1 हय तीनी चाकरीन बारामां जे चुखला माणसे वाटे कर र्‌या, मेसे तुहुं काजे लिखणु जरुड़ी नी हय। 2 काहाकी मे तुंद्‌रे मनेन तीयारी काजे जाणो, जेरे वजे सी मे तुंद्‌रे बारामां मकीदुनीयाम रवण्‌यान अगळ मटाय देखाड़ो, की अखायान माणसे एक साल सी तीयार हवला छे, ने तुंद्‌री खुसी बेसका काजे उभार्‌या बी। 3 बाकुन मे भायसे काजे हेरेसी मकेल्‌लु छे, की हामु जे मटाय तुंद्‌रे बारामां देखाड़जे, चु ईनी वात मां फालतु नी ठेहरे; बाकुन जसों की मे कहं; असात तुहुं बी तीयार रहु 4 असो नी हवे, की कदी कुय मकीदुनीया वाळा मारे धड़े आया, ने तुहुं तीयार नी रवु, की हय सके की हीना भुरसान वजे सी हामु ज नी कवता की तुहुंक सरमायु[a]! 5 हेरेसी मे भायसे सी जी लीलघायान करनु जरुड़ी समजी गुयु की जे पेहेल सी तुंद्‌रे धड़े आया, ने तुंद्‌रा खुल्‌ला मन सी फळ तींद्‌रे बारामां पेहलुत सी बुल आपला हतला, तीयार करीन राखु, की ज दबाव सी नी बाकुन खुले मनेन फळेन तसा तीयार रवु।

6 बाकुन वात जी छे, जे ईतरोक वेरे चु ईतरोक काटे बी, ने जे बेसको वेरे, चु बेसको काटसे। 7 आखा माणुस जसों मन मां ठाणी लेय असोत दान करे; नी कुड़-कुड़ सी, ने नी दबाव सी, काहाकी भगवान खुसी सी आपणे वाळा सी परम राखे। 8 भगवान आखी भातीन गीण-दया सी बेसकु बड़ीन आप सके जेरे सी आखी वात मां ने आखी टेमे, आखो काय, जो तुहुंक जरुड़ी रवे, तुंद्‌रे धड़े रवे, आखो वारु काम वाटे तुंद्‌रे धड़े हवे। 9 जसों लिखलो छे,