1-3 Na tahuna iea e Kaiser Augustus i vakuku e huriki ri gi hamule mai a vuhutanga ne ria, ri gi here puru a rane ria. I mavonga ni gi gi palupu e huriki a bakovi a ngatavine na tabeke lobo i matakari e Rom. A rabu ni gi palupu e huriki lobo i uka ma ni rata hosi. Ni rata karaba ngane na tahuna e Kuirinus i matakari o Siria.
4 E Iosep tara i pea e Nasaret na tabeke ne Galili, i hamule o Iudea, na tanga ni gale e Betlehem, a vuhutanga ne Davit, a vuhuna ia a hamone Davit. 5 I hamule lokovonga turane Maria, ru gu here puru a rane rua, a vuhuna e Maria ni habikari vona. E Maria i singou, 6 lakea na tahuna ru bele vonga, i pahea a koma, 7 lakea i podea a koma a tabua, a bakovi. I bunua na lavalava, i vakamahita purua na murina maki ni kani na sipsip, a vuhuna a roho na mosi i vonu pali.
13 E huriki a tara bulolo na agelo ri bele vakaturutu, ri kavurikea a Vure, ri ta maea,
15 Na tahuna e huriki a agelo ri pe ria, ri hamule sike na hunu, e huriki a matakari na sipsip ri vata, ri ta maea, “Si lakea o Betlehem, si gi masia a maki i bele vonga, ra maki i vakalongo hita vona e Bakovi Dagi.”
16 Lakea ri nunu lakea o Betlehem, ri matai e Iosep, e Maria, turana koma ni vakamahita na murina maki ni kani na sipsip. 17 Na tahuna ri masia a koma ri vakalongo a ngavana agelo i taki ria vona. 18 E huriki ri longoa a ngavane huriki a matakari na sipsip ri turutu vona. 19 [b]Pali e Maria i luhoi kado a ngava nga, i ru na hatena. 20 E huriki a matakari na sipsip ri hamule lakea na sipsip ne ria, ri kavurikea a Vure vona a maka maki ri longo, ri matai, a vuhuna i bele manga kunana a hini a agelo i taki ria vona.
22 [d]Ru rata pali a leho ge rata rua ru gu malamala na matane Bakovi Dagi, i muri mai a vinara ne Moses. Muri ru bolea e Isu, to lakea o Ierusalem ru gu habia ne Bakovi Dagi. 23 [e]Ru rata mavonga, a vuhuna a vinara ne Bakovi Dagi ni here puru i maea, “E huriki a koma bakovi, a tabua, ni gi habi ne Bakovi Dagi.” 24 [f]E Maria e Iosep ru habi a nihabi i muri mai a vinara ne Bakovi Dagi ni here puru, i maea, “A balu ge rua, o a tuna balu ge rua.”
33 E tamana e kinana ru turutu vona a ngava e Simion i taki virihi e Isu vona. 34 [i]Muri e Simion i taki tou a Vure ge rata kamumu tou, lakea i takia e Maria, i ta maea, “O longo valai. A Vure i vulakia a koma iea ge rata e huriki a Israel ala kupo ri gi boru, pali ge korimule e huriki ala kupo. Bara ia a kilakila na Vure, lakea i kupo e huriki bara ri biu ia. 35 Ra i mavonga a niluhoi kapiloho ne huriki bara i bele kavakava. Pali ioe bara o dodo hateka, bara o hatakia a hatemu, i manga ni padi na bainat.”
36 A propet ngatavine tara i made vonga, a rana e Ana, e Tune Panuel, a kabu ne Aser. I gare hateka. Hosi i parangi i made turana e girihina na pida i polorua. 37 Muri e girihina i mate, lakea i uka ma i parangi tabu. Ngane i tahoka a pida i ravulu polotolu a polona i va. I made kunana na roho na Vure, i peremu, i vasileki, i kavurikea a Vure na haro, a rodo. 38 Na tahuna e Simion i tabana ni ta turane tou, e Ana i valai mai ria, i kavurikea a Vure. Muri i vakalongo e huriki na koma iea, re huriki a bakovi a ngatavine ri pasimata na Vure ge korimule e Ierusalem.
49 Lakea e Isu i koli i ta maea, “I navai muru matakana iau? I uka ma muru lohoka vona iau ga made na roho ne tata?” 50 Pali i uka ma ru longokilalea a ngava i taki virihi rua vona.
51 [l]Pali e kinana i ru na hatena a ngava lobo i taki. Muri i vano turane rua to puru o Nasaret. I longototo kunana a ngavane rua. 52 [m]E Isu i koru rike. A lohokanga vona i bele dagi. A Vure i vivi vona. E huriki a bakovi a ngatavine, ria ranga ri ngarua.
<- E Lukas 1E Lukas 3 ->