1 Muri e Isu i taki e huriki a murimuri vona, i ta maea, “A maka nitoni na rabu hale bara ri bele. Pali a Vure bara i ratapile e huriki ri vakaboru a viri. 2 E rei a viri i vakaboru e huriki, bara i kamumu vona ni gi topi na lohona a kedo dagi, ni gi voro purua na utu, nahea ge vakaboru e huriki a bakovi tavula nga. 3 [a]I mavonga, mu matadoko!
6 [b]Pali e Bakovi Dagi i koli i ta maea, “Mua bara mu tahoka a niluhoi kiroko i manga a vutuna mastad, bara mu takia a kai iea ge malipu rike, ge vano ge pesi na dari, lakea bara i longototo.
8 “I uka. A hini bara o takia vona, bara o ta maea, ‘O hilolo, o gutu a maki ni kani nau, o bole valai, ga kani, ga ninu taro iau. Muri bara o kani o ninu ke.’ 9 Na tahuna a vora i muri mai a ngavana bakovi dagi vona, i uka ma ni gi kavurike. 10 Pali mua ranga, na tahuna mu rata lobo a leho ni taki mua vona mu gu rata, a ngaru mu gu ta maea kunana, ‘Mia a vora kunana. I uka ma ni gi kavurike mia, a vuhuna mi rata kunana a leho ni habi ne mia mi gi ratea.’ ”
14 [d]Na tahuna i matai ria, i ta maea, “Mu vano mu vakasiri mua ne huriki a prister.”
17 Lakea e Isu i nanea, “A viri ala ravulu ri matapado. Pali a vai a viri ala polova? 18 I navai ri koi ni hamule ri gi kavurikea a Vure? Ra mosi iea kunana i hamule valai, i kavurikea a Vure.” 19 Muri e Isu i takia a bakovi iea, i ta maea, “O pesi rike, o vano. I matapado a kulimu, a vuhuna o luhoi tora iau.”
20 Muri e huriki a Pariseo ri nanea e Isu na harikianga na Vure, garika ge valai. Lakea e Isu i koli, i ta maea, “Na tahuna a harikianga na Vure ge valai, i uka ma ge valai turana nivakasiri mu gu matai na matane mua. 21 I uka tara viri ge taki i bele pali koea o i bele pali lake, a vuhuna a harikianga na Vure i bele pali ne mua.”
22 Muri i taki e huriki a murimuri vona i ta maea, “Muri a parava bara i valai, bara mu ngaru hateka ni masia a Tuna Bakovi ge hamule valai. Bara mu ngaru ni matai popotea, pali i uka ma mu gu masia. 23 [e]E huriki a bakovi bara ri taki mua, ri ta maea, ‘Mu mata lakea, i made lake,’ o ‘Mu mata valai, i made koea.’ Naha ni vano. Naha ni nunu muri mai ria. 24 Na tahuna a vila i maravila na hunu, i vakapalala a hunu lobo, mu masia. I mavonga kunana na tahuna a Tuna Bakovi i hamule valai, bara mu matakilalea. 25 Pali muga e huriki lobo mona bara ri tepua, bara i bole a nimadihi i kupo.
26 “A parava na Tuna Bakovi ge manga kunana a parava ne Noa. 27 [f]Hosi, na tahuna e Noa i hae a agarungu vona, e huriki ri kani, ri ninu, ri vaparangi, i vano i harena na tahuna e Noa i rike na agarungu. I valai a marungu lolo i ratapile ria lobo.
28 [g]“I mavonga kunana hosi ne Lot. E huriki ri kani, ri ninu, ri vakona, ri vahabi a maki, ri varo a maki, ri hae a ruma. 29 Pali na tahuna e Lot i ha taroa e Sodoma, i boru valai meli na hunu a kanono a bega i ratapile ria lobo.
30 “Bara i mavonga kunana na tahuna a Tuna Bakovi ge hamule valai. 31 [h]Na parava iea, a viri tara i pesi na mapana ruma, nahea ge hamule puru tabu ge dili na ruma ge bole a maki vona. Ge ha kunana. I mavonga kunana a viri i leho na hania, nahea ge hamule lakea na ruma ge bole a maki vona. 32 [i]Mu luhoia e girihine Lot! 33 [j]A viri i ngaru ni korimule a kakaina bara i mate. Pali a viri i habi a kakaina bara i mahuri vakaroro.
34 “A taki mua, na rodo iea, a viri ala rua ru mahita na kiri taku; bara ni bole tara, ni pe mule tara. 35 A ngatavine ala rua ru rata a maki ni kani. Bara ni bole tara, ni pe mule tara. 36 A bakovi ala rua ru leho na hania. Bara ni bole tara, ni pe mule tara.”
37 E huriki a murimuri vona ri longoa, lakea ri nanea, “Bakovi Dagi, ra maka maki nga, ge bele vai?”