3 जत्यार हेरोदेस राजु जी वात सामळीन घाबराय गुयु, ने तेरे पुठ्ये यरुसलेम सहर मां रहणे वाळा बी आखा घाबराय गुया। 4 तेरेमां हेरोदेस राजु आखा मुख्या पुजारा ने यहुदी नीयम सीकाड़न्या मास्तर्याक भेळा करीन तीनुक पुछ्यु, “की मसी कां पयदा हवसे?”
5 चे कह्या की “यहुदीया जीलान बेतलहम सहर मां हवसे, काहाकी भगवानेन अघी सी आवणे वाळी वात बताड़न्या माणसेन साहरे असो लिखलो छे।
7 तत्यार हेरोदेस राजु तारा देखीन रासी देखण्याक कळेन बुलायन तीनुक पुछ्यु की तारु तुहुंक काहनी टेमे देखाव पड़लु, 8 अळतेन चु असो कय्न तीनुक बेतलहम सहर मां मकल्यु, “जावु, तीना पुर्यान बारामां पतु करु, ने जत्यार जड़ जाय तत्यार मेसे खबर करु काहाकी मे बी आवीन तेरा पाये पड़ीस।”
9 ने चे राजान वात काजे मानीन चाल पड़्या, ने तीना तारा काजे चे उंगतेलु देखला चु तारु बी तींद्रे अगळ-अगळ चाल पड़्यु, ने चां पुर्यु हतलु, तीनी जागा पर जाय्न चु तारु उबु रय गुयु। 10 ने तीना तारा काजे देखीन चे बेसका खुस हय गुया। 11 चे तीना घर मां जाय्न तीना पुर्या काजे हेरी माय मरीयम साते देख्या, ने उबडा पड़ीन पुर्या काजे आंध्या, ने आपणा-आपणा थयलाम सी तीना काजे सनो, लुभान, ने मंहगलो ईत्तर भेट चड़ाया।
12 बाकुन भगवान सी सपना मां असी खबर जड़ी की, हेरोदेस धड़े पछा घुण जावु, तत्यार चे दीसरे वाट्ये सी आपसान देस मां पछा जाती रया।
14 तत्यार युसुफ उठीन पुर्याक ने हेरी माय काजे रातेत लीन मीसर देस मां जाणे करीन चाल पड़्यु। 15 ने हेरोदेस मरने लग चांहान रयु। काहाकी ज बुल मालीक भगवानेन अघी सी आवणे वाळी वात बताड़न्या माणसेन साहरे कह्लो छे, चो पुरो हवे की, “मे मारा पुर्या काजे मीसर देस सी बाहर बुलायु।”
17 तत्यार ज बुल मालीक भगवानेन अघी सी आवणे वाळी वात बताड़न्या माणसेन यीर्मयाहन साहरे कह्लो हतलो, चो पुरो हय गुयो।
22 बाकुन युसुफ असु सामळ्यु की अखीलु तेरा बास हेरोदेस राजान आवजी पर यहुदीया पर राज कर र्यु, तेरेमां चां जाणे सी बीही गुयु। ने तत्यारुत सपना मां भगवानेन हुकुम सामळीन गलील जीला मां जाती र्यु, 23 ने नासरत नावेन सहर मां जाय्न वसी ज्य, काहाकी च बुल पुरो हवे, ज भगवानेन बुल मालीक भगवानेन अघी सी आवणे वाळी वात बताड़न्या माणसेन साहरे कह्लो हतलो की: “ईसु नासरी[a] कह्वाय्से।”
<- मत्ती 1मत्ती 3 ->- a नासरी हेरो मतलब जे नासरत सहर मां रहे चे नासरी कहवाये