इब्रानियों

इब्रानी पाषा बोलणे वाल़े यहूदी विश्वासिया खे चिट्ठी

भूमिका

इब्रानियों रे नाओं री चिट्ठी मसीहिया रे चूण्डो खे लिखी राखी थी, जो बड़दे ऊए बिरोदो रिया बजअ ते आपणे मसीही विश्वासो खे त्यागणे रे खतरे रे थे। लेखक तिना खे आपणे विश्वासो रे बणे रे रणे खे उत्साहित करोआ। खास करी की ये बतांदे ऊए कि यीशु मसीह ई परमेशरो रा असली और आखरी प्रकाशन ए। एड़ा करदे बखते से तीन सच्चाईया पाँदे जोर देओआ : (1) यीशु मसीह ई परमेशरो रा असली पुत्र ए, जिने दु:ख उठाई-उठाई की पिते री सच्ची आज्ञाकारिता सीखी। परमेशरो रे पुत्रो रे रूपो रे यीशु पुराणे नियमो रे भविष्यबक्ता, स्वर्गदूत और मूसे ते बी श्रेष्ठ ए। (2) यीशु परमेशरो रे जरिए अनन्तकालो रा प्रदान पुरोईत घोषित करी राखेया, पुराणे नियमो रे प्रदान पुरोईता ते बी श्रेष्ठ। (3) यीशुए रे जरिए विश्वासी पाप, डर और मौता ते बचाई ला रा और यीशु प्रदान पुरोईतो रे रूपो रे सच्चा उद्धार देओआ, यहूदी तर्मो रिया तर्म-बिदिया और डांगरा रिया बलिया रे जरिए जेतेरा बस पईलका आभास ई मिलोआ।

इस्राएली इतियासो रे कुछ मशुर मांणूआ रे विश्वासो रे उदारण बतांदे ऊए (पाठ 11), लेखक आपणे पढ़ने वाल़ेया ते विश्वासो रे बणे रे रणे री प्रार्थना करोआ और 12 वे पाठो रे से आपणे पढ़ने वाल़े ते प्रार्थना करोआ कि सेयो अंतो तक विश्वासो रे बणे रे रओ और आपणी नजर यीशुए पाँदे लगाए रे राखो और जो दु:ख और सताओ तिना पाँदे आओए तिना खे सेयो सब्रो साथे सईन करो। ये चिट्ठी कुछ सलाह् और चेतावणिया साथे खत्म ओई।

रूप-रेखा

भूमिका : मसीह परमेशरो रा पूरा प्रकाशन 1:1-3

मसीह, स्वर्गदूता ते बी श्रेष्ठ 1:4-2:18

मसीह, मूसा और यहोशूओ ते बी श्रेष्ठ 3:1-4:13

मसीह रे पुरोईतो रे पदो री श्रेष्ठता 4:14-7:28

मसीह री वाचा री श्रेष्ठता 8:1-9:28

मसीह रे बलिदानो री श्रेष्ठता 10:1-39

विश्वासो री श्रेष्ठता 11:1-12:29

आखरी उपदेश और निचोड़ 13:1-25