गलातीन मंडळी वाटे पोलुसेन चिट्ठी गलातीन बारामां गलातीन किताप काजे नेवताळु पोलुस 1:1 लिखलु छे। जी एक चिट्ठी हतली जीनीक पोलुस गलातीन मंडळी काजे मसीन पयदावारीन 48-57 सालेन ईचमांस लिखलु छे। गलातीन माणसे हय सके की चे रोमन सहर मां रहणे वाळा हतला। नीयमेन किताप जान्ने वाळाक असो पाक्को मालम नी हय की जी चिट्ठी लिखणेन टेमे पोलुस कां हतलु, बाकुन हय सके की चु ईफीसुस नीते कुरींथी सहर मां हतलु। पोलुस गलातीन मंडळी मां यहुदी ने नी-यहुदी दुयु मसीक मान्ने वाळा माणसे वाटे लिखलु। खास करीन चां गलत सीकापण काजे रुकणे करीन, काहाकी चे मसी माणसे काजे पुराणा नीयमेन यहुदी नीयम काजे पालनु करीन सीकाड़तेला, खास करीन अगली फतरी काजे काटाड़नेन। मसी माणसेन ईचमां यहुदी नावेन एक टुळु हतलु, जीनुक नी यहुदी मसी वाळा काजे अगली फतरी काजे काटाड़नेन जरुड़ी हतली। चे पोलुस पर नेवताळु बन्नेन हक पर सवाल बी पुछ्या। पोलुस काय काहानी 1:11; 2:14 बताड़ीन आपसाक नेवताळान हक काजे नी बताड़्यु ने तीनुक असु करीन खुस-खबर समजाड़ने लाग्यु की छुटकारु ईसु पर भुरसु करने सीत हवसे ने जड़से। जु दयान फळ छे जु भगवान देखाड़े असो नी जे माणसे करे। बाहरती वात 1. पोलुस आपसान चिट्ठीन सुरुवात गलातीन मंडळी काजे वारलु छे की कय्न करे। 1:1-15 2. तत्यार पोलुस खुदेन बारामां बताड़तु जाय्न आपसान हक काजे वाचाड़ने करीन ने असु देखाड़ने करीन की हयु मुसान नीयम पर चालनेन कुसीत ते कर्यु, बाकुन आपसु काम नी करतेलु। 1:6—2:21 3. अघु हयु छुटकारा मां नीयम ने गीण-दयान बारामां अघु बताड़े। 3—4 4. अळतेन हयु वारलु मसी जीवनेन बारामां वारलु सीकाड़े। 5:1—6:10 5. पोलुस आपसान चिट्ठी मां वारु छे करीन ने आकरी लीलघाय्न साते कहें की भगवान भीणी सी एक नवला माणुस मां बदलनु बाहरना नीयम सी घणो वारु, जसा की अगली फतरी काटाड़नु। 6:11-18
1आव-भाव 1 पोलुसेन, जी चिट्ठी नीते माणसे भीणी सी, ने नी माणसे सी, बाकुन ईसु मसीन ने भगवान बास भीणी सी छे, जु तीनाक मर्या-सर्याम सी जीवाड़्यु, चु नेवताळु छे। 2 ने आखा भायस भीणी सी जे मार साथी छे; गलातीन मंडळ्यान नाव।3 मे तुंद्रे सी असी आस करो की आपणा भगवान बास अगु सी, ने तीना मालीक ईसु मसीन अगु सी, तुहुं काजे गीण-दया ने सुक सांती जड़ती रहणु चाहजे।
4 जु ईसु, आपणा भगवान बासेन मरजीन अनसारे, आपसा जीव काजे आपणा पापेन बादा छुटणे करीन आपी देदु, ने चु असु करीन आपसा काजे आपी देदु की आपणु हय ईनी कळी मां रय र्या, ईनीत पापी कळीम सी आपणुक छुड़ाय लेय। 5 ने तेरी सेक-सींगार सदा हवती रहे। आमीन।
