1 Aunbiing Iesu ka par tara gur na fanu, ka tatkau una baban nenge pungpung. Ka kiis, ke berberat na fafausum kia ri ka la unaisa 2 ma ka tipes fausum ri aragii:
11 [f]“Gam kalok aunbiing fanu ri nes gam, ri ka ta fangungut sing gam ke ri ka use foron orek laulau ulo gam ae biil i tekentu, wara lo iau. 12 [g]Gamen gesges ma gamek laes, wara le i laumet kanaka e fifiil kimi buuii na kukulii. Foron profet sabin ae ri liu famu ta lo gam ri kep ta fangungut arae sing fanu.
13 “Gam arae tes an fanu tikii na piklinbat. Isau male in rop e musmus lo, ke arafa sabin rin famusmus fafis u arae? Biil mang i rokap una tel ti tier, i rokap sau le rin fore ufu ma fanu rik fose u.
14 [h]“Gam arae malal na piklinbat. Nenge maleh ae i kiis na olon pungpung biil ifasi in mumun. 15 [i]Fanu biil ri fasok lam la ke ri ka luun u la na piklin paket, biil. Ri luun u la tom na sala, isi ik ta malal usuf fanu tikii na palgan fel. 16 [j]Pesu gam sabin, malal kimi in popos una matan fanu, isi rik par foron rokap na sinangu gam ma rik usefages Tama gam buuii na kukulii.”
21 [l]“Gam ka ongen ta u le foron tubutamat kerer ri kep ta orek aragii, ‘Gong o siimete tikas, male se i siimete tikas in ti na nagogon.’[m] 22 Isau le ia fas gam, le se i ngaliaf ulo tualik, in ti na nagogon. Se sabin i orek laulau ulo tualik, in ti na nagogon na matan foron famfamu. Isau le se i tara le, ‘O talos’ ifasi in la una tara yiif ae biil i met la.
23 “Pesu, male o ier isi ta fafen kiam usuf God na salan tunmapek, ma aiwa o ka wol tafe ti tier laulau ae o tel ta u ulo tuamlik, 24 ke on sok ufu fafen kiam usuf God aiwa na baban salan tunmapek. La famu bii ok pose na lima tuamlik, ke nami ok fis ma ok ta fafen kiam mang usuf God.
25 “Male tikas i ier isi luun o na nagogon, ke on fatortores sape orek tura aunbiing kamu toltole sal la, kiliis ta biil biitom o ti na mata tom nagogon. Tarama ka ta ufu o una liman tom nagogon, ke tom nagogon ka ta ufu o una liman tom parpar kale felun kamkabet, ke ka fakau o na felun kamkabet. 26 Tekentu kanaka ia fas o, biil ifasi on suuh, papang na aunbiing on ta tikii ifis e pitkalang ae on fiil u.”
31 [q] “Pakanini ri use ta u le, ‘Kaltu i lin antu, in ta ti aun buk una puk fakekel usuf antu.’ 32 [r]Isau le ia fas gam, nenge kaltu ae i lin foes antu, ae biil i tel ta sinangun puur, i tel fifin ae ka tel sinangun puur, aunbiing i fakekel sabin. Ma kaltu sabin ae i telpes u, ka tel sinangun puur.
43 “Gam ka ongen ta u ae ri tara le, ‘On ier isi ier ae na fatat o,[w] ma ok ememse tuui kiam.’ 44 Isau le ia fas gam: Gamen ier isi foron tuui kimi ke gamek sising isi fanse ae ri ta fangungut usuf gam, 45 isi fanu rik iliim u le gam berberat ke Tama gam buuii na kukulii. I tel pisiih kia ka popos ulon fanu laulau ke ulon fanu rokap sabin. Ke ka tel us ka luut na olon foron tom tortores ke na olon fanu sabin ae biil ri foron tom tortores. 46 Male gam ier la sau isi fanse ae ri ier isi gam, ke fifiil arafa gamen kep u? Matngan sinang ae foron tom kep takiis sabin ri tel u la. 47 Ke male gam faorek pes foron tualik gam la sau, ke arafa gam neng keskes arae lon fal? Fanu sabin ae biil ri usum lo God, ri tel u la arae. 48 [x]Pesu, gamen tapiek tortores, arae Tama gam buuii na kukulii i tortores kanaka.
<- Metiu 4Metiu 6 ->- a Aisaia 61:2
- b BukSong 37:11
- c Aisaia 55:1,2
- d BukSong 24:3,4
- e 1Pita 3:14
- f 1Pita 4:14
- g 2Stori 36:16; Aposel 7:52
- h Jon 8:12; 9:5
- i Mak 4:21; Luk 8:16; 11:33
- j 1Pita 2:12
- k Luk 16:17
- l KisimBek 20:13; Lo 5:17
- m KisimBek 20:13
- n KisimBek 20:14; Lo 5:18
- o Metiu 18:9; Mak 9:47
- p Metiu 18:8; Mak 9:43
- q Lo 24:1-4; Metiu 19:7; Mak 10:4
- r 1Korin 7:10,11
- s WokPris 19:12; Namba 30:2; Lo 23:21
- t Jems 5:12; Aisaia 66:1; Metiu 23:22
- u Aisaia 66:1; BukSong 48:2
- v KisimBek 21:24; WokPris 24:20; Lo 19:21
- w WokPris 19:18
- x WokPris 19:2; Lo 18:13