1 Anutu anee maasara qimudaoo qimasee amiqi amiqimmaqisaa.

Aneenna oori afiri kaaqa qarana maasiannai ubeekamasee dadaaqia.

2 Miqinaqa ani oosana aiqama maqa maaqakinaasa iriaqa.

Aiqama maqannaasa ani asumu mariranara faqa iriaqa.

3 Oo Anutu aiqama faiqí anaasee ani amooqiaqa.

Aiqama faiqí anaasee ani amooqiaqa.

4 Oo Anutu, anee faiqí anaasee aiqama amana amana kai andeeqasee rakisi mariannana faqa amiqimmasee naamua qimasee nifiqee fimariannanara faqa aiqama maqannaasa asasammasee idi raidaqa.

5 Oo Anutu faiqí anaasee ani amooqiaqa.

Aiqama faiqí anaasee ani auqu uqeeraaqa.

6 Miqifanoo maqakiqari aiqama narana kambiqanoo.

Kambiqainanoo Anutufa maasa Anutufa amiqi amiqimma qimaqaannoo.

7 Anutufa maasa amiqi amiqimma qimaqanau.

Aiqama maa maqanasaaqaraa fasiqa anaasee minara uriqarara fee qimasee qeerairiaqa.

<- IDI UFA 66IDI UFA 68 ->