་བརྒྱད། 22 ཧ་ཤུམ་གྱི་བུ་རྒྱུད་སུམ་བརྒྱ་དང་ཉེར་བརྒྱད། 23 པེ་ཙ་ཨིའི་བུ་རྒྱུད་སུམ་བརྒྱ་དང་ཉེར་བཞི། 24 ཧ་རིབ་ཀྱི་བུ་རྒྱུད་ནི་བརྒྱ་དང་བཅུ་གཉིས། 25 གིབ་ཡོན་གྱི་བུ་རྒྱུད་དགུ་བཅུ་གོ་ལྔ། 26 པེད་ལེ་ཧེམ་པ་དང་ནེ་ཏོ་ཕཱ་པ་བརྒྱ་དང་བརྒྱད་ཅུ་གྱ་བརྒྱད། 27 ཨ་ན་ཐོད་པ་བརྒྱ་དང་ཉེར་བརྒྱད། 28 པེད་བ་ཡ་མ་ཝེད་པ་བཞི་བཅུ་ཞེ་གཉིས། 29 ཀིར་ཡཱད་ཡེ་ཨ་རིམ་པ་དང་ཀེ་ཕི་རཱ་པ་དང་། པེ་ཨེ་རཱོད་པ་བདུན་བརྒྱ་བཞི་བཅུ་ཞེ་གསུམ། 30 རཱ་མ་པ་དང་གེ་བཱ་པ་དྲུག་བརྒྱ་དང་ཉེར་གཅིག 31 མིགས་མཱ་སི་པ་བརྒྱ་དང་ཉེར་གཉིས། 32 པེད་ཨེལ་པ་དང་ཨེ་ཡུ་པ་བརྒྱ་དང་ཉེར་གསུམ། 33 གཞན་ནེ་བོ་པ་ལྔ་བཅུ་ང་གཉིས། 34 ཨེ་ལཱམ་གཞན་དེའི་བུ་རྒྱུད་ཆིག་སྟོང་ཉིས་བརྒྱ་ལྔ་བཅུ་ང་བཞི། 35 ཧ་རིམ་གྱི་བུ་རྒྱུད་སུམ་བརྒྱ་ཉི་ཤུ། 36 ཡེ་རུ་ཀོ་པ་སུམ་བརྒྱ་བཞི་བཅུ་ཞེ་ལྔ། 37 ལོད་དང་ཧ་དིད་དང་ཨོ་ནོའི་མི་བདུན་བརྒྱ་དང་ཉེར་གཅིག 38 སེ་ན་ཨ་པ་སུམ་སྟོང་དགུ་བརྒྱ་སུམ་ཅུ། 39 མཆོད་དཔོན་རྣམས་ལས། ཡེ་ཤུ་ཨའི་ཁྱིམ་ལ་གཏོགས་པའི་ཡེ་དཱ་ཡའི་བུ་རྒྱུད་དགུ་བརྒྱ་བདུན་ཅུ་དོན་གསུམ། 40 ཨིམ་མེར་གྱི་བུ་རྒྱུད་ཆིག་སྟོང་ལྔ་བཅུ་ང་གཉིས། 41 ཕཱ་ཤུར་གྱི་བུ་རྒྱུད་ཆིག་སྟོང་ཉིས་བརྒྱ་བཞི་བཅུ་ཞེ་བདུན། 42 ཧ་རིམ་གྱི་བུ་རྒྱུད་ཆིག་སྟོང་བརྒྱ་དང་བཅུ་བདུན། 43 ལེ་ཝི་པ་རྣམས་ལས། ཧོ་དབ་ཡཱའི་བུ་རབས་ཚ་རྒྱུད་དེ་ཡེ་ཤུ་ཨ་དང་ཀད་མི་ཨེལ་གྱི་བུ་རྒྱུད་བདུན་ཅུ་དོན་བཞི། 44 མགུར་ལེན་མཁན་རྣམས་ལས། ཨ་སབ་ཀྱི་བུ་རྒྱུད་བརྒྱ་དང་བཞི་བཅུ་ཞེ་བརྒྱད། 45 སྒོ་སྲུང་རྣམས་ལས། ཤལ་ལུམ་གྱི་བུ་རྒྱུད་དང་། ཨ་ཏེར་གྱི་བུ་རྒྱུད། ཏལ་མོན་གྱི་བུ་རྒྱུད། ཨག་ཁུབ་ཀྱི་བུ་རྒྱུད། ཧ་ཏི་ཏ་ཡི་བུ་རྒྱུད། ཤོ་བཱའི་བུ་རྒྱུད་བཅས་བསྡོམས་པས་བརྒྱ་དང་སུམ་ཅུ་སོ་བརྒྱད། 46 མཆོད་གཡོག་རྣམས་ལས། ཙི་ཧཱའི་བུ་རྒྱུད་དང་ཧ་སུ་ཕའི་བུ་རྒྱུད་དང་། ཏབ་བ་ཨོད་ཀྱི་བུ་རྒྱུད་དང་། 