1 ཉིན་དེ་ལ་སྐྱབས་མགོན་ཡེ་ཤུ་ཁང་པའི་ཕྱི་རོལ་ཏུ་ཕེབས་ཤིང་མཚོ་འགྲམ་དུ་བཞུགས༌སོ།། 2 དེ་ནས་མི་སྐོར་ཚོ་མང་པོ་ཁོང་གི་དྲུང་དུ་འཛོམས་པས་ཁོང་ཉིད་མཚོ་གྲུའི་ནང་དུ་ཕེབས་ཏེ་བཞུགས་པ༌དང༌། མི་ཐམས་ཅད་མཚོ་འགྲམ་དུ་ལངས་ནས༌བསྡད། 3 ཁོང་གིས་དཔེའི་སྒོ་ནས་ཆོས་མང་པོ་གསུངས་ཤིང་དེ་རྣམས་ལ་འདི་སྐད༌དུ། དེ་ཡང་ཞིང་འདེབས་མཁན་ཞིག་ཕྱི་རོལ་ཏུ་ཞིང་འདེབས་སུ་སོང་བ༌དང༌། 4 ས་བོན་གཏོར་བའི་སྐབས༌སུ། ས་བོན་ཁ་ཤས་ལམ་ཁར་ཐོར་ཞིང་བྱ་རྣམས་ཡོང་ནས༌ཟོས། 5 ཡང་ས་བོན་ཁ་ཤས་ས་ཉུང་སའི་རྡོ་གསེབ་ཏུ་ཐོར་ཞིང་སའི་གཏིང་མི་ཟབ་པས་ཡར་སྐྱེས་པ་མགྱོགས༌ཀྱང༌། 6 ཉི་མ་ཤར་ཚེ་རྙིད་ཅིང་རྩ་བ་མ་རྒྱས་པས་བསྐམས་པ༌རེད། 7 ས་བོན་ཁ་ཤས་ཚེར་མའི་གསེབ་ཏུ་ཐོར་ཞིང་ཚེར་མ་སྐྱེས་ཏེ་མར༌མནན། 8 ཡང་ས་བོན་ཁ་ཤས་ས་གཤིན་ནང་དུ་ཐོར་ཞིང་འབྲས་བུ་སྨིན༌ཏེ། དེ་དག་ལས་ཁ་ཤས་ལྡབ་བརྒྱ༌དང༌། ཁ་ཤས་ལྡབ་དྲུག༌ཅུ། ཁ་ཤས་ལྡབ་སུམ་ཅུ་བཅས་སྨིན་པ༌ཡིན། 9 རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།

10 དེ་ནས་ཐུགས་སྲས་རྣམས་ཡོང་སྟེ་ཁོང་ལ་ན༌རེ། ཁྱེད་ཀྱིས་ཅིའི་ཕྱིར་མི་རྣམས་ལ་དཔེའི་སྒོ་ནས་གསུངས་པ་ཡིན་ནམ་ཞེས་ཞུས་པ༌ན། 11 སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ཀྱི་གསང་བ་རྣམས་ནི་ཁྱོད་ཅག་ལ་ཤེས་སུ་འཇུག་པ་ལས་མི་དེ་རྣམས་ལ་མངོན་པ་མ༌ཡིན། 12 རྒྱུ་མཚན་ནི་སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས་ཤིང་དེ་ལ་ལྷག་མའང་ཡོད་པར༌འགྱུར། འོན་ཀྱང་སུ་ཞིག་ལ་མེད་པ་དེ་ལས་ཉུང་ཙམ་ཡོད་པ་དེའང་ཕྱིར་ལེན་པར་འགྱུར་བའི་ཕྱིར༌ཡིན། 13 དེའི༌ཕྱིར། བདག་གིས་མི་དེ་རྣམས་ལ་དཔེའི་སྒོ་ནས་བཤད་པའི་རྒྱུ་མཚན༌ནི། དེ་རྣམས་ཀྱིས་མིག་གིས་བལྟས་ཀྱང་མི་མཐོང་བ༌དང༌། རྣ་བས་མཉན་ཡང་མི་ཐོས་ཤིང་མི་རྟོགས་པའི་ཕྱིར༌རོ།། 14 དེ་ལ་ལུང་སྟོན་པ་ཡེ་ཤ་ཡཱའི་ལུང་བསྟན་ལས་ཇི་སྐད༌དུ།

