Amola Isala:ili fi dunu da Ea Dio amoma nodone sia:sa.

2 E da Yelusaleme moilai bai bagade ganodini Ea fifi lasu gala.

E da Saione Goumia esala.

3 Amogawi E da ha lai dunu ilia dadi fifili sali.

Dafawane! E da ilia da:igene ga:su amola gegesu gobihei

amola ilia gegesu liligi huluane fifili sali.

4 Gode! Di da hadigidafa!

Di da goumi amoga Di da Dima ha lai dunu hasali,

amolalu buhagilala, Dia da hadigi bagadedafa ba:sa.

5 Ilia nimi gesa:i dadi gagui dunu da da:i nabado agoane ba:sa.

Amola wali ilia da bogoi ilia diabe defele diala.

Ilia gasa amola dawa: hou da ili fidimu hamedei ba:su.

6 Ya:igobe ea Gode!

Di da ilima magagiba:le, ilia hosi amola amoga fila heda:i dunu

da bogole gala:la sa:i dagoi ba:i.

7 Be Hina Gode! Dunu huluane da Diba:le beda:sa!

Di da ougi galea, dunu afaega da Dia midadi aligimu hamedei ba:sa.

8-9 Di da Hebene amoganini Dia fofada:su osobo bagade dunu dawa:digima:ne sia:i.

Di da wa:legadole, osobo bagade banenesi dunu amo gaga:ma:ne,

fofada:su ea bai oleleloba, osobo bagade fi dunu da amo nababeba:le,

beda:i amola beda:ne ouiyai dialu.

10 Dafawane! Osobo bagade dunu da Dima ougiba:le,

Di da nodosu baligili lamu.

Dunu amo da gegesu ganodini hame bogoi esalea,

da Dia lolo nasu hamonanumu.

11 Dilia da dilia Hina Godema imunu ilegei liligi amo Ema ima.

Gadenene esalebe fifi asi gala! Dilia Ema iasu gaguli misa!

Gode da osobo bagade dunu beda:ma:ne hamosa.

12 E da gasa fi hina bagade mano amo fofonobonesisa.

Amola E da gasa bagade hina bagade dunu ili baligili beda:ma:ne hamosa.

<- Gesami Hea:su 75Gesami Hea:su 77 ->