Bai na da moloi hou fawane hamosa

amola Dima molole dafawaneyale dawa:sa.

2 Na hou abodele ba:ma amola adoba:ma!

Na dawa:su amola na hanai hou amo ba:lu fofada:ma!

3 Dia mae fisili asigidafa hou da na logo olelesu gala.

Dia hame fisisu hou da eso huluane na sigi ahoa.

4 Na da hamedei wadela:i dunu ilima hame gilisisa.

Na da dabua fawane moloi dunu ilima hame gilisisa.

5 Na da wadela:i dunu ilima gilisimu higasa.

Na da ilima hame gilisisa.

6 Hina Gode! Na da wadela:i hou hame hamosa.

Dia gobele salasu oloda amo beba:le mogodigili sisiga:la.

7 Na da Dima nodone gesami hea:sa

amola Dia noga:idafa hamobe houba:le,

eno dunuma alofele adodosa.

8 Hina Gode! Na da Dia esalebe diasu amo bagade hanasa.

Bai amo ganodini Dia hadigi da diga:i dialebeba:le.

9-10 Di da wadela:i hamosu dunu amo wadela:lesisia, na ilima mae gilisilisima.

Fane legesu dunu (dunu amo da eso huluane wadela:i hou hamonana

amola eso huluane hano suligimusa: momagele esala)

amo dunu ilia se dabe lasu amoga na gaheginisima.

11 Be nina: da moloidafa hamosa.

Nama asigima amola na gaga:ma.

12 Na da se nabasu amoga huluane gaga:i ba:sa.

Hina Gode Ea fi ilia gilisisu ganodini, na Hina Godema nodone sia:sa.

<- Gesami Hea:su 25Gesami Hea:su 27 ->