Di da mae fisili, moloidafa hou hamonanebeba:le, na adole ba:be nabima!

2 *Louma 3:20; Gala:isia 2:16Na da Dia hawa: hamosu dunu! Nama mae fofada:ma!

Bai dunu afae da Dia siga ba:sea, moloidafa da hame gala.

3 Nama ha lai dunu da na desega misini, na hasalasi dagoi.

Ea da na gasidafa se iasu diasu ganodini sali.

Wali na da dunu da hemonega bogoi agoane ba:sa.

4 Amaiba:le na da yolesimusa: dawa:lala.

Na da baligili heawini da:i dioi gala.

5 Na da eso musa: asi amo dawa:lala.

Dia musa: hamosu na da dawa:lala.

6 Na da lobo gaguia gadole, Dima sia:ne gadolala.

Hafoga:i osobo da gibu sa:ima:ne dawa:lalebe,

amo defele na da Di nama misa:ne hanai gala.

7 Hina Gode! Wahadafa nama dabe adole ima!

Na da hamoma:beyale dawa:lusu huluane fisi dagoi.

Na da bogoi sogebia dasa:besa:le, Dia naba:le mae wamoaligima!

8 Hahabe huluane, Dia mae fisili asigidafa hou nama buga:le adole ianoma.

Bai na da Dia hou dafawaneyale dawa:sa.

Na sia:ne gadosu da Dima gado heda:sea, na masa:ne idi olelema.

9 Na da Dia gaga:su hou lama:ne, Dima ahoa.

Na ha lai dunu da na hasalasa:besa:le, Dia gaga:ma.

10 Di da na Gode! Dia hanai na hamoma:ne, nama olelema.

Nama hou noga:i hamoma, amola na gaga:iwane masa:ne,

idi noga:i nama olelema.

11 Hina Gode! Dia gaga:musa: ilegei defele, na gaga:ma.

Dia noga:idafa hou amoga na gaga:ma.

12 Dia da nama asigiba:le, na ha lai dunu medole legema!

Na banenesisu dunu amo gugunufinisima.

Bai na da Dia hawa: hamosu dunu.

<- Gesami Hea:su 142Gesami Hea:su 144 ->