युहन्नान दुसरी चिट्ठी 2 युहन्नान बारामां 1 युहन्नान चिट्ठी नेवताळा युहन्नान साहरे मसीन पयदा हवणेन पचास सी सोव सालेन ईचमां लिखी गुयलो। युहन्नु खुद काजे लिखण्यान रुप मां नी उळखे, हेरे बजाय चु खुद काजे आखा सी मटु कह्वे। 2 युहन्नान बारामां युहन्नान अनसारे खुस-खबर मां जड़लाल बारामां घणो हेळे-मेळे। ज्य खास रुप सी हीनी तरा सी साप छे जीनी तरा सी चु एक दीसरा सी परम करने वाटे ईसुन हुकुम पर जुर देय ने जसु चु ईसु सी परम करनेन बराबरी हेरा हुकुमेन पाळन करनेन साते करे। 1:5-6, युहन्ना 15:9-10 असो मानी जाय की युहन्ना ईफीसुस मां रय्न युहन्ना ने तीन आक्सर मां 1 युहन्ना, 2 युहन्ना, 3 युहन्नान अनसारे खुस-खबर लिखलो हतलो। युहन्ना ईनी चिट्ठी काजे नेवाड़ली बायरी ने हेरा पुर्या काजे देखाड़े। चु काहा मायन मंडळीन वात कर रवलु। ईनी चिट्ठी काजे लिखणे मां युहन्नान मतलब मंडळी काजे हिम्मत बांदाड़्यु ने हीनुक झुठ सीकाड़न्या सी बचीन रवणु हतलो। बाहरती वात 1. युहन्ना ज्य कय्न चिट्ठीन उळखाण देय की ज्य कुणी वाटे छे ने हेरे हात करन्यान आव-भाव करीन उळखाण देय। 1:1-3 2. अळतेन चु मंडळी काजे हिम्मत बांदाड़्यु ने हीनुक आखा सी मटु हुकुम हेर कराड़्यु। 1:4-6 3. हेरे पछेन चु हीनु झुठ सीकाड़न्यान बारामां चेतावणी देय। 1:7-11 4. युहन्ना आपणी चिट्ठी काजे हीनी मंडळीन ईसु पर भुरसु करन्या सी जां चु रय रवलु, आव-भाव करीन पुरो कर्यु। 1:12-13
1आव-भाव 1 ओ ईसुन मंडळी, तुसे काजे भगवान नेवाड़लु छे। मे डाहा-बुड़ा, जी चिट्ठी तुसे काजे ने तारा माणसे काजे लिखो। मे तुंद्रे सी छाचला मन सी परम करो। 2 भगवानेन जी छाचाय जलम हामरे साते रवसे, ने हय जी छाचाय हामरे साते रवसे:3 आपणु, जे भगवानेन छाचाय्न अनसारे परम करीन, जीवणे बाजी रया, आपणु काजे भगवान बास अगु सी, ने भगवान बासेन पुर्यु ईसु मसी अगु सी, बेसकी वारु गीण-दया, ने सुक-सांती जड़ती रवसे।
छाचाय ने परम 4 मे ज्य देखीन बेसकु खुस हयु की चां वाळा मंडळी मायन थुड़ाक माणसे बासेन हुकुमेन अनसारे, तेरी छाचाय पर चाल र्या। 5 हय वो लाटेक्ली ईसुन मंडळी, मे तारे सी लीलघाय्न कह्वो, की मे तुसे काजे काय नवलु हुकुम नी पतु, बाकुन हयुत हुकुम आपो, जु आपणु काजे सुरु सी जड़लु छे, की तुहुं एक दीसरा सी परम कर्या करजु। 6 परमेन मतलब ज्य छे की आपणु भगवान काजे छाचलीन परम करजे। तेरेसी मे तुहुं काजे अळी कहो तुहुं आखा एक दीसरा सी परम करता जाय्न जीवजु। जु हुकुम तुहुंक पेहल सी जड़लु छे।7 कळी मां असा बेसका माणसे भटकाड़ने वाळा छे, चे असा नी माने की ईसु मसी माणसेन पुर्यु बणीन आयु; भटकाड़णे वाळा ने मसीन वीरुद करन्या जेत छे। 8 तुहुं चेतीन रहु, नीते कांखुर मायन तुहुं काठी मेहनतेन ईनाम खुय देसु, बाकुन मारी मरजी जी छे की तुहुं पुरात-पुरा ईनाम हात करनु चाहजे।
9 जु कुय बेसके छेटे जाती रवे ने मसीन सीकाड़नेन अनसारे नी जीवे, बाकुन सीकाड़ने सी छेटा हयन अगा जात रवे, तेरे साते भगवान नी रवे, बाकुन जु मसीन सीकाड़नेन अनसारे जीवे, तेरे साते भगवान बास ने तेरु पुर्यु ईसु, दुयु रवसे। 10 कदी कुय तुंद्रे घर आवीन ईना सीकाड़ने काजे छुड़ीन दीसरी रीत सी सीकाड़े, ती तुहुं, तीनाक ईसु पर भुरसु करन्यु समजीन आव-भाव घुण करु, ने तीनाक वारलु छे की? करीन बी घुण पुछु। 11 काहाकी जु माणुस तीना काजे वारलु छे की? करीन पुछे, चु तेरा पाप मां बी साजल्यु हवे।
आकरी कावा आवजी ने आवीस कहं 12 मेसेक तुंद्रे वाटे बेसको लिखणु छे, बाकुन मे जी वात कागदा पर सांय करीन नी लिखो। मे पाक्की आस करो की मे तुंद्रेन्चां आवीस ती उजेंतु वात करीस, तेरे सी आपणी खुसी पुरी हय जासे।13 ईसु पर भुरसु करने वाळी नेवाड़ली बहणीस तुहुं काजे तुहुं वारलु छे की? करीन पुछ रय ने आवीस ने आवजी कय र्या।
3 आपणु, जे भगवानेन छाचाय्न अनसारे परम करीन, जीवणे बाजी रया, आपणु काजे भगवान बास अगु सी, ने भगवान बासेन पुर्यु ईसु मसी अगु सी, बेसकी वारु गीण-दया, ने सुक-सांती जड़ती रवसे।
7 कळी मां असा बेसका माणसे भटकाड़ने वाळा छे, चे असा नी माने की ईसु मसी माणसेन पुर्यु बणीन आयु; भटकाड़णे वाळा ने मसीन वीरुद करन्या जेत छे। 8 तुहुं चेतीन रहु, नीते कांखुर मायन तुहुं काठी मेहनतेन ईनाम खुय देसु, बाकुन मारी मरजी जी छे की तुहुं पुरात-पुरा ईनाम हात करनु चाहजे।
9 जु कुय बेसके छेटे जाती रवे ने मसीन सीकाड़नेन अनसारे नी जीवे, बाकुन सीकाड़ने सी छेटा हयन अगा जात रवे, तेरे साते भगवान नी रवे, बाकुन जु मसीन सीकाड़नेन अनसारे जीवे, तेरे साते भगवान बास ने तेरु पुर्यु ईसु, दुयु रवसे। 10 कदी कुय तुंद्रे घर आवीन ईना सीकाड़ने काजे छुड़ीन दीसरी रीत सी सीकाड़े, ती तुहुं, तीनाक ईसु पर भुरसु करन्यु समजीन आव-भाव घुण करु, ने तीनाक वारलु छे की? करीन बी घुण पुछु। 11 काहाकी जु माणुस तीना काजे वारलु छे की? करीन पुछे, चु तेरा पाप मां बी साजल्यु हवे।
13 ईसु पर भुरसु करने वाळी नेवाड़ली बहणीस तुहुं काजे तुहुं वारलु छे की? करीन पुछ रय ने आवीस ने आवजी कय र्या।