48
Saione - Gode Ea Moilai Bai Bagade
1 Hina Gode da bagadedafa.
Amola Ema baligiliwane nodomu da defea.
Ea Moilai Bai Bagade amola Ea sema agolo
amogai Ema baligiliwane nodomu da defea.
2 [a]Gode Ea Goumi amo Saione, da gadodafa amola ida:iwanedafa gala.
Hina Bagadedafa Ea Moilai Bai Bagade da osobo bagade fifi asi gala dunu
huluane ilima hahawane hou iaha.
3 Gode da Ea gagili sali Moilai Bai Bagade amo ganodini esala.
Amola nowa da amo ganodini E gilisili esalea, amo dunu da gaga:su ba:mu.
Gode da amo hou olelei dagoi.
4 Osobo bagade hina bagade dunu da gilisili,
Saione Goumi doagala:musa: misi.
5 Be ilia da amo ba:loba, fofogadigili, bagade beda:i.
Beda:iba:le, ilia hobea:i dagoi.
6-7 Uda da mano lalelegemu gadenesea se nabasu amo defele,
amola dusagai bagade hano wayabo bagade ahoanoba,
mulu amo ganodini gigiwigisu defele, ilia beda:i bagade amola se nabi dagoi.
8 Ninia da Gode Ea hamobe amo ninia gega nabi dagoi.
Amola wali ninia da ninia Hina Gode Bagadedafa Ea Moilai Bai Bagade
amo ganodini Ea hamobe ninia siga ba:i dagoi.
E da Ea Moilai Bai Bagade mae fisili gaga:lalumu.
9 Gode! Ninia da Dia Debolo Diasu ganodini
Dia maedafa fisili asigidafa hou amo dawa:lala.
10 Osobo bagade fifi asi gala dunu huluanedafa da Dia hou dawa:.
Amola amoba:le nodosa.
Bai Di da moloidafawane ouligilala.
11 Saione esalebe dunu ilia da hahawane ba:mu da defea.
Bai Dia da moloidafa fofada:su hamosa.
Yuda moilai ganodini amo hahawane hou dialumu da defea.
12 Gode Ea fi dunu, dilia!
Saione Moilai Bai Bagade sisiga:le ahoa
gagagula heda:le gagai diasu amo idima!
13 Fa:no fifi mabe ilima olelemusa:, dobea fei amola gagili gagoi amo abodema.
Bai dilia da fa:no fifi mabe ilima amane sia:ma:ne,
14 “Goe Gode da ninia Gode.
E da eso huluane esalalalumu.