1 Mak 12.36,16.19, A꞉fe 1.20Gode eyo꞉ gio꞉ Keliso e o꞉lia꞉ a꞉ma꞉la꞉ dasi alifa꞉ ko꞉lo꞉, giliyo꞉ kelego꞉ Hebene halomilo꞉ a꞉lab a꞉no꞉ko꞉ mada alan asula꞉lubi. Iwalu halonamio꞉ Keliso e misa꞉ siliki, Godeya꞉ ene dagi ililiba sab. 2 Madi 6.33Henfelo꞉ wenamilo꞉ da꞉lab kelego꞉ we mo꞉asulaki, iwalulo꞉ da꞉lab kelego꞉ halo ko꞉lo꞉ mada asulufo꞉lubi. 3 Mo꞉wo꞉ gio꞉ sowo꞉ ko꞉lo꞉, gi mela꞉no꞉le a꞉no꞉ Kelisowa wo꞉no꞉le dia꞉fo꞉liki, Gode o꞉lia꞉ dowo꞉ ko꞉lo꞉lab. 4 Keliso e gili mela꞉no꞉ mo꞉wo꞉ E ko꞉lo꞉, E kalaba fa꞉la꞉dowalikiyo꞉, gio꞉lo꞉ e o꞉lia꞉ ene ho꞉len malilo꞉ o꞉lia꞉ kalaba fa꞉la꞉doma꞉ib.

5 Lom 6.6,11,A꞉fe 4.19, 5.3-6A꞉la꞉go꞉ko꞉lo꞉ gililo꞉ man mogago꞉ dimidama꞉no꞉ asula꞉sen a꞉no꞉ sana sowa꞉bi. Man a꞉no꞉ we. Uwo꞉ dian mano꞉, heyo꞉ mano꞉, do꞉mo꞉wa꞉lo꞉ dimidama꞉no꞉ asulan mano꞉, man mogago꞉ dimidama꞉no꞉ asulan mano꞉, meselan mano꞉, i a꞉no꞉ o꞉m. Meselan man a꞉no꞉ madali Godemo꞉lo꞉ gulugululan o꞉ngo꞉ ko꞉lo꞉ a꞉lab. 6 Man dimidan a꞉na a꞉la꞉ta꞉ga꞉yo꞉, Godeya꞉ gadio꞉wo꞉ tima꞉nigab. 7 Tamin amio꞉ gili mela꞉no꞉wo꞉ a꞉na elen ko꞉lo꞉, giliyo꞉ man a꞉no꞉ dimidafo꞉ko꞉ dowa꞉len. 8 A꞉fe 4.25-29,5.4A꞉la꞉dimida꞉len ko꞉sega, o꞉go꞉ giliyo꞉ man we o꞉ngo꞉wo꞉ tambo dila꞉bi. Gadian mano꞉, kulufa꞉yan mano꞉, nowo꞉mbo꞉lo꞉ mo꞉bean mano꞉, sada꞉dano꞉, a꞉la꞉ta꞉ga꞉ wa꞉sa꞉le sa꞉lano꞉, tambo kata꞉ta꞉bi. 9-10 A꞉fe 4.22,24,25A꞉la꞉ta꞉ga꞉ giliyo꞉ gegelebo꞉ madaliyo꞉ dikili sa꞉la꞉so꞉bo. Mo꞉wo꞉ gili mogago꞉ dimidama꞉no꞉ asula꞉sen man a꞉no꞉ tambo dugula꞉sa꞉ga꞉, man ho꞉gile a꞉no꞉ gi amio꞉ kalifa꞉. Gode eyo꞉ gio꞉ ho꞉gi kaluka꞉isale fa꞉la꞉do alifa꞉ ko꞉lo꞉, giliyo꞉ e mada asulufo꞉liki, enen misido꞉ o꞉ngo꞉ fa꞉la꞉doma꞉ki, eyo꞉ asulo꞉wo꞉ gimo꞉wo꞉ dimifo꞉ko꞉ a꞉lab. 11 Gala 3.28Keliso eyo꞉ nio꞉ ho꞉gile fa꞉la꞉do alifa꞉ ko꞉lo꞉, nio꞉ tambo imilo꞉ dowab. Yuda kaluka꞉isale o꞉lia꞉ Gilig kaluka꞉isale o꞉lia꞉ us amio꞉ eleyo꞉ aundo꞉ma. A꞉la꞉ta꞉ga꞉ do꞉go꞉fo꞉ hege gedeo꞉ kalu o꞉lia꞉ mo꞉hege gedeo꞉ kalu o꞉lia꞉yo꞉ ko꞉li a꞉la꞉bo꞉ asula꞉so꞉bo. Ko꞉na꞉ kaluwa꞉le, to ko꞉lilo꞉lo꞉ sa꞉lan kaluwa꞉le, madalilo꞉ nanog dian kaluwa꞉le, enena꞉ma꞉la꞉lo꞉ bo꞉fo꞉lowan kaluwa꞉le, iyo꞉ tambo imilo꞉ dowab. Ko꞉sega alan kelego꞉ a꞉no꞉ mo꞉wo꞉ Ya꞉su Keliso e ko꞉m, a꞉la꞉ta꞉ga꞉ e ni usa tambo a꞉lab.