एकुत खुस-खबर 6 मे चकराय गुयु की जु तुहुंक ईसु मसीन गीण-दया सी बुलावलु चां सी अतरा छाटा पछा वळीन दीसरी भातीन खुस-खबर भीणी वळने लाग गुया। 7 बाकुन दीसरी खुस-खबर हय्त नी, बाकुन वात जी छे की बेसका असा छे, चे तुहुंक घाबराड़ी देय, ने ईसु मसीन खुस-खबर काजे बीगाड़ने हींडे। 8 बाकुन ईसुन जी खुस-खबर, हामु तुहुं काजे सामळावला छे, तीनी खुस-खबर काजे छुड़ीन, काहनु बी तुहुं काजे दीसरीत खुस-खबर सामळावे, तीना पर जलम की गरा आय पड़नु चाहे, भले चे, हामु हय ते ने, भगवानेन सरग वाळा काहवाळ्या हय ते। 9 जसा हामु तुहुंक पेहलुत कय देदला, तसुत मे हय अळी कहो की, कदी तीनी खुस-खबर काजे छुड़ीन कुय बी, दीसरीत खुस-खबर सामळावे, ती तेरे पर गरा आय पड़नु चाहजे।10 हय मे माणसेक मानाड़ने करीन हेर कर र्यु की भगवानेक काय? मे माणसेक खुस करनेन हेर कर र्यु? कदी मे आज लग माणसेत काजे, खुस करनेन हेर करतु, ती ईसु मसीन पावर्यु नी रवतु।
पोलुस काजे ईसु मसी सी खुस-खबर जड़े 11 ए भायस ने बहणस्या, मे तुहुंक बताड़ी दम की जी खुस-खबर मे सामळावलु छे, ची खुस-खबर माणसे सी नी हय। 12 काहाकी जी खुस-खबर मेसेक काहना माणसे सी नी जड़ी। ने काहनु बी दीसरु ईनी खुस-खबरेन बारामां मेसेक नी सीकाड़्यु। बाकुन ईसु मसी मेसेक देखाव पड़्यु, ने सुदु सट मारे पर ईनी खबर काजे उजेंतु करलु छे।13 तुहुं मारा वेहवारेन ने वीच्यारेन बारामां सामळी रया, की मे ते पेहले यहुदी धरमेन बेसकु पाळनी पाळतेलु, की ईसु वाळान मंडळी काजे, ने भगवानेन मंडळी काजे वेला पाड़तेलु, ने तीनी मंडळी काजे ठायकी मारीन सारने हींडतेलु। 14 मे ते मार पाळीन बेसका यहुदी माणसे सी बी पेहेल सीत यहुदी धरमेन नीयम पाळतेलु, काहाकी जी धरमेन रीती मेसेक डाहा-डाहा सी जड़ली, ने ईनी रीतीक पाळने मां बी मे बेसकु हवस्यु हतलु।
15 बाकुन भगवान मेसेक मारी आयसीन कुखेम सीत मेसेक नेवाड़ लेदलु, ने आपसी गीण-दयान अनसारे मार पर भुरसु करने ने आपसी सेवा करने बुलायु।[a] 16 जत्यार मरजी हय की मेसेक ने आपणा पुर्याक उजेंतु करे की मे आड़जात्या मां तेरो खुस-खबर सामळावो, ती नीते मे डील ने लुही सी पुछ्यु; 17 ने नीते यरुसलेम मां तींद्रे धड़े गुयु जु मारे सी पेहल नेवताळु हतलु, बाकुन तत्यारुत अरब देस मां जाती र्यु। ने अळी चां सी दमीस्क सहर मां पछु आवती र्यु। 18 तीन साल हय गुया ने अळतेन मे ईसुन नेवताळा केफा काजे भेळु हवणे करीन यहुदीया जीलान यरुसलेम सहर मां गुयु, ने तींद्रेन्चां पंद्रे दाहड़ा रयु। 19 ने मालीक ईसुन संगा भायस याकुप काजे भेळु हयु, ईनुक छुड़ीन दीसरा काहना बी ईसुन नेवताळा काजे नी भेळु हयु।
20 जी वात मे तुहुंक लिखणे बाजी र्यु, ची वात मे भगवान काजे मारेन्चां हजुर जाणीन लिखणे बाजी र्यु, ने मे झुट नी मेल्तु।
21 अळतेन मे सीरीया ने कीलक्या ईलाका मां बेसके लांबे जात र्यु। 22 ने यहुदीया जीला मां रहण्या जे माणसे मसीन मां छे, चे मेसेक हय लग नी देख्या। 23 बाकुन तीनु मंडळ्यान माणसे मारे बारामां जी वात सामळ्या करतेला, की पेहले जु माणुस हामुक वेला पाड़तेलु, ने हामुक भुरसाम सी छुड़ावणे हींडतेलु ने ईना पंथन भुरसा काजे ठायकुत सारने हींडतेलु, चु हय ईसु पर भुरसु करनेन बारामां खुस-खबर सामळावणे बाजी रयु। 24 ने असा करीन यहुदीया जीला मां रहण्या ईसुन मंडळ्यान माणसे मारा बारामां सामळीन भगवानेन बड़ाय करतेला।
गलाती 2 ->
- a रोमी 1:1, यीरम्या 1:5, यसाया 49:1
3 मे तुंद्रे सी असी आस करो की आपणा भगवान बास अगु सी, ने तीना मालीक ईसु मसीन अगु सी, तुहुं काजे गीण-दया ने सुक सांती जड़ती रहणु चाहजे।
4 जु ईसु, आपणा भगवान बासेन मरजीन अनसारे, आपसा जीव काजे आपणा पापेन बादा छुटणे करीन आपी देदु, ने चु असु करीन आपसा काजे आपी देदु की आपणु हय ईनी कळी मां रय र्या, ईनीत पापी कळीम सी आपणुक छुड़ाय लेय। 5 ने तेरी सेक-सींगार सदा हवती रहे। आमीन।
10 हय मे माणसेक मानाड़ने करीन हेर कर र्यु की भगवानेक काय? मे माणसेक खुस करनेन हेर कर र्यु? कदी मे आज लग माणसेत काजे, खुस करनेन हेर करतु, ती ईसु मसीन पावर्यु नी रवतु।
13 तुहुं मारा वेहवारेन ने वीच्यारेन बारामां सामळी रया, की मे ते पेहले यहुदी धरमेन बेसकु पाळनी पाळतेलु, की ईसु वाळान मंडळी काजे, ने भगवानेन मंडळी काजे वेला पाड़तेलु, ने तीनी मंडळी काजे ठायकी मारीन सारने हींडतेलु। 14 मे ते मार पाळीन बेसका यहुदी माणसे सी बी पेहेल सीत यहुदी धरमेन नीयम पाळतेलु, काहाकी जी धरमेन रीती मेसेक डाहा-डाहा सी जड़ली, ने ईनी रीतीक पाळने मां बी मे बेसकु हवस्यु हतलु।
15 बाकुन भगवान मेसेक मारी आयसीन कुखेम सीत मेसेक नेवाड़ लेदलु, ने आपसी गीण-दयान अनसारे मार पर भुरसु करने ने आपसी सेवा करने बुलायु।[a] 16 जत्यार मरजी हय की मेसेक ने आपणा पुर्याक उजेंतु करे की मे आड़जात्या मां तेरो खुस-खबर सामळावो, ती नीते मे डील ने लुही सी पुछ्यु; 17 ने नीते यरुसलेम मां तींद्रे धड़े गुयु जु मारे सी पेहल नेवताळु हतलु, बाकुन तत्यारुत अरब देस मां जाती र्यु। ने अळी चां सी दमीस्क सहर मां पछु आवती र्यु। 18 तीन साल हय गुया ने अळतेन मे ईसुन नेवताळा केफा काजे भेळु हवणे करीन यहुदीया जीलान यरुसलेम सहर मां गुयु, ने तींद्रेन्चां पंद्रे दाहड़ा रयु। 19 ने मालीक ईसुन संगा भायस याकुप काजे भेळु हयु, ईनुक छुड़ीन दीसरा काहना बी ईसुन नेवताळा काजे नी भेळु हयु।
20 जी वात मे तुहुंक लिखणे बाजी र्यु, ची वात मे भगवान काजे मारेन्चां हजुर जाणीन लिखणे बाजी र्यु, ने मे झुट नी मेल्तु।
21 अळतेन मे सीरीया ने कीलक्या ईलाका मां बेसके लांबे जात र्यु। 22 ने यहुदीया जीला मां रहण्या जे माणसे मसीन मां छे, चे मेसेक हय लग नी देख्या। 23 बाकुन तीनु मंडळ्यान माणसे मारे बारामां जी वात सामळ्या करतेला, की पेहले जु माणुस हामुक वेला पाड़तेलु, ने हामुक भुरसाम सी छुड़ावणे हींडतेलु ने ईना पंथन भुरसा काजे ठायकुत सारने हींडतेलु, चु हय ईसु पर भुरसु करनेन बारामां खुस-खबर सामळावणे बाजी रयु। 24 ने असा करीन यहुदीया जीला मां रहण्या ईसुन मंडळ्यान माणसे मारा बारामां सामळीन भगवानेन बड़ाय करतेला।
गलाती 2 ->- a रोमी 1:1, यीरम्या 1:5, यसाया 49:1