1 Zabèbo pha kho phabi shii ne awaithek duchoi è gua ne mizidthek zid phi chiih-è layogthek pha chiang shii mizidthek phi pha awaithek duchoi shii Hamangkhung-aphuii ro blia rek yi pha gua ro. 2 Ai awai ro bajo ichuathek shii zia ro, ai ne nyie de athieg pha branthek chiih-è asi pha rek pha bran ibi shii jum rek ro. 3 [a] Chiih-è nyieliieshii awai ne zia ro, ai ne bran layog shii mizid zid bie pha asi, jishii awai layogthek shii de zid chid phro. 4 [b] Hanyie de awai shii kho phabi ilab rone agua mua phro. Jine Hamangkhung-aphuii è Aron duiine bran shii kho phabi rab pha ho pha bie ro. 5 [c] Ji duiine Masi de awai è awai shii kho phabi ilab ne ayie ro. Ji phachiang shii, Hamangkhung-aphuii è aishii yao,
6 [d] Ai ne gai ithua hà de yao,
7 [f] Isu ro chai sohnyiak shii ai ne misiathek nane khungthek è cho ne hanyie è aishii iy pha ji è ragia rek mua pha Hamangkhung-aphuii shii miegkhothek chiih. Nyieliieshii ai ne jum nane isiie rek, ji è Hamangkhung-aphuii è aishii yoi. 8 Ai ne Hamangkhung-aphuii Dufuii magunde airo diig ji è nuii pha ji shii dab. 9 Ai ne khriig rab magey shii ai ne hanyie è aishii nuiipho ro idang pha giawo pha ithua rey, 10 Chiih-è Hamangkhung-aphuii è Melkhizedek lumuii shii aishii ne kho phabi rone yaothiek ro.[g]
- a Lew 9:7
- b Mul 28:1
- c Chng 2:7
- d Chng 2:7
- e Melkhizedek lumuii shii idang phabi rey ruii phro; dinne Melkhizedek duiine; dinne Melkhizedek lumuii shii rey.
- f Mth 26:36-46; Mrg 14:32-42; Lug 22:39-46
- g kho phabi lumuii shii ne Melkhizedek; dinne Melkhizedek duiine; dinne Melkhizedek lumuii shii aishii ne Kho phabi rone yaothiek ro.
- h 1Khor 3:2