13 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། 14 དམོད་མོ་འདེབས་མཁན་དེ་སྒར་གྱི་ཕྱི་རོལ་ཏུ་ཁྲིད་ཅིག དེ་ཐོས་པའི་མི་ཐམས་ཅད་ཀྱིས་ལག་པ་ཁོའི་མགོ་ལ་བཞག་ནས་མི་ཚོགས་ཧྲིལ་པོས་ཁོ་རང་རྡོ་རུབ་བཏང་ནས་གསོད་དགོས། 15 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྒོས་ཤིག སུ་ཞིག་གིས་རང་གི་དཀོན་མཆོག་ལ་དམོད་པར་བྱས་ན། དེས་རང་གི་སྡིག་པ་འཁུར་དགོས། 16 སུ་ཞིག་གིས་དཀོན་མཆོག་ཡ་ཝཱེའི་མཚན་ལ་སྐུར་བ་བཏབ་ན། དེ་ནི་ཅིས་ཀྱང་སྲོག་དང་འཕྲལ་དགོས་པ་དང་། མི་ཚོགས་ཧྲིལ་པོས་ཁོ་རང་རྡོ་རུབ་བཏང་ནས་གསོད་དགོས། བྱེས་པའམ་གཞིས་སྐྱེས་གང་ཡིན་ཡང་། ཁོས་དམ་པའི་མཚན་ལ་སྐུར་བ་འདེབས་དུས་སྲོག་དང་འཕྲལ་དགོས་སོ། ། 17 མི་གསོད་མཁན་ནི་ངེས་པར་སྲོག་དང་འཕྲལ་དགོས། 18 ཕྱུགས་ཟོག་གསོད་མཁན་གྱིས་དེའི་སྐྱིན་ཚབ་ལ་ཕྱུགས་ཟོག་སྤྲད་ནས། སྲོག་ཚབ་སྲོག་གིས་འཇལ་དགོས། 19 སུ་ཞིག་གིས་ཁྱིམ་མཚེས་ལ་གནོད་བསྐྱལ་ན། མི་དེས་བྱས་པ་བཞིན་དུ་ཁོ་ལའང་དེ་ལྟར་བྱེད་དགོས་པ་འདི་ལྟ་སྟེ། 20 བཅགས་པའི་ལན་དུ་བཅགས་པ་དང་། མིག་ལ་མིག་ལན་དང་སོ་ལ་སོ་ལན་འཇལ་དགོས། མི་དེས་ཇི་ལྟར་མི་གཞན་ཞིག་དབང་བོ་སྐྱོན་ཅན་དུ་བཟོས་ན། ཁོ་ལའང་དེ་བཞིན་བྱེད་དགོས། 21 ཕྱུགས་ཟོག་གསོད་མཁན་གྱིས་དེའི་སྐྱིན་ཚབ་ལ་ཕྱུགས་ཟོག་འཇལ་དགོས་པ་དང་། མི་གསོད་མཁན་ལ་སྲོག་ཆད་གཅོད་དགོས། 22 བྱེས་པའམ་གཞིས་སྐྱེས་གང་ཡིན་ཡང་ཁྲིམས་སྲོལ་གཅིག་ཡིན་དགོས། ཅི་ལ་ཞེ་ན། བདག་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ཡིན་ཞེས་པའོ་གསུངས་སོ།། 23 དེ་ནས་མོ་ཤེ་ཡིས་ཡེས་ར་ཨེལ་པ་རྣམས་ལ་བཀའ་བསྒོས་ཤིང་། ཁོ་རྣམས་ཀྱིས་དམོད་མོ་འདེབས་མཁན་དེ་སྒར་གྱི་ཕྱི་རོལ་ཏུ་ཁྲིད་དེ་རྡོ་རུབ་བཏང་ནས་བསད་དོ། །ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེས་མོ་ཤེ་ལ་བསྩལ་པའི་བཀའ་བཞིན་དུ་བསྒྲུབས་པའོ། །
<- ལེ་ཝིའི་ཚུལ་ཁྲིམས། 23ལེ་ཝིའི་ཚུལ་ཁྲིམས། 25 ->-
མཚན་ཞེས་པ་འདི་དཀོན་མཆོག་ཡ་ཝཱེའི་མཚན་ལ་གོ་དགོས།