12 1Bid 2.9Gode eyo꞉ gi o꞉lia꞉ ha꞉fo꞉wo꞉ disa꞉la꞉sa꞉ga꞉, gio꞉ malilo꞉ kaluka꞉isale dowabiki, eno꞉ a꞉la꞉liki da꞉feyo꞉ ko꞉lo꞉, giliyo꞉ mano꞉ we o꞉ngo꞉ dimida꞉lubi. Nofolano꞉, nowo꞉mbo꞉wo꞉ man nafa dimidano꞉, go꞉no꞉n ge ha꞉ga dowano꞉, no o꞉lia꞉lo꞉ ha꞉sa dowano꞉ a꞉la꞉ta꞉ga꞉ bo꞉ebo꞉ mo꞉iligan mano꞉, gio꞉ a꞉no꞉ ko꞉lo꞉ tambo kudu ha꞉na꞉lubi. 13 A꞉fe 4.2,32A꞉la꞉ta꞉ga꞉ gio꞉ gegelebo꞉ mo꞉mo꞉beaki, kalu noma꞉lo꞉ gemo꞉lo꞉ hala dimidab a꞉no꞉ ga꞉lila꞉lubi. Alan Keliso eyo꞉ gili mogago꞉wo꞉ hala꞉sa꞉ga꞉lo꞉ ga꞉lila꞉ o꞉leaumbo꞉, giliyo꞉lo꞉ a꞉la꞉ halaki ga꞉lila꞉bi. 14 Lom 13.8-10A꞉la꞉ta꞉ga꞉ wa꞉la꞉b kelego꞉wo꞉ we. Giliyo꞉ kalu nol o꞉lia꞉yo꞉ ha꞉fo꞉wo꞉ disa꞉la꞉lubi. Man a꞉ma꞉yo꞉ kaluka꞉isaleyo꞉ ua kegene kudu alitaki, asulo꞉ imilise doma꞉ki ta꞉ta꞉sen. 15 1Kol 12.27,A꞉fe 4.4, Fili 4.7Gio꞉ tambo Kelisowa꞉ ene do꞉mo꞉ heb ko꞉lo꞉, gegelebo꞉ ha꞉sa doma꞉ki Gode eyo꞉ gio꞉ a꞉na ho꞉ido꞉. A꞉la꞉fo꞉ko꞉lo꞉ Kelisowa꞉ ene ha꞉sa dowan man a꞉ma꞉yo꞉ gio꞉ tambo bo꞉fo꞉melea꞉ki ta꞉ta꞉bi. A꞉la꞉ta꞉ga꞉ giliyo꞉ Godemo꞉wo꞉ mada o꞉m a꞉la꞉sa꞉la꞉lubi. 16 A꞉fe 5.19Kelisowa꞉ ene to a꞉no꞉ gili asulo꞉ usa amio꞉ ililita꞉ga꞉ doma꞉ki ta꞉foma. Gio꞉ nowo꞉mbo꞉wo꞉ widaki, a꞉la꞉ta꞉ga꞉ gegelebo꞉ digala꞉lubi. A꞉la꞉ta꞉ga꞉ gio꞉ Godemo꞉ sagalakiyo꞉, Godeya꞉ gisalo꞉ bugo꞉ amilo꞉ da꞉lab a꞉no꞉lo꞉, gulugululakilo꞉ gisalo꞉ mo꞉lan a꞉no꞉lo꞉ mo꞉la꞉lubi. 17 1Kol 10.31,A꞉fe 5.20Gili mego꞉fa꞉ to sa꞉lakiyo꞉lo꞉, nanog dimidakiyo꞉lo꞉, kelego꞉ gilo꞉lo꞉ dimidama꞉no꞉ a꞉no꞉ tambo, Alan Ya꞉su Kelisowa꞉ wiya dimida꞉lubi. A꞉la꞉ta꞉ga꞉ ene wiya ilikiyo꞉, Do Godemo꞉wo꞉ sagalaki, mada o꞉m a꞉la꞉sa꞉la꞉lubi.