47 ཀོ་རེས་ཀྱི་བུ་རྒྱུད་དང་། སི་ཨ་ཧའི་བུ་རྒྱུད་དང་། ཕ་དོན་གྱི་བུ་རྒྱུད་དང་། 48 ལེ་བ་ནཱ་ཡི་བུ་རྒྱུད་དང་། ཧ་ག་བཱ་ཡི་བུ་རྒྱུད་དང་། ཤལ་མཱ་ཨིའི་བུ་རྒྱུད་དང་། 49 ཧ་ནན་གྱི་བུ་རྒྱུད་དང་། གིད་དེལ་གྱི་བུ་རྒྱུད་དང་། ག་ཧར་གྱི་བུ་རྒྱུད་དང་། 50 རེ་ཨ་ཡཱ་ཡི་བུ་རྒྱུད་དང་། རེ་ཙིན་གྱི་བུ་རྒྱུད་དང་། ནེ་ཀོ་དཱའི་བུ་རྒྱུད་དང་། 51 ག་ཟམ་གྱི་བུ་རྒྱུད་དང་། ཨུ་ཟཱ་ཡི་བུ་རྒྱུད་དང་། ཕཱ་སེ་ཨའི་བུ་རྒྱུད་དང་། 52 པེ་སཱ་ཨི་ཡི་བུ་རྒྱུད་དང་། མེ་ཧུ་ནིམ་གྱི་བུ་རྒྱུད་དང་། ནེ་ཕུ་ཤཱ་སིམ་གྱི་བུ་རྒྱུད་དང་། 53 པག་པུག་གི་བུ་རྒྱུད་དང་། ཧ་ཀུ་ཕཱ་ཡི་བུ་རྒྱུད་དང་། ཧར་ཧར་གྱི་བུ་རྒྱུད་དང་། 54 པ་སི་ལུད་ཀྱི་བུ་རྒྱུད་དང་། མེ་ཧི་དཱ་ཡི་བུ་རྒྱུད་དང་། ཧར་ཤའི་བུ་རྒྱུད་དང་། 55 པཱར་ཀོས་ཀྱི་བུ་རྒྱུད་དང་། སི་ས་རཱ་ཡི་བུ་རྒྱུད་དང་། ཐེ་མཱའི་བུ་རྒྱུད་དང་། 56 ནེ་ཙི་ཡཱ་ཡི་བུ་རྒྱུད་དང་། ཧ་ཏི་ཕའི་བུ་རྒྱུད་བཅས་སོ། ། 57 སོ་ལོ་མོན་གྱི་གཡོག་པོའི་བུ་རབས་ཚ་རྒྱུད་ནི། སོ་ཏའི་བུ་རྒྱུད་དང་སོ་ཕེ་རེད་ཀྱི་བུ་རྒྱུད་དང་། ཕེ་རི་དཱའི་བུ་རྒྱུད་དང་། 58 ཡ་ཨཱ་ལ་ཡི་བུ་རྒྱུད་དང་། དར་ཀོན་གྱི་བུ་རྒྱུད་དང་། གིད་དེལ་གྱི་བུ་རྒྱུད་དང་། 59 ཤེ་ཕད་ཡཱ་ཡི་བུ་རྒྱུད་དང་། ཧད་ཏིལ་གྱི་བུ་རྒྱུད་དང་། ཕོ་ཁེ་རེད་ཧ་ཙེ་བཱ་ཡི་བུ་རྒྱུད་དང་། ཨ་མོན་གྱི་བུ་རྒྱུད་རྣམས་སོ། ། 60 མཆོད་གཡོག་དང་སོ་ལོ་མོན་གྱི་གཡོག་པོའི་བུ་རབས་ཚ་རྒྱུད་ཀྱི་བསྡོམས་གྲངས་ནི་སུམ་བརྒྱ་དགུ་བཅུ་གོ་གཉིས་ཡིན། 61 ཡང་རང་གི་ཕ་ཡི་རུས་རྒྱུད་དང་བུ་རབས་ཚ་རྒྱུད་རྣམས་ཡེས་ར་ཨེལ་ནས་ཐོན་པ་ཡིན་མིན་ལ་ར་སྤྲོད་བྱེད་མི་ནུས་ཤིང་། ཐེལ་མེ་ཝཱ་དང་། ཐེལ་ཧར་ཤ་དང་། ཀེ་རུབ་དང་། ཨད་དོན་དང་། ཨིམ་མེར་བཅས་ནས་ཐོན་པ་འདི་ལྟ་སྟེ། 62 དི་ལཱ་ཡ་ཡི་བུ་རྒྱུད་དང་། ཏོ་བི་ཡཱ་ཡི་བུ་རྒྱུད་དང་། ནེ་ཀོ་དཱའི་བུ་རྒྱུད་བསྡོམས་པས་དྲུག་བརྒྱ་ཞེ་གཉིས་ཡིན། 