24 ཡང་སྐྱབས་མགོན་ཡེ་ཤུས་དཔེའི་སྒོ་ནས་མི་ཚོགས་ལ་འདི་སྐད༌དུ། ནམ་མཁའི་རྒྱལ་སྲིད་ནི་མི་ཞིག་གིས་ཞིང་ལ་ས་བོན་བཟང་པོ་བཏབ་པ་དང་འདྲ༌སྟེ། 25 མི་རྣམས་གཉིད་དུ་ཡུར་བའི་དུས༌སུ། དགྲ་བོ་ཡོང་ནས་རྩྭ་ལྡུམ་གྲོ་ནང་དུ་གཏོར་ཏེ༌སོང༌། 26 དེ་ནས་སྙེ་མ་ཐོགས་པའི་དུས༌སུ། རྩྭ་ལྡུམ་ཡང་མངོན་པར་གྱུར༌ཏོ།། 27 དེ་ནས་ཞིང་བདག་གི་གཡོག་པོ་རྣམས་ཡོང་སྟེ་ན༌རེ། བདག་པོ༌ལགས། ཁྱེད་ཀྱིས་ཞིང་ལ་ས་བོན་བཟང་པོ་བཏབ་པ་མ་ཡིན༌ནམ། རྩྭ་ལྡུམ་དེ་དག་གང་ནས་བྱུང་ངམ་ཞེས་ཞུས་པ༌ན། 28 བདག་པོ་ན༌རེ། དེ་ནི་དགྲ་བོས་བྱས་པ་ཡིན་ཞེས་སྨྲས༌སོ། །ཡང་གཡོག་པོ་རྣམས་ན༌རེ། ངེད་རྣམས་སོང་ནས་རྩྭ་ལྡུམ་ཡུར་དགོས་སམ་ཞེས་ཞུས་པ༌ལ། 29 ཡང་བདག་པོ་ན༌རེ། རྩྭ་ལྡུམ་ཡུར་མི་དགོས༌ཏེ། ཁྱོད་ཅག་གིས་རྩྭ་ལྡུམ་ཡུར་སྐབས་གྲོ་ཡང་མཉམ་དུ་ཡུར་ཉེན༌ཆེའོ།། 30 སྟོན་ཐོག་བསྡུ་བའི་བར་དུ་དེ་གཉིས་མཉམ་དུ་སྐྱེ་རུ༌ཆུག བདག་གིས་སྟོན་ཐོག་བསྡུ་བའི་དུས༌སུ། གྲོ་རྔ་མཁན་རྣམས་ལ་ཐོག་མར་རྩྭ་ལྡུམ་བལ་ཏེ་མེ་རུ་བསྲེག་ཆེད་ཕོན་པོར་སྡོམས༌ཤིག གྲོ་ནི་བདག་གི་བང་མཛོད་དུ་སྡུས་ཤིག་ཅེས་ཟེར་བར་འགྱུར་ཞེས་གསུངས༌སོ།།

31 ཡང་སྐྱབས་མགོན་ཡེ་ཤུས་དཔེ་གཞན་ཞིག་དྲངས་ནས་འདི་སྐད༌དུ། ནམ་མཁའི་རྒྱལ་སྲིད་ནི་ཡུངས་འབྲུའི་ས་བོན་ཞིག་དང་འདྲ༌སྟེ། མི་ཞིག་གིས་ས་བོན་དེ་ཁྱེར་ནས་རང་གི་ཞིང་ལ༌བཏབ། 32 ས་བོན་དེ་ནི་ས་བོན་གྱི་རིགས་གཞན་ཐམས་ཅད་ལས་ཆུང༌ནའང༌། ཆེར་སྐྱེས་ནས་སྔོ་ཚལ་སྣ་ཚོགས་ལས་ཆེ་ཞིང་ཤིང་སྡོང་དུ་གྱུར༌ཏེ། ནམ་མཁའི་བྱའང་འཕུར་ཡོང་ནས་ཡལ་གའི་གསེབ་ཏུ་ཚང་བཟོ་བ་ཡིན་ཞེས་གསུངས༌སོ།།

33 ཡང་སྐྱབས་མགོན་ཡེ་ཤུས་དཔེ་གཞན་ཞིག་དྲངས་ཏེ་འདི་སྐད༌དུ། ནམ་མཁའི་རྒྱལ་སྲིད་ནི་སྐྱུར་རྩི་དང་འདྲ༌སྟེ། བུད་མེད་ཅིག་གིས་སྐྱུར་རྩི་དེ་ཕྱེ་བྲེ་གསུམ་གྱི་ནང་དུ་བསྲེས་ཤིང་བརྫིས་ཏེ་རིམ་བཞིན་ཕྱེ་ཐམས་ཅད་སྐྱུར་ལངས་པ་དང་མཚུངས་ཞེས་གསུངས༌སོ།།

34 གོང་གི་གསུང་དེ་ཐམས་ཅད་ནི་སྐྱབས་མགོན་ཡེ་ཤུས་མི་ཚོགས་ལ་དཔེའི་སྒོ་ནས་གསུངས་པ་ཡིན༌ཏེ། ཁོང་གིས་དཔེ་མ་བཀོད་པར་དེ་རྣམས་ལ་ཅི་ཡང་མ༌གསུངས། 35 དེ་ལ་ལུང་སྟོན་པའི་མདོ་བརྒྱུད་ནས་ཇི་སྐད༌དུ།

36 དེ་ནས་སྐྱབས་མགོན་ཡེ་ཤུ་མི་ཚོགས་དང་ཁ་བྲལ་ནས་ཁང་པའི་ནང་དུ་ཕེབས་པ༌དང༌། ཐུགས་སྲས་རྣམས་ཁོང་གི་དྲུང་དུ་ཡོང༌སྟེ། རྩྭ་ལྡུམ་གྱི་དཔེ་དེའི་དོན་རྣམས་ངེད་ཅག་ལ་གསུང་བར་མཛོད་ཅེས་ཞུས་པ༌ལ། 37 སྐྱབས་མགོན་ཡེ་ཤུས་འདི་སྐད༌དུ། སོན་བཟང་འདེབས་མཁན་ནི་མིའི་བུ་ཡིན༌ལ། 38 ས་ཞིང་ནི་འཇིག་རྟེན་ཁམས༌ཡིན། སོན་བཟང་ནི་དཀོན་མཆོག་གི་རྒྱལ་སྲིད་ལ་གཏོགས་པའི་མི་རྣམས༌ཡིན། རྩྭ་ལྡུམ་ནི་བདུད་ངན་དེ་ལ་གཏོགས་པའི་མི་རྣམས༌ཡིན། 39 རྩྭ་ལྡུམ་གཏོར་མཁན་དགྲ་བོ་ནི་བདུད༌ཡིན། སྟོན་ཐོག་བསྡུ་བའི་དུས་ནི་བསྐལ་པའི་མཐའ་མ༌ཡིན། ཞིང་རྔ་མཁན་ནི་ཕོ་ཉ་རྣམས༌ཡིན། 40 དེའི༌ཕྱིར། རྩྭ་ལྡུམ་བལ་ནས་མེ་རུ་སྲེག་པ་བཞིན་བསྐལ་པའི་མཐའ་མ་ལའང་དེ་ལྟར་འབྱུང་བར་འགྱུར༌རོ།། 41 མིའི་བུ་ཡིས་ཕོ་ཉ་རྣམས་མངགས་ཤིང་དེ་དག་གིས་ཁོང་གི་རྒྱལ་སྲིད་ནས་མི་ལ་སྡིག་པ་བྱེད་དུ་འཇུག་པ་དང་ཉེས་པ་གསོག་མཁན་ཐམས་ཅད་བསྡུས༌ཏེ། 42 མེ་ཐབ་ནང་དུ་གཡུག་ཅིང་གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར༌འགྱུར། 43 དེའི་དུས༌སུ། མི་གཞུང་དྲང་རྣམས་ཀྱིས་རང་གི་ཡབ་ཀྱི་རྒྱལ་སྲིད་དུ་ཉི་མ་དང་འདྲ་བར་འོད་སྤྲོ་བར༌འགྱུར། ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།

44 ཡང་སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་ཞིང་ལ་སྦས་པའི་རིན་པོ་ཆེའི་གཏེར་མཛོད་དང་འདྲ༌བར། མི་ཞིག་གིས་གཏེར་མཛོད་དེ་རྙེད་ཅིང་སྦས༌རྗེས། དགའ་སྤྲོའི་ངང་རང་ལ་ཡོད་པ་ཐམས་ཅད་བཙོངས་ནས་ས་ཞིང་དེ་ཉོས༌སོ།། 45 ཡང་ནམ་མཁའི་རྒྱལ་སྲིད་ནི་ཚོང་པ་ཞིག་གིས་མུ་ཏིག་བཟང་པོ་འཚོལ་བ་དང་འདྲ༌སྟེ། 46 ཁོས་རིན་ཐང་ཆེ་བའི་མུ་ཏིག་ཅིག་མཐོང་སྟེ་རང་ལ་ཡོད་པ་ཐམས་ཅད་བཙོངས་ནས་མུ་ཏིག་དེ་ཉོས་པ་ཡིན་ཞེས་གསུངས༌སོ།།