18 A꞉fe 5.22Ga indo꞉ giliyo꞉, ge kaluwa꞉ ha꞉ga dowa꞉bi. Kelisowa꞉ siwa꞉l amilo꞉ man nafa ko꞉lo꞉ dimidama꞉no꞉wo꞉ o꞉m.

19 A꞉fe 5.25Kalu galo꞉ di giliyo꞉, ga꞉ gayo꞉ alan asulaki, ha꞉fo꞉wo꞉ disa꞉la꞉bi. Ga꞉ ga o꞉lia꞉yo꞉ ha꞉sa dowaki diboda꞉so꞉bo.

20 A꞉fe 6.1So꞉wale giliyo꞉ go꞉l dia꞉ go꞉lia꞉ma꞉ towo꞉ dinafa kudu ha꞉na꞉lubi. Man a꞉ma꞉yo꞉ Alano꞉ sagale alifa꞉ib.

21 A꞉fe 6.4Iya i giliyo꞉, go꞉no꞉ so꞉wagalino꞉ hida꞉yo꞉wo꞉ dowabena꞉kiyo꞉, giliyo꞉ mo꞉bema꞉no꞉wo꞉ dimida꞉so꞉bo.

22 A꞉fe 6.5-8Madali nanog dian kalu giliyo꞉ gelo꞉ bo꞉fo꞉lowan kaluwa꞉lo꞉ to sa꞉labo꞉ tambo dinafa kudu ha꞉na꞉lubi. Giliyo꞉ nanogo꞉ halaido꞉ dimidakiyo꞉, bo꞉fo꞉lowan kalu eyo꞉ gelo꞉ bo꞉fo꞉lab ho꞉len a꞉namio꞉, e sagale alifa꞉no꞉ a꞉no꞉ko꞉ asulakiyo꞉ nanog dimida꞉so꞉bo. Ko꞉sega elo꞉malamio꞉lo꞉ gio꞉ Gode Alano꞉ tagilaki ha꞉ga dowakiyo꞉, ge nanogo꞉ halaido꞉ dia꞉lubi. 23 Nanogo꞉ tambo giliyo꞉ dimidakiyo꞉, nanogo꞉ halaido꞉ diaki dimida꞉lubi. Giyo꞉ ne henfelo꞉ kaluwa꞉ nanog dimido꞉l a꞉la꞉bo꞉ mo꞉asulaki, Alan Ya꞉suwa꞉ ene nanog dio꞉l a꞉la꞉asulaki dia꞉bi. 24 Giliyo꞉ a꞉la꞉asulo꞉, tif amio꞉ Alan eyo꞉ wa꞉l dimiakiyo꞉, kelego꞉ nafaleyo꞉ gemo꞉ dimia꞉ib. Gio꞉ Kelisowa꞉ ene nanog dimida꞉lab ko꞉lo꞉, gi misa꞉ kalu hendeleyo꞉ e ko꞉m. 25 Lom 2.11Kalu abeyo꞉ mogago꞉lo꞉ dimida꞉lab a꞉no꞉ ene mogago꞉ dimido꞉ a꞉ma꞉ wa꞉lo꞉ dia꞉ib. Gode eyo꞉ kaluka꞉isale tambomo꞉wo꞉ mano꞉ imilo꞉ a꞉la꞉ka aloba꞉da꞉sen.

<- Kolosi 2Kolosi 4 ->