63 མཆོད་དཔོན་རྣམས་ལས། ཧ་བཱ་ཡཱ་ཡི་བུ་རྒྱུད་དང་ཧག་ཀོས་ཀྱི་བུ་རྒྱུད་དང་། པཱར་ཟི་ལ་ཨིའི་བུ་རྒྱུད་རྣམས་སོ། །པཱར་ཟི་ལ་ཨི་ཡིས་གིལ་ཨད་པ་པཱར་ཟི་ལ་ཨིའི་བུ་མོ་བག་མར་བླངས་པས་དེ་དག་གི་མིང་ལ་འདི་ལྟར་བཏགས་སོ། ། 64 འདི་ཚོས་གདུང་རབས་ལས་རང་རང་གི་ཁྱིམ་རྒྱུད་བཙལ་ཡང་མ་རྙེད་པས། འདི་དག་མི་གཙང་བར་བརྩིས་ཏེ་མཆོད་དཔོན་བྱས་མི་ཆོག་པ་ཡིན། 65 ཡང་འགོ་དཔོན་གྱིས་དེ་དག་ལ། མཆོད་དཔོན་གྱིས་ཨུའུ་རིམ་དང་ཐུའུ་མིམ་བཏགས་ནས་ཐོན་པའི་བར་དུ། དམ་པའི་ཟས་བཟའ་མི་རུང་བར་བསྐུལ་ཏོ། ། 66 མི་ཚོགས་ཀྱི་བསྡོམས་གྲངས་ནི་བཞི་ཁྲི་ཉིས་སྟོང་སུམ་བརྒྱ་དྲུག་ཅུ་ཡོད། 67 དེ་རྣམས་ལས་གཞན་གཡོག་པོ་དང་གཡོག་མོ་བདུན་སྟོང་སུམ་བརྒྱ་སུམ་ཅུ་སོ་བདུན་དང་། མགུར་ལེན་མཁན་སྐྱེས་ཕོ་མོ་ཉིས་བརྒྱ་བཞི་བཅུ་ཞེ་ལྔ་ཡོད། 68 དེ་དག་ལ་རྟ་བདུན་བརྒྱ་སུམ་ཅུ་སོ་དྲུག་དང་། བོང་བུ་ཉིས་བརྒྱ་བཞི་བཅུ་ཞེ་ལྔ་དང་། 69 རྔ་མོང་བཞི་བརྒྱ་སུམ་ཅུ་སོ་ལྔ་དང་། བོང་བུ་དྲུག་སྟོང་བདུན་བརྒྱ་ཉི་ཤུ་ཡོད་པ་ཡིན། 70 ཡང་ཚོ་དཔོན་ཁ་ཤས་ཀྱིས་མཁར་ལས་ཀྱི་ཕྱིར་ཞལ་འདེབས་ཕུལ་བ་དང་། འགོ་དཔོན་གྱིས་དཀོར་མཛོད་དུ་གསེར་གྱི་དོང་ཙེ་ཆིག་སྟོང་དང་། ཏིང་ཕོར་ལྔ་བཅུ་དང་། མཆོད་དཔོན་གྱི་ཆོས་གོས་ལྔ་བརྒྱ་དང་སུམ་ཅུ་ཐམ་པ་བཅས་ཕུལ་ཏོ། ། 71 ཡང་ཚོ་དཔོན་ཁ་ཤས་ཀྱིས་དཀོར་མཛོད་དུ་གསེར་གྱི་དོང་ཙེ་ཉིས་ཁྲི་དང་། དངུལ་མཱེ་ན་ཉིས་སྟོང་ཉིས་བརྒྱ་དང་། 72 གཞན་པའི་འབངས་མི་རྣམས་ཀྱིས་གསེར་གྱི་དོང་ཙེ་ཉིས་ཁྲི་དང་། དངུལ་མཱེ་ན་ཉིས་སྟོང་དང་། མཆོད་དཔོན་གྱི་ཆོས་གོས་དྲུག་ཅུ་རེ་བདུན་བཅས་ཕུལ་ཏོ། ། 73 དེ་ནས་མཆོད་དཔོན་དང་། ལེ་ཝི་པ། སྒོ་སྲུང་། མགུར་ལེན་མཁན། འབངས་མི་ཁ་ཤས། མཆོད་གཡོག ཡེས་ར་ཨེལ་པ་བཅས་ཚང་མ་རང་གི་གྲོང་ཁྱེར་དུ་གནས་ཏེ། ཡེས་ར་ཨེལ་པ་རྣམས་རང་གི་གྲོང་ཁྱེར་དུ་བསྡད་དོ། །

<- ནེ་ཧེམ་ཡཱ། 6ནེ་ཧེམ་ཡཱ། 8 ->