46
Gode da Nini Esala
1 Gode da nini Ea ougiaha gaga:musa: dawa:,
amola E da Ea gasaga nini gaga:lala.
E da eso huluane ninima adi bidi hamosu doaga:sea,
fidimusa: momagei diala.
2 Amaiba:le, osobo bagade da fogosea
amola goumi da agele
hano wayabo osodogoi amoga dasea,
ninia da hame beda:mu.
3 Amolawane, hano wayabo da goba gala:le heda:sea,
amola agolo da gasa bagade igugusia, ninia da hame beda:mu.
4 Amoga da hano gala. Amo hano da Gode Ea Moilai Bai Bagadega
hahawane hou gaguli maha.
E da Gadodafa Gode Ea Sema Diasu
amoga hahawane hou gaguli maha.
5 Gode da amo Moilai Bai Bagade ganodini esala
amola amo Moilai Bai Bagade da hamedafa mugului dagoi ba:mu.
E da hahabedafa amo Moilai Bai Bagade gaga:musa: misunu.
6 Fifi asi gala da beda:gia:sa.
Hina bagade ilia ouligisu soge da igugui dagoi ba:mu.
Gode da gugelebe agoane sia:sea, osobo bagade da daeyane daha.
7 Hina Gode Bagadedafa da nini esala.
Ya:igobe ea Gode da ninia wamoaligisu sogebi gala.
8 Hina Gode Ea hamoi ba:la misa!
E da osobo bagadega fofogadigima:ne hahamoi, amo ba:la misa.
9 E da osobo bagadega gegesu amo huluane gagabolesisa.
E da oulali fifisa.
E da goge agei wadela:lesisa.
Amola E da da:igene ga:su liligi laluga ulagisa.
10 E da amane sia:sa, “Gegesu yolesima!
Amola Na da Godedafa, amo dawa:ma!
Na da fifi asi gala huluane ouligisa.
Na da osobo bagade fifi asi gala huluane ilima Ouligisudafa.”
11 Hina Gode Bagadedafa da nini esala.