1 अळतेन ए लाटेक्लु भायसे जत्यार की जु वायदु हामुक जड़लु छे, ती आवु, हामु आपणे आप काजे डील ने आत्मान आखा पापे सी चुखला करे, ने भगवान काजे बीहता जाय्न चुखला काजे पुरो करु।
5 काहाकी जत्यार हामु मकीदुनीया मां आया, तत्यार बी हामरा डील काजे आराम नी जड़्यो, बाकुन हामुक चारे मेर सी दुख जड़तेला; बाहार झगड़ा हतला, माहें बीहणे वाळी वात हतली। 6 तेबी हीनु काजे सांती आपणे वाळु भगवान तीतुसेन आवणे सी हामु काजे सांती आप्यु। 7 ने हेरे आवणे सी अतरुत नी, बाकुन हीनी सांती सी बी, जे हेरो तुंद्रे भीणी सी जड़ली हतली; हयु तुंद्री लालच सी, ने तुंद्रो दुख ने मारे वाटे तुंद्री धुन काजे खबर हामुक सामळावे, जेरे सी मेसेक अळी बी खुसी हवे।
8 काहाकी कदी मे आपणी चिट्ठी सी तुहुंक दुखी कर्यु, बाकुन हेरसी पसतावु नी करतु जसों की पेहेल पसतावु हतलु काहाकी मे देखो की हीनी चिट्ठी सी तुहुं काजे दुख ते हयु। बाकुन च थुड़ीक वार वाटे हतलो। 9 हय ने खुसी हयु बाकुन हेरेसी नी की तुहुं काजे आफोत आय बाकुन हेरेसी की तुहुं हीना आफोतेन वजे सी मन फीराया, काहाकी तुंद्रो आफोत भगवानेन मरजीन अनसारे हतलो, ती हामरे भीणी सी तुहुंक काहनी वात मां नुकसाण नी हवे 10 काहाकी भगवान भक्तीन आफोत असा पसतावु पयदा करे; की जेरो सबुत छुटकारु छे। ने अळतेन हीनाक पसतावु नी हवे! बाकुन कळीन डीलेन दुख मुत काजे पयदा करे। 11 अळतेन देखु, ईनी वात सी की तुहुं भगवानेन भक्तीन आफोत हया; तुंद्रे मां कतरो खुसीन, जपाप, ए रीस, बीहणु, ने लालच, ने धुन ने डंड आपणेन वीच्यार पयदा हवे? तुहुं आखी भाती सी ज चुखो करीन देखाड़्या, की तुहुं हीनी वात मां नी-गुना वाळा छे।
12 जी चिट्ठी जु पाप कर्यु तेरे वाटे नी लिख्यु ने जु बयमानी कर्यु तेरे वाटे बी नी लिख्यु, बाकुन तुंद्रे वाटे एरेन करीन लिख्यु की तुंद्री खुसी जी हामरे वाटे छे, ची हवस भगवान अगळ उजेंती हय जाय। 13 हेरेसी हामुक सांती जड़े।