1 A vuhuna ngava nga i maea: Si tahoka pali a prister dagi. I made na limana kanena Hariki na hunu, i matakari. 2 Ngane i leho manga prister pololilo na kape muholi na Vure. A kape iea, i uka tara bakovi ge haea. A Vure kunana a viri i haea.

3 E huriki a prister dagi lobo ri tahoka a leho ni habi a nihabi na Vure. E Kristo tara, i habi a nihabi na Vure, a vuhuna ia a prister dagi. 4 Ia bara i made na malala, i uka ma ge ia a prister dagi, a vuhuna i tahoka e huriki a prister ri made pali, ri habi a maka nihabi na Vure, ri muri mai kunana a vinara. 5 [a]Ri leho manga prister na kape na Vure koea na malala. Ra kape na Vure iea, i manga kunana a hanuna kape muholi na Vure i pesi na hunu. Hosi, muga ne Moses ta ge vakapesia a kape na Vure, a Vure i takia, i ta maea, “O lohotata vona a naro na kape a vakasiri ioe vona na lolo, o ramai kamumua.” 6 [b]Pali ngane a leho i bolea e Isu na ngava dagi karaba i rangi a leho na ngava dagi hosi, a vuhuna a nita muholi a Vure i habi turana ngava dagi karaba i rangi a nita muholi na ngava dagi hosi. 7 A ngava dagi hosi bara i kamumu kunana, a Vure i uka ma ge vakabele tabu a ngava dagi karaba.

8 [c]Pali a Vure i pukatala a naro hale ne huriki nga, i ta maea, “E Bakovi Dagi i ta maea,