3 तेरेसी मंडळीन साहरे तीना काजे ईतराक अगास मेकणे गुया; ने फीनीके ने सामर्या मायन गुया ने चां वाळा आखा ईसु पर भुरसु करन्या ज कवता गुया की नी-यहुदी माणसे बी खुस-खबर पर भुरसु करीन भगवान भीणी हींद्रो मन फेरवी लेदा। ने आखा भाय जी वात सामळीन बेसका खुस हय गुया। 4 ने जत्यार चे यरुसलेम पुग्या, ती ईसुन, ने ईसुन मंडळी ने नेवताळा ने पुडारी तीनुक खुस हय्न भेळा हया, ने जे गुयला चे तीनुक कह्या की भगवान तींद्रे पुठ्ये रय्न कसा-कसा वारु काम कर्यु। 5 बाकुन फरीसी माणसेन टुळा मां जे ईसु पर भुरसु करला, तींद्रे मायन ईतराक उबा हय्न कह्या, “हीनु नी-यहुदी काजे फतरी काटणेन ने मुसान कायदा पाळनेन हुकुम आपणु चाहजे।”
6 तत्यार ईसुन नेवताळा ने पुडारी फतरी काटणेन ने मुसान कायदा पाळनेन वात पर वीच्यार करने करीन भेळा हया। 7 जत्यार बेसकी वार लग ईनी वात पर माथा-पच्ची हय गुय ने अळी पतरस उबु हय्न कह्यु, “ए भाय बेटा! तुहुं काजे मालुम छे की नी-यहुदी माणसे मां ईसुन खुस-खबर सामळावणे ने तीनुक ईसुन भुरसा मां लावणे करीन बेसका दाहड़ा पेहले भगवान मेसे काजे तुंद्रे मां सी नेवाड़ लेदु। 8 ने मन काजे पारखणे वाळु भगवान तीनु काजे बी चुखली-आत्मा आप्यु, जसु आपणु काजे चुखली-आत्मा आपलु। ने ईनी वातेन गवा देदु की भगवान हीनुक बी पापेम सी छुटकारु हात करनेन भुरसु आपलु छे। 9 ने ईसु पर भुरसान साहरे तींद्रो मन चुखो कर देदु ने हय तींद्रेम ने आपणेम काय बी छीट नी रय। 10 ती हय तुहुं भगवान काजे काहा पारखी रया? ने चेलान बुचाटा मां मुसान कायदान जुड़ो मेलीन काहा बुझु बणाय रया, तीना जुड़ा काजे आपणा डाहा-डाहा लग नी हाकल्या? 11 हव, हामु काजे पाक्कु भुरसु छे की तीने रीते चे मालीक ईसुन गीण-दयान साहरे पापेम सी छुटकारु हात करसे; तीनेत रीते आपणु बी मालीक ईसुन गीण-दयान साहरे पापेम सी छुटकारु हात करसु।”
12 चे आखा हुगा हय्न बरनाबास ने पोलुसेन वात सामळने बाजी रवला। ने चे तीनु सहलाणीन ने वारु कामेन बारामां वारु कह्णे बाजी रवला, जे सहलाणी वारु काम भगवान तींद्रे साहरे नी-यहुदी अगळ देखाड़लु हतलु। 13 सावुल ने पोलुस कय देदा ने अळी याकुप कवणे बाजी गुयु, ए भायस्यो, हय मारी वात सामळु। 14 सीमोन हामुक देखाड़्यु की भगवान नी-यहुदी माणसे पर गीण करीन आपसा नाव वाटे नेवाड़ लेदु। 15 ने जी वात भगवानेन अघली वात बताड़ने वाळा माणसेन वात सी मेळ बी खाय, जसों भगवानेन अघली वात बताड़ने वाळान किताप मां बी लिखलो छे,
19 हेरेसी मारु जु वीच्यार छे, की जे नी-यहुदी माणसे मां ईसु पर भुरसु करीन भगवान भीणी वळ गुयला तीनु काजे जाणी बुजीन वेला नी करनु चाहजे। 20 बाकुन आपणु तींद्रेन्चां जी चिट्ठी लिखीन दी मकेल्ला की “तुहुं मुरती पर चड़ावलो खाणो घुण खावु। ने गळु दड़पीन मारला काहना बी जनवार्यान सीकार घुण खावु, ने काहना बी जनवार्यान खुन घुण पीयु। ने छीनाळो घुण करु। 21 काहाकी पुराणा टेम सी मुसान नीयम कायदान परचार करन्या आखा सहर मां जड़े। ने चे आरामेन दाहड़े तींद्रा आखा यहुदी माणसेन भक्तीन घर मां मुसान कायदान किताप भणीन सामळावे।”
30 असा करीन चे तीनुक मकली देदा ने चिट्ठी लीन अन्ताकीया सहर मां गुया, ने चां जाय्न चे आखा भुरसु करन्या माणसे काजे भेळा करीन ची चिट्ठी तीनुक आप देदा। 31 ने चे तीनी चिट्ठी मां लिखली वात भणीन बेसका खुस हय गुया। 32 यहुदा ने सीलास जे भगवानेन अघली वात बताड़ने वाळा माणसे हतला, चे बी बेसकी वात कय्न तीनु भायस्यो काजे सांती आप्या। ने तींद्रा भुरसाक काठा कर्या। 33 ने चे थुड़ाक दाहड़ा चां रया, ने अळी चे तीनु भायस काजे आवसु ने आवजु कय्न, जे तीनुक मकेल्ला चां पछा जाती रया। 34 बाकुन सीलास काजे चांहान रहणु वारु लाग्यो,
35 ने पोलुस ने बरनाबास अन्ताकीया मां ईतराक दाहड़ा रया, ने बेसका दीसरा माणसे पुठ्ये रय्न चे माणसे काजे सीकाड़ता जाय्न मालीक ईसुन खुस-खबर सामळाया।