Dong 15

Hamangkhliiethek rog iidohè pha muathek

1 Chiihphado gu è hamang hà boh nane anomuluii pha gai pha cheb doh. Thiisa hà miley hamangkhliiethek rog shii awie pha muathek miley um ro, nyie jine iidohè pha ji ro, nyieliieshii ithek ne Hamangkhung-aphuii ro iidohè pha srobro ji ro.

2 Chiihphado nyie yi sasia pha khamuii ne bai è lao pha duiine gu è doh. Hanyie yi buii ibeymuthung nane ji pha jangbang chiih-è hanyie ithek ro ibeng yi izey shii doh yi pha lakhung shii yang gey pha gu è doh. Ithek ne Hamangkhung-aphuii è ithek shii phi pha benthek khoh ne sasia pha khamuii shii riu 3 Mul 15:1 chiih-è Hamangkhung-aphuii ro khiao Moses ro ibai nane shiishaiduii ro ibai bai ramuii ro:

“Ithong Bohblu Hamangkhung-aphuii,

naro bliathek ne Khinyama boh nane wieng ro!

Sohthek pha Saja, *

Naro lumuiithek ne khama rangsua nane izai ro!

4 Ithong, na shii arum pha hanyie riu pha lei?

Hanyie naro bajoboh shii ayaothieg pha hanyie lei?

Nawai jijia ne so ro.

Zab pha sohthek ne

na shii misisia pha wuii ruii phro,

nyieliieshii naro giang bliathek ne zab è dohjong ro.”

5 Mul 38:21 Ji pha iidoh shii hamangkhung hà misiahò ne hong pha doh, ji pha rog shii ne Shiinyie giabrang um ro. 6 Miley hamangkhliiethek hanyie shii awie pha muathek miley ji yi imo chuang pha yung guii ne chiih-è awaithek ro lubuthothek shii san pha rathang riing ne misiahò re-è wuii ro. 7 Chiihphado isieng miseypho wi ji è jia è hamangkhliiethek miley shii san shiikhiiakhjam miley phi ji shii ne idang è idang rai pha Hamangkhung-aphuii ro lijieg ne ley um. 8 Mul 40:34; 1Saj 8:10-11; 2Phal 5:13,14; Aij 6:4 Chiih-è misiahò ne Hamangkhung-aphuii ro biisiie nane blu pha mukham re-è ley dun, chiih-è hamangkhliiethek miley è yie pha miley awie pha muathek ji ajong sapho shii ne hanyie de misiahò hà awuii mua phro.

<- Dong 14 Dong 16 ->