47 ཡང་སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་རྒྱ་མཚོའི་ནང་དུ་དྲ་རྒྱ་འཕངས་ནས་ཉའི་རིགས་སྣ་ཚོགས་འཛིན་པ་དང་འདྲ༌སྟེ། 48 དྲ་རྒྱར་ཉས་བཀང་བ་དང་ཉ་པས་དྲ་རྒྱ་མཚོ་འགྲམ་དུ་འཐེན་ཏེ་བསྡད༌ཅིང༌། ཟས་སུ་རུང་བ་དག་སྣོད་དུ་བསྡུས་ཤིང་ཟས་སུ་མི་རུང་བ་དག་དོར༌བའོ།། 49 བསྐལ་པའི་མཐའ་མ་ལའང་དེ་ལྟར་འབྱུང་ངེས༌ཏེ། ཕོ་ཉ་རྣམས་ཕེབས་ནས་མི་གཞུང་དྲང་རྣམས་ཀྱི་ཁྲོད་ནས་མི་ངན་པ་རྣམས་ལོགས་སུ་བཀར༌ཏེ། 50 མེ་ཐབ་ནང་དུ་གཡུག་ཅིང་གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་གསུངས༌སོ།།

51 ཡང་ཁོང་གིས་འདི་སྐད༌དུ། ཁྱོད་རྣམས་ཀྱིས་དེ་ཐམས་ཅད་ཀྱི་དོན་གོའམ་ཞེས་གསུངས་པ༌དང༌། ཐུགས་སྲས་རྣམས་ཀྱིས་དོན་དེ་གོའོ་ཞེས་ཞུས༌སོ།། 52 ཡང་ཁོང་གིས་ཐུགས་སྲས་རྣམས་ལ་འདི་སྐད༌དུ། ནམ་མཁའི་རྒྱལ་སྲིད་ཀྱི་རྗེས་འབྲང་པར་གྱུར་པའི་མཁན་པོ་རྣམས༌ནི། ཁྱིམ་བདག་ཅིག་གིས་རང་གི་བང་མཛོད་ནས་དངོས་པོ་གསར་པ་དང་རྙིང་པ་འཁྱེར་འོང་བ་དང་འདྲ་ཞེས་གསུངས༌སོ།།

53 སྐྱབས་མགོན་ཡེ་ཤུས་དཔེ་དེ་དག་གསུངས༌རྗེས། ཁོང་ཉིད་གནས་དེ་དང་ཁ་བྲལ༌ཏེ། 54 རང་ཡུལ་དུ་ཕེབས་ཤིང་ཆོས་ཁང་དུ་ཡུལ་མི་རྣམས་ལ་ཆོས་གསུངས་པ༌ན། ཉན་མཁན་རྣམས་ངོ་མཚར་སྐྱེས༌ཏེ། མི་འདི་ལ་ཤེས་རབ་དང་ནུས་མཐུ་ཁྱད་པར་བ་དེ་ལྟ་བུ་གང་ནས་བྱུང༌ངམ། 55 མི་འདི་ནི་ཤིང་བཟོའི་བུ་དེ་མ་ཡིན༌ནམ། ཁོའི་མ་ནི་མིར་ཡམ་ཟེར་བ་དེ་མ་ཡིན༌ནམ། ཁོའི་ནུ་བོ་རྣམས་ནི་ཡ་ཀོབ༌དང༌། ཡོ༌སེབ། སི༌མོན། ཡུ་དཱ་བཅས་མ་ཡིན༌ནམ། 56 ཁོའི་སྲིང་མོ་རྣམས་ཀྱང་འདི་རུ་བདག་ཅག་དང་མཉམ་དུ་ཡོད་པ་མིན༌ནམ། དེས་ན་མི་འདིར་དོན་འདི་ལྟ་བུ་རྣམས་གང་ནས་བྱུང་ངམ་ཟེར༌ཞིང༌། 57 མི་དེ་རྣམས་ཁོང་ལ་མི་དགའ་བར་གྱུར༌ཏོ། །དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། ལུང་སྟོན་པ་ལ་རང་ཡུལ་དང་ཁྱིམ་མི་ལས༌གཞན། བརྩི་བཀུར་མི་བྱེད་མཁན་གཅིག་ཀྱང་མེད་ཅེས་གསུངས༌སོ།། 58 མི་དེ་རྣམས་ལ་དད་པ་མེད་པའི་རྐྱེན་གྱིས་སྐྱབས་མགོན་ཡེ་ཤུས་ངོ་མཚར་བའི་མཛད་པ་མང་པོ་མ་གནང༌ངོ༌།།

<- མད༌ཐཱ། 12མད༌ཐཱ། 14 ->