1 Ezkh 2:9,10; Aij 29:11 Biang shii hanyie dug pha jia airo phazoi wad shii nim ne um pha doh; jine nyimanyi ithuathek zey pha ji re-è chaig srane chebthek miley rog shii nab rek ne ruii. 2 Chiih-è gu è hamangkhliie riichaiboh jia doh, hanyie ne ziak ne yao, “Hanyie ne nabthek shii chui ne nim pha ji shii hong mua spho lei?” 3 Jishii hamangkhung hà dinne sohnyiak dinne sohjambling pha bucho hà ne*Sohjambling pha luii hà: Bi-iy ro sohjambling (riig 1:18) hanyie nim shii hong ne iliing riig mua spho jia de oi ro. 4 Gu ne khiwegkho ne chomage nyieliieshii nim pha ji shii hong ne iliing hà riig mua spho hanyie jia shii de adoh ro. 5 Igo 49:9; Aij 11:1-10 Chiihphado dukhothek pha è jia yi gu shii yao, “Acho rabo. Riig bo! Judah pha jad pha Bargi, Dawid ro boh riing, è ne yang pha ji shii muajong ro, chiih-è ai ne miley nabthek shii chui ne nim shii hong mua ruii phro.”

6 Aij 53:7; Zekh 4:10 Chiihphado Isieng miseypho nane dukhothek wi è shan pha biang duchoi shii shiishaiduii yi riu gu è doh. Shiishaiduii ne ua muii pha duiine doh. Aishii iriangthek miley nane imieg miley um, nyie jine Hamangkhung-aphuii ro miley ragungthek ro nyie jine zab pha sohnyiak hà thojong pha ji ro. 7 Shiishaiduii wuii srane hanyie yi biang shii dug pha jia airo phazoi wad re-è nim pha ji yiemuii. 8 Chng 141:2 Ai è rek shii, isieng miseypho wi nane ichiignawi dukhothek ne shiishaiduii ibi shii lakhiung niing. Zab shii ben nane san pha shiikhiiakhjamthek shii bisi chab srane, nyie jine Hamangkhung-aphuii ro branthek misiathek ro. 9 Chng 33:3; 98:1; Aij 42:10 Ithek ne iwo ibai bai: