1 मुसान साहरे आपला नेम कायदा आवणेवाळी भलायन साहळु अतरुत छे। भलाय ते खरान आवणे वाळी हतली। ईना नेम कायदान साहरे ते सालो डीट एक सारकी बादा वाटे जनवार्या मारीन चहड़ाया करे। तेबी बादान जनवार्या चहड़ावणे सी तीनु भक्ती करन्या काजे पुरा-पुरा चुखा करीन पाक्का नी बणाय सके। 2 कदी नेम-कायदु तीनु काजे पुरा-पुरा चुखा करीन पाक्का बणाय देतु, ती ते, जनवार्या मारीन बादा चहड़ावणु खत्तम हय जातो; काहाकी तत्यार ते, भक्ती करन्या जलम लग चुखा हय जाता ने तींद्रा मनेन सान तीनुक तींद्रा पापेन बारामां गुनु नी लागाड़ती। 3 बाकुन चो सालो डीट तींद्रा पापेक हेर कराड़ीन पापी ठेहरावे। 4 बाकुन हसो नी हवे; बेलेन ने बुकड़ान लुही पाप काजे छेटा नी करे।
5 हेरेसी ईसु मसी कळीम आवणेन टेमे भगवान काजे असु कह्यु,
8 ईसु मसी पेहले भगवान काजे असु कह्लु की, “तुसेक भाती-भातीन बादा जसी पापेन बादा ने बाळीन होम करली बादा नी चाही, ने तीनु बादा सी तु खुस बी, नी हयु” भले ची आखी बादा मुसान कायदान अनसारेत चहड़ावता आय रवला। 9 अळी ईसु मसी भगवान काजे असो बी कह्यु, “ए भगवान, मे तारी मरजी पुरी करने तीयार छे, ने मे हय जां छे।” असु करीन भगवान पापेन बादा छुटणेन पेहला कायदा, छेटे करदीन, नवलु कायदु उबु करे। 10 ने भगवानेन मरजीन अनसारे ईसु मसीन डीलेन एकुत कावा बादा चहड़ावणे सीत आपणु चुखा हय गुयला छे।
11 हरेक पुजारा मंदीर मां उबा रय्न दाहड़ीत भगवानेन सेवान रीती भाती करे, ने भाती-भातीन जनवार्यान बादा एक सारका अळी अळीन चड़ाया करे, जी बादा पाप काजे कदी छेटे नी कर सके। 12 बाकुन जु ईसु मसी ते पापेन माफी काजे एकुत कावा आपसा डीलेन जलमेन बादा चहड़ावीन भगवानेन जेवड़्ये आंग्ये जाय्न बस गुयु। 13 ने तीने टेमे सी चां रय्न जी वाट देख रयु की तारा वेरी तारा पायेन पयड़ी बण जाणु चाहजे। 14 काहाकी ईसु मसी एकुत कावा आपसा डीलेन जलमेन बादा चहड़ावीन आखा काजे चुखा कर देदु, ने जलमकात [a]पाक्का कर देदु।
15 भगवानेन चुखली जीव-आत्मा बी नवली बुलीन साहरे आपणुक जड़नी बरकतेन गवा छे, सास्तुर लिखण्याम रय्न चु असु देखाड़े,
17 ने चु अळी कह्यु, “मे तींद्रा पाप काजे, ने गुना काजे कदी हेर नी करो।” 18 हय आखा काजे ईसुन बादा साहरे पापेन माफी जड़ जाय, ती अळी पापेन माफी वाटे बादा चहड़ावणु जरुड़ी नी हय।
26 काहाकी खरली वातेन उळखाण हात करनेन पछे कदी हामु जाणी बुजीन पाप करता रवसुन, ती पापे वाटे अळी कुय बादा चड़ावणु नी रय। 27 हव, हसो हय ती ते, असला माणसेक हय बीहाड़े असा नीयावेन दाहड़ान वाट देखणु ने उलाह्ये नी असली आकठीन वाट देखणु अतरोत रय रयो, जी आकठी भगवानेन वीरुद करन्या काजे खाय जासे। 28 जत्यार काहनुक मुसान कायदाक नी मान र्यु हय ती, दुय नीते तीन जणान गवाय पर, पाखुर दया करे मार देय, 29 ती सुची लेवु की चु कतरु अळी बी भारी डंडेन लायक ठेरसे, जु भगवानेन पुर्या काजे पाये सी लातायन कुचर्यु ने वायदान लुही काजे, जेरे साहरे चु चुखलु ठेराय गुयलु वीटेळ्ळु समजी गुयु ने गीण-दयान आत्मा काजे अपमान कर्यु। 30 डंड आपण्यु भगवान जो कह्यु, “बदलु लेणु मारो काम छे, मे बदलु लीस।” ने चु अळी ज बी कह्यु, “मालीक भगवान आपसा माणसेन नीयाव करसे।” ईना भगवान काजे आपणु जाणजे बी। 31 जीवतेला भगवानेन हाते डंड भुगतणु ते बेसकु बीहाड़े असो छे।
32 तुहुं तीनु पेहला दाहड़ाक हेर करु, तीनी टेम मां तुहुं खुस-खबरेन वीजाळो देखीन मान लेदला, ने बेसका दुख मां ने भुरसा मां टीकला रया। 33 तीनी टेमे माणसे, तुंद्रे मायन काहनुक आखा अगळ वात नीकाळ्यु ने वेला पाड़्या ने तुहुं तींद्री मान लेदा, ने तुंद्रे मायन काहनाक तीनु माणसे साते हतला सांती आपणे, तीनुक दीसरा माणसे वेला पाड़्या। 34 तुहुं ईसु पर भुरसु करन्या तीनु माणसे पर दया कर्या, तीनु काजे जेलेम कुंड देदला, ने वीरुद करन्या माणसे तुंद्रो माल धन हापकीन ली जाती रया, तेबी तुहुं खुस हतला; काहाकी तुहुं वीच्यार करतेला की भगवान हामरे वाटे ईनी धरती पर माल धन सी बी वारलु ने जलम टीकणेवाळो अमर जीवनेन माल धन सरगेम मेल रयु। 35 हेरेसी तुहुं हिम्मत घुण हारु। काहाकी तेरो काम बेसको मटो छे। 36 तुहुं गम खाय्न भगवानेन मरजी पुरी करसु, ती भगवान, तुहुंक जो आपणेन वायदु करलु छे, चो आपसे ने आपसे। 37 काहाकी चु आवणे वाळु छे,
39 बाकुन हामु ते भुरसु छुड़ीन पछा सरेकण्या मायन नी हय, बाकुन हामु तीनु मायन छे, जे भगवानेन भुरसा पर टेकला रय्न आपसा जीव-आत्मा काजे बचाड़े।
<- ईब्रानी 9ईब्रानी 11 ->- a पाक्का