1 Yaaweefa maasa Yeerusareenni qifiqee anufa qainasaara foora marinau.

2 Maasa firaaqoo naanaidara qida asasida idiree mariqau.

Miqi mariafanaqa akaqa maqannaasa maasara maaqi qiqau.

Yaaweefa firaa ainaina dadaaqinoo fee qiqau.

3 Kuqaa mifa firaa ainaina maasa dadaaqufaqa maasa minara firaaqoo asasiqiafana.

4 Aadaturunna aaku rifanoo nammari qumi marindee inana kaifaa maasa amiqi amiqimma qimaqaa.

5 Naukuna namu faqa ummaqi mariasa asasira idi namu faqa unakuaqanani.

6 Asumu ainaina ummaqiraree qimasee naukunu namufaqa maree munu ummaqusee mariifaqa nara aukuana unaku maree asasira idi namu faqa maree anifaranoo.

<- IDI UFA 125IDI UFA 